Nunavunmi Avatilirinirmut Katimayit Pilirivikhanut
Naunaitkutikhaat (Qiqailruq 2014)

Katimayiit ilaliutauyut arvinilik hitamat ilauhimayut, tiliyauhimayut Kanatam Kavamangit unalu Nunavut Kavamangit niruaqtauhimayut ukuninngat kavamatuqait aviktuqhimayumi kavamangit tahapkuattauq tikkuaqtauhimayuq Inuit timingat, Nunavut Tunngavik Timigutit:

  • Una Ikhivautalik tiliyauhimayuq haffuminngat Kanatam Kavamangit  katimadjutigivlugulu Nunavut Kavamangit, niruaqtauyumik haffuminngat Nunavut Avatilirinirmut Katimayit
  • 4 Katimayit tiliyauhimayut haffuminngat Kanatam Kavamangit, niruaqtauhimavlutik haffuminngat Nunavut Tunngavik Timigutit. Nunavut Tunngavik Timigutit kititiqpakhutik niruaqtauhimayunit 3 inikhautikhat haffuminngat aviktuqhimayumi Inuit katudjiqatigiit
  • 2 Katimayiit tiliyauhimayut haffuminngat Nunavut Kavamangit
  • 2 Katimayiit tiliyauhimayut haffuminngat Kanatam Kavamangit
  • 2 ahianit Katimayit tiliyauhimayut haffuminngat Kanatam Kavamangit niruaqtauvlutik ukuninngat Makivik Kuapuriisan, una tikkuaqtauhimayut Inuit timinganit Nunaviknit  (Northern Quebec). Hapkuat 2 Katimayiit himmautaulaaqhutik 2 Katimayiinit tiliyauhimayut niruaqtauhimayunit haffuminngat Nunavit Tunngavik Timigutit ihivriuqhimayut iluani ‘ilanganit atauttimuuqtut aturnaqtut’ malikhugit iluani Nunavut Nunataarutata Angirutimi

Tamait tiliyauhimayut hivituninga pingahunit ukiukhamut unalu katimayi tiliuffaarnaqtut.

Tamaat ihumaliuqtangit haffuminngat NIRB ihumaliuqtauyut vuutiqtauvlutik taimaa kiugiaqaqhutik katimayut naamaniqhaarumik (5 nit katimalaaqtut). Tamaat katimayiit haffuminngat NIRB’nit vuutiriaqaqtut, Ikhivautaliunngittuq, vuutiqhimalaaqtuq avvautihimagumik kihiani. Tahapkuat arvinilik hitamat inuit arlingnaqtumik inmikkuuqhutik ihumaliuqattaqhutik timiuyut. Taimaa ilagiinnaqhutik Kavamangit Inuit Timniuyunillu parnauqatigiivlutik kiuquyaunirnut uuminngalu qauyihainikkut ikayuutikhanut , tahapkuat katimayiit NIRB’kkunnit ihumaliuqhimavaktut taimannut ihumavlugit Nunavunmiunut (kitunuliqaak Nunavunmiuyut) tamainnut Kanatamiunit, ilaudjutaunngittunilu tiliuqtauhimayunit timingat.