ᐃᖃᓇᐃᔮᖓ: 
ᓄᓇᖑᐊᓕᕆᔨ
ᖃᕆᑕᐅᔭᒃᑯᑦ: 
ᐅᖃᓘᑎᖓ: 
(867) 983-4613

ᔪᐊᔭᓐ ᑯᒪᒃ ᐃᓅᓯᒪᔪᖅ ᐊᒻᒪ ᐱᕈᖅᓴᑎᑕᐅᓪᓗᓂ ᑲᖏᒃᕼᐅᐊᕐᔪᒻᒥ (ᑖᓐᓂᐅᓪ ᓴᒧᐊ ᐃᒪᖓ) ᐱᖓᓐᓇᖓᓂ ᐅᒥᖕᒪᒃᑑᖅ. ᐊᑖᑕᑦᑎᐊᖓ ᐊᒻᒪ ᐃᓚᖏᑦ ᑕᐃᑲᓂ ᓄᓇᖃᐃᓐᓇᖅᑐᑦ ᐊᕐᕌᒍᓕᒫᒥᑦ. ᕿᓐᖓᐅᑦ ᓂᐅᕕᕐᕕᐅᖃᑦᑕᓚᐅᖅᑐᖅ ᑕᐃᔅᓱᒪᓂ ᐊᒻᒪ ᔪᐊᔭᓐ ᐊᒻᒪ ᐃᓚᖏᑦ ᑕᐃᑯᖓᖅᐸᓚᐅᖅᑐᑦ ᓂᐅᕕᕆᐊᖅᑐᑎ ᓂᐅᕕᕐᕕᔭᕐᓂᑦ ᓂᕿᑖᖅᑐᑎᑦ. ᐃᖅᑲᓇᐃᔭᕆᐊᓕᓚᐅᖅᓯᒪᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᓅᕕᐱᕆ 1996 ᐊᒻᒪ ᐃᖅᑲᓇᐃᔭᖅᓯᒪᐃᓐᓇᖅᑐᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᑕᐃᒪᓐᖓᓂᑦ. ᓯᕗᓪᓕᒻᐹᕆᓚᐅᖅᑕᖓ ᐃᖅᑲᑕᓇᐃᕐᔮᕆᓪᓗᓂᐅᒃ GIS ᖃᐅᔨᒪᑎᑕᐅᓪᓗᓂ. ᐊᕐᕌᒍᑦ ᐊᒥᓲᓗᐊᖏᑦᑐᑦ ᖄᖏᖅᓯᒪᓕᖅᑎᓪᓗᒋᑦ ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎᐅᓚᐅᖅᑐᖅ ᐃᑲᔪᖅᑐᒋᑦ ᐃᖅᑲᓇᐃᔮᖑᔭᕆᐊᓖᑦ ᐱᓕᕆᐊᖑᓂᖏᓐᓄᑦ ᐊᒥᓲᓗᐊᖏᑦᑐᓄᑦ ᐋᐋᖅᑭᑎᐊᖅᓯᒪᔭᕆᐊᓕᓐᓄᑦ ᐅᖃᐅᔾᔨᒋᐊᖅᑎᓄᑦ ᑖᒃᑯᐊ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑕᐃᔅᓱᒪᓂᐅᑎᓪᓗᒍ. ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᑦ ᐊᖏᓪᓕᒋᐊᖅᑕᐅᒻᒪᑕ ᐊᒻᒪ ᐊᓯᓱᒐᓚᐃᑦ ᐃᖅᑲᓇᐃᔭᖅᑎᑕᐅᓚᐅᖅᑐᑦ. ᐅᑎᒃᑲᓐᓂᓚᐅᖅᑐᖅ GIS−ᓄᑦ ᐊᒻᒪᓗᑦᑕᐅᖅ ᖃᕋᓴᐅᔭᓕᕆᔨᐅᓂᕐᒧᑦ ᐱᖃᓯᐅᑎᓯᒪᓪᓗᓂ ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᓐᓄᑦ. ᔪᐊᔭᓐ ᐅᖃᕈᓐᓇᑎᐊᖅᑐᖅ ᖃᓪᓗᓈᑎᑐᑦ ᐊᒻᒪ ᐃᓄᐃᓐᓇᖅᑐᓐ (ᑎᑎᕋᖅᓯᒪᔪᒃᑯᑦ ᐊᒻᒪ ᐅᖃᐅᓯᒃᑯᑦ). ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓅᓚᐅᖅᑎᓐᓇᒍ, ᔪᐊᔭᓐ ᐃᖅᑲᓇᐃᔭᓚᐅᖅᑐᖅ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᓄᓇᓂᑦ ᐊᐅᓚᑦᑎᔨᐅᓪᓗᓂ. ᐃᖅᑲᓇᐃᔭᖅᑎᓪᓗᒍ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐱᑕᖃᕆᐊᖃᖅᑎᑕᐅᓚᐅᖅᑐᖅ ᐃᓕᓐᓂᐊᖅᑕᐅᓗᓂ ᑕᐃᔭᐃᔪᖅ ᐊᕙᑎᓕᕆᓂᕐᒧᑦ ᐋᖅᑭᑎᐊᖅᓯᒪᔭᕆᐊᓖᑦ ᐊᒻᒪ ᑖᓐᓇ ᐃᓕᓐᓂᐊᕋᔅᓴᖅ ᐱᖃᓯᐅᔾᔨᓚᐅᖅᑐᖅ GIS (ᓄᓇᙳᐊᓕᕆᓂᒃᑯᑦ ᑐᕌᖓᔪᑦ ᐱᒋᐊᕈᑎᖏᑦ) ᐱᐅᓯᑎᑦᑎᒋᐊᕋᔭᖅᑐᖅ ᖃᐅᔨᒪᓂᖓᓂᑦ ᐃᖅᑲᓇᐃᔮᒧᑦ. ᔪᐊᔭᓐ ᒫᓐᓇᐅᔪᒥᑦ ᐃᖅᑲᓇᐃᔮᖓᓂ ᓴᖅᑭᑎᑦᑎᕙᑦᑐᖅ ᓇᒦᓐᓂᐊᕐᓂᖏᓐᓄᑦ ᐅᓂᒃᑳᓂᑦ ᑐᖅᑯᖅᑕᐅᓂᐊᖅᑐᓄᑦ ᕿᒥᕐᕈᔭᐅᔪᓄᑦ ᑎᑎᕋᖅᓯᒪᔪᓂᑦ. ᐱᓕᕆᐊᒧᑦ ᓇᒦᓐᓂᖓᓄᑦ ᐅᓂᒃᑳᑦ ᓇᒦᓐᓂᖓᓄᑦ ᓇᓗᓇᐃᖅᓯᒪᒍᓐᓇᖅᑐᑦ ᑕᑯᔅᓴᐅᑎᑦᑎᔪᒥᑦ ᖃᓂᓛᖑᔪᒥᑦ ᓄᓇᓕᒻᒥᑦ ᐊᑦᑐᖅᑕᐅᔪᓐᓇᖅᑐᒧᑦ ᐱᓕᕆᐊᒧᑦ. ᐱᖃᓯᐅᔾᔨᔪᓐᓇᕐᒥᐅᔪᖅ ᓄᓇᕗᓕᒫᒥᑦ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᐊᖅᑯᑎᖓ ᐊᒻᒪ ᐊᑦᑐᐃᓂᖃᕈᓐᓇᖅᑐᖅ ᐊᓱᓂᑦ ᓄᓇᓕᓐᓂᑦ ᐅᒥᐊᕐᔪᐊᒃᑯᑦ ᐊᖅᑯᑎᖓᒎᕐᕕᖓᒍᑦ. ᖃᐅᔨᓴᖃᑦᑕᖅᓯᒪᔪᑦ ᑎᑎᕋᖅᓯᒪᔪᓂᑦ ᖁᓕᕇᑦᑐᓂᑦ ᑭᓪᓕᖏᓐᓂᑦ ᐃᑳᖃᑦᑕᐅᑎᔪᑦ ᐃᓱᒫᓘᑕᐅᔪᑦ ᐊᒻᒪ ᑭᓪᓕᒋᖏᑕᖓ ᓄᓇᑦᓯᐊᒧᑦ. ᐱᓕᕆᐊᒧᑦ ᓇᒦᓐᓂᖓᓄᑦ ᐅᓂᒃᑳᑦ ᐱᖃᓯᐅᔾᔨᔪᓐᓇᖅᑐᑦ ᐊᓯᖏᓐᓂ ᖁᓕᕇᖃᑦᑕᐅᑎᔪᓂᑦ ᓲᕐᓗ ᓄᓇᒥᐅᑕᐃᑦ ᐆᒪᔪᐃᑦ, ᐃᒪᕐᒥᐅᑕᐃᑦ ᐆᒪᔪᐃᑦ, ᐅᑎᖅᑕᖃᑦᑕᖅᑐᑦ ᐃᒪᕐᒨᖃᑦᑕᖅᑐᑦ ᑎᒻᒥᐊᑦ ᐊᒻᒪ ᓄᓇᒥᐅᑕᐃᑦ ᑎᒻᒥᐊᑦ, ᐃᒪᕐᒥᐅᑕᐃᑦ ᐆᒪᔪᐃᑦ ᐊᒻᒪ ᓄᓇᒥᑦ ᓇᔪᖅᓯᔪᑦ. ᔪᐊᔭᓐ ᖁᕕᐊᒋᔭᖏᑦ ᐱᖃᓯᐅᔾᔨᔪᖅ ᐱᓐᖑᐊᖅᑐᓂᑦ ᑕᑯᓐᓇᖃᑦᑕᖅᑐᓂ ᐊᒻᒪ ᐱᕙᓪᓕᐊᔪᓂᑦ. ᐃᓱᒪᓚᐅᖅᓯᒪᖏᑦᑐᖅ ᓄᓇᒦᓪᓗᓂ ᖁᕕᐊᒋᔭᕆᓗᓂᐅᒃ. ᔪᐊᔭᓐ ᓄᓇᒥᑦ ᐱᕈᖅᓴᓚᐅᖅᑐᖅ ᐃᓕᓐᓂᐊᕆᐊᖅᑎᑕᐅᓚᐅᖅᑎᓐᓇᒍ ᐊᒻᒪ ᓅᑦᑐᓂ ᐃᖃᓗᑦᑑᑦᑎᐊᒧᑦ. ᐊᒥᓱᕈᖅᐸᓪᓕᐊᔪᑦ ᐃᓚᖏᑦ.