Tamaitaungittut piumayauyuq havauhikhat ihariagiyut Naunaiyainiq NIRB-kunnit. Titiraqhimayumi Nunavut Angirutinga unalu Nunavut Ihumaliurniq unalu Havauhikhaq Ihivriuqniqmut Maligaq, uuktuutit tamainnut piumayauyuq havauhikhat tuniyukhaq ukununnga Nunavut Ihumaliurniq Katimayiingit, naunaiyaruirumik taimaa havauhikhaq maliktaa angiqtauhimayut nunanganik aturninnga ihumaliurut tamna NPC-kut naunaiqniaqtaa taimaa havauhikhanga pilimaittuq ihariagiyanganik naunaiyaininnganut. Titiraqhimaninnga 12-1 uumannga Nunavut Angirutinga piliuqtaa qaffinik aadlatqiinguyut havauhikhanik piqalluangittumik akhuraaluk ayurhaqtitaa avatinga pingittuq Naunaiyaininnganit NIRB-kunnit. Hapkuat havauhikhangit ilaliutilugu amigaittut hulilukaarutit haamlanginnit, pulaarviuyunit ikitqiaq 20nik iglinik hilataanit haamlamit, aadlallu mikkauyut havauhikhat.

NIRB-kut pittaaqtuqlu angirutingit munariyumut kavamatkut Ministangit pittailigiami aadlannik havauhikhaq qanuriliurutingit hulilukaarutingilluuniit ihariagiyauyumit Naunaiyaininnganut. Una angiqtauniaqtuq talvani havauhikhanganik mikkiumik piqaqtuq akhuraaluk ayurhaqtitaa avatinga talvani aadjikutaanik havaanga itpat taimaa naunairiami avatiliriniqmut ayurhaqtitaanhiy ihuaqtumik uqaqtauyuq. NIRB-kut tadja piqaqtuq pingahunik naunaiyainiq pittailiniq angirutingit talvani titiraqhimayumi Titiraqhimaninnga 12-1(7) uumannga Nunavut Angirutinga unalu Titiraqhimaninnga 3 uumannga Nunavut Ihumaliurniq unalu Havauhikhaq Ihivriuqniqmut Maligaq:  

Tamarmik naunaiyainiq pittailiniq angirutinga ihariagiyuq ukiumi naittuq naunaiyainiq laisinik, naunaitkutanik unalu angirutiniklu tuniyut unalu pulaaqtauffaanginnarialik piumagumi.

Nakuuqpiaqtumi kihimi, talvani havauhikhanganik piiqtauhimayuq piyakhamiknit naunaiyaininnganut NIRB-kunnit, the Nunavut Ihumaliurniq Katimayiingit pihimayaa pittaarninnga pitquyaugiami havauhikhaq tukhiutingit NIRB-kunnut naunaiyaivikhamut talvani NPC piqaqtuq ihuaqtuq ihumaalutimik angikliyuumirniaruknaqhiunik qanuriliurutinik piniaruknaqhiyuq.