Naunaiqhiiyut Turaaqtitauhimayut Naalauhiqinikkut

Una NIRB ilaani turaaqhiivaktut nutaamik tuhaumayakhanit aahiit naalaktakhanillu kitunuliqaak taimaittuinnauyunit ihuaqhiiyut ihuaqutikhait aahiit nutaanguqtiqtut.

Piyunnaqtut nutaamik turaarutikhait naunaiyaivikhangillu hamani.

Piksat

NIRB’kkut havaktingillu aullainnaqtut tamainnut Nunavunmiunut katimanahualiraangamik, tuhaumavikhangillu aahiit hulinahualiraangat taimaa ilannaqaliqpakhuta taimaa hulivaktunik quviahulikaaqpakhutattauq atauttimut. Quanarunarami amihuuyut katimayipta havaktiillu piksaliuqpakhutik taimaa quvianaqhuni piksat!

Takuyumagungni piksat aallatqiinit NIRB’iup hulivaktunit hamani

Qunniarvit

Taimaa tatamayunit pitquhiitigullu nipiliuqhuta piliriningit tamaat NIRB’iup ihivriuqtangit taimaa takunnaqhutik tamainnut, una NIRB ilaani qunnialiuqpaktut kitunuliqaak katimaliraangat, naalaktakhangillu aallat hulivangningillu. Kihiani, NIRB ihumagivlugittauq piyumayainnit tahapkuat ilauqtauhimayut katimaliraangata unalu kitunuliqaak naalaktakhanit nailiyauhimaittut piyumagumik naammagiyaugumiktauq ilauqtauhimayunit, qunnialiuraangata, NIRB’kkut kiugiaqaqtut qunnialiuraangat ihuinnaaquinngittutik kanngunaittumiktauq.

NIRB ilaani turaaqhiivakhutik nutaanguqtiraangat tuhaumayakhait uvani ikkiaqqivikkut tukihigiarvinut atuqhugit qunnialiuqtut nipiliuqhimayunit.

Qunnialiuqhimayut haffuminngat NIRB kitunuliqaak katimaliraangat naalaktakhangilluniit ilaliutauhunnguyut uvani ikkiaqqivikkut tukihigiarvinut piyumayaukpat.

Naalautiniq

NIRB’kkut ilitturihimayangit ihumavlugillu nunaqatigiiktut naalauhiqinikkut taimaa ihuaqtuuvluni naunaiyainahualiraangata tamainnut Nunavut nunalingnit, ilaanilu NIRB’kkut angiriiqhimavlutik kitkut ilauhimayut piyumagaangat naalauhiqinikkut kitunuliqaak katimaliraangata naalaktakhangillu naalagumagaangat nipiliuqpagaat naalauhiqivingmi qaritauyakkulluniit. Ilaani NIRB’kkut turaaqhiivakhutik nutaamik tuhaumayakhat uvani ikkiaqqivikkut tukihigiarvinut nipiliuqhimayainnit.

Nipiliugait haffuminngat NIRB’iup kitunuliqaak katimaliraangat naalaktakhangillu nipiliuqhimayangit ilagiyauyut aallat tuhaumavikhangillu inikhamut uvani ikkiaqqivikkut tukihigiarvinut piyumayaukpat.