Inuit ilauninnga nakuutqiaqpiaq NIRB-kut ilihimagiamikni ilumuurutinginnik pipkaidjutauyuq uumannga piumayauyuq havauhikhaq. Nakuuyumik ilauniq pipkaidjutiyuq angmaumayumik ihuaqtumiklu havaangit hakugiktitaa qanurittaakhaanik ayurhautimik naunaiyainiqmik naunaipkainiqlu ihumaliurninnga-piliuqtuq, pipkaidjutiyuq nakuutqiamik ihumaliurniq nakuutqiamiklu havauhikhat. Naunaiyainiq havauhikhaq tukhiutinik naunairiami ihariagigumi iluittumik avatiliriniqmut ihivriuqniqmik, NIRB-kut naunaiqtakhaalu taimaa havauhikhaq akhuurutipkainiaqtuq inungnut ihumaalutinik; una ihumagiyauyuq, ilanganik, qanuqtut ihumagiyamiknik piyut pitillugu una naunaiyainiq havaangit.

NIRB-kut ihumagiyait piniaruknaqhiyuq avatinga ayurhautinginnik (ukunatitut nuna, anirhaaktaptiknik, imanga, iqalungit huradjallu) unalu piniaruknaqhiyuq inungnut ikayuutikhait ayurhautinginnik (ukunatitut aaniaqtailininngit nakurudjutingit inuit nunagiyangillu) piumayauyuq havauhikhat naunairiami taimaa havauhikhaq piqaqtuq piniaruknaqhiyuq akhuraaluk ayurhaqtipkaiyuq avatinganik. Taimaa uqaqtatit nakuugiami NIRB-kunnut, naunaiyaqtakhat tamaita avatinga and inungnut ikayuutikhait ilumuurutingit ihumagiyat akhuurutauyut naunaiyarlugulu qanuqtut hapkuat ilumuurutingit ayurhapkainiaqtut ukunanit piumayauyuq havauhikhaq.

Qanuqtut uqaqtamiknik ihumagiyauvat naunaiyainiqmik?

Kitut naunaitkutaq aadlanut uqaqtauyut inukmit inuknillu tuniyauniaqtuq iluittumik ihuaqtumiklu ihumagiyauniq naunaiyainiqmik piyuq NIRB-kunnit. Imaatut ittuq ilaliutiniaqtuq uumunnga, naunaiyarlunilu aadlanut, tamaita aadlat qanuqtut ihumagiyangit unalu naunaitkutaq piyait naunaiyaqtillugit. NIRB-kut atuqpaktut aadlatqiinik hanalrutinik ihumagigiami akhuurutininnga, uqumaitilaanga akhuurutininngalu naunaitkutamik tuniyauyuq. Naunaitkutaq katitiqtait naunaiyaqtillugit pipkaidjutiniaqtuq talvani naunaiyainiqmik ihumagilluaqtuq qanurittaakhaaniklu ihumaliurninnganut piyullu pitquyauyut tuniyauyut iniqtirutininnganut naunaiyainiqmik.

Inungnut Katimapkainiq

Talvungalu tunigiami titiraqhimayunik uqaqtamiknik NIRB-kunnut ihumagiyakhangit, tamainnut NIRB Ihivriuqtangit pihimmaaqtullu Munariniqmut Pinahuarutit amigaittuq qanuriliurutikhat ilauyunut ilaupkaininnga ukunuuna Inungnut Katimapkainiq, naunaitkutaq katimaniq, nunallaani katimaniq, ayuirhapkainiq unalu inungnut tuhaqtipkainiq. NIRB-kut qakunguraangat katimapkaivaktut nunallaanit piniaruknaqhiyuq-pipkaidjutauyuq piumayumit havauhikhaq akhuurutaillu inuit katimayukhat ilaulutiklu. Tamaita NIRB katimapkainiit naunaipkaivagait katimatinnagit uqaqtiqarlutiklu taimaa naunairiami inuit tamaita tuhaqtaugiamiknik kangirhigiamikniklu.