Havaariyakhat: 
GIS Qauyihaiyi
Qaritauyakkut turaarutaa: 
Hivayautaa: 
(867) 983-4613

Jorgen Komak inuuhimayuq angiklikhimayurlu Kangikhoayok mi (Daniel Moore Bay) Omingmaktok uataanit. Ataattianga ilaitalu ukiuraalungmi ukiivaktut. Qingauk niuvvaaviqaraluaqtuq ilaitalu niuviriaqtuqhimavaktut niqikhamit. NIRB mi havakhimalraaqtuq Hikutirvia 1996 mi taimaaraaluk havakhimainnaraaqhuni. Havalraanga GIS Ayuinniqhaliuvluni. Aippaanganiani Qauyihainirnut Kiuliqiyiuvluni ikayuliqpagaat havagluarningit ikilukkaanguyut qauyihainikhainut kiuliqiyit NIRB havaktikhiulliuqhimavaktut. Humi NIRB havaktit inugiakhilirami havaktiqaliramik, havaamingnit utiqhimayaa GIS nit ukunanngat IT nit havaangit ilagivluniuk havaangit tukiliutaanit. Jorgen uqattiaqtuq Qablunaatut Inuinnaqtunullu (titirarnikkut uqarnikkullu). NIRB nut nuulihaaqhuni, Jorgen havakhimagaluaqtuq Kitikmeot Inuit Katimayiit Nunanut Atannguyauvluni. KIA tkunnit havakhimagaluaqhuni, ilihariaqaqhuni haffumani taidjutilik Avatiliqinirnut Qauyihainikhainut una ilihautit ilaqaqhunilu haffumani nunaliqinirnut ilitturvikhangit (GIS) taimaa ayuiryuummiriami havaamingnut. Uvani Jorgen’ip havaariliqtaa aulavigivagaat kangiqhidjutaanit nayugaanit unipkaariyangit aturnaqtut nakuutqiyahiurnigut titiqqangit. Una havaaq nayugaa unipkaangit havagvingmit takukhaunnaqtuq haniani nunalingni ihuiluutaulaaqtuq havaanut. Ilagilaaqtangit tamainnut Nunavunmiunut haffuminngatut Ukiuqtaqtuq Uataanit Ikaarvik umiaqtuqtunut ihuiluutaulaaqtuq amihunut nunaliit titqautakkut ikaarvingit. Taimaa nakuutqiyahiurnikkut titiqqangit taimaa kigliutaulaaqtut akiharnaqtunit taimaa amiriyaunnanngittuq NWT mut. Una havaaq nayugaa unipkaangit ilaliutaulaaqtuq aallat qaliriiqhimayut haffuminngatut nunamiuttanit niryuutit, taryurmiuttat amaammaktittiyuktut huraat, utiqtaqtut imarmiuttat unalu tingmidjat, imarmiuttat uumayuit unalu nunamiut ikaarningit. Jorgen’ip havanngittaraangat quviagiyangit qunnialiqpaktuq ulapqiyunit tuhagakhalingnillu tiiviikkut. Taimaa ihumagiyuittangit manirarmiunit aullaarnirmik huliyakhauyuq. Jorgen angiklikhimayuq nunamiunit ilihariaqhimatinnani nuuvlunilu Iqaluktuuttiarmut. Inugiakhiliqhuni angikligiaqhunilu ilaita.