ᓴᓇᕙᓪᓕᐊᑎᓪᓗᒋᑦ ᐱᓕᕆᐊᒃᓴᒥᒃ ᐊᒻᒪᓗ ᓯᕗᓂᐊᓂ ᑐᓂᓯᓂᕐᒧᑦ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ ᓄᓇᕗᒻᒥ ᐸᕐᓇᐃᓂᕐᒧᑦ ᑲᑎᒪᔨᓄᑦ, ᐃᒪᐃᖁᔨᓇᔭᖅᐳᑦ ᑲᒪᓂᐊᖅᑐᑦ ᐃᓚᐅᑎᑦᑎᕙᓪᓕᐊᓕᕐᓂᖏᓐᓂ ᐊᒻᒪᓗ ᐅᖃᖃᑎᖃᕐᓂᕐᒥᑦ ᕿᓚᒻᒥᐅᓛᒃᑯᑦ ᐃᓄᑐᐃᓐᓇᓂᒃ ᐃᓚᒋᔭᐅᔪᓂᒃ ᐊᒃᑐᐃᓂᐅᔪᒧᑦ ᓄᓇᓕᖕᓂ, ᐊᒻᒪᓗᑦᑕᐅᖅ ᐋᖅᑭᒃᓱᖅᓯᒪᔪᓄᑦ ᓄᓇᓕᖕᓂ ᐱᓕᕆᖃᑕᐅᔪᒪᔪᓄᑦ ᑲᑎᙵᔪᓄᑦ. ᐊᑐᓂ ᓄᓇᓕᐅᔪᒥᒃ ᖃᔅᓯᒐᓚᖕᓂ ᐃᓄᑐᐃᓐᓇᓂᒃ, ᓄᓇᓕᖕᓂ ᑲᑎᙵᓂᖃᐅᖅᑐᓄᑦ ᐅᕝᕙᓘᓐᓃᑦ ᐃᓄᓕᒫᓄᑦ ᐱᔪᒪᓂᖃᖅᑐᓂ ᑲᑎᙵᔪᓄᑦ ᐊᑑᑎᓕᖕᓂ ᓄᓇᓕᖕᓂ ᖃᐅᔨᒪᓂᖃᖅᑐᓄᑦ ᐱᔾᔪᑎᖃᖅᑐᓄᑦ ᐊᖏᕈᑕᐅᓇᓱᐊᖅᑐᖅ ᐱᓕᕆᐊᒃᓴᒧᑦ ᐊᒻᒪᓗ, ᑕᐃᒪᐃᓐᓂᖓᓄᑦ, ᐃᑲᔪᖅᓱᐃᔪᓐᓇᕋᔭᖅᑐᓂᒃ ᑲᒪᓂᐊᖅᑐᑦ ᖃᐅᔨᒪᓂᖓᓂ ᒪᓕᒃᑕᒥᓂᑦ ᐃᓂᖓᓐᓂ(ᑦ) ᖃᐅᔨᒪᓂᕆᕐᔪᐊᖅᑕᖓᓐᓂ.

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐃᒪᐃᖁᔨᓇᔭᖅᐳᑦ ᐃᓄᓕᒫᓂᒃ ᐃᓚᐅᑎᑦᑎᓂᖅ ᐱᓕᕆᐊᖑᓗᓂ ᐃᓅᓯᓕᒫᖓᓐᓂ ᐱᓕᕆᐊᒃᓴᐅᔪᒧᑦ, ᐃᓚᖃᕐᓗᓂ ᑭᓯᐊᓂ ᑭᒡᓕᖃᕐᓇᓂ:

  • ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ ᐱᕙᓪᓕᐊᑎᑕᐅᓂᖓᓂ
  • ᐊᕙᑎᓕᕆᓂᕐᒧᑦ ᖃᐅᔨᓴᖅᑕᐅᓂᖓᓄᑦ ᐱᓕᕆᔾᔪᓯᐅᔪᒥᒃ (ᖃᐅᔨᓴᖅᑕᐅᓂᖓᓄᑦ ᐱᓕᕆᔾᔪᓯᖓᓐᓂ ᐊᒻᒪᓗ/ᐅᕝᕙᓘᓐᓃᑦ ᕿᒥᕐᕈᔭᐅᓂᖓᓂ ᐱᓕᕆᔾᔪᓯᖓᓐᓂ)
  • ᓚᐃᓴᓐᓯᓕᕆᓂᕐᒧᑦ/ᐸᐃᐹᑦ ᐱᓕᕆᒋᐊᕈᓐᓇᐅᑎᒧᑦ ᐱᓕᕆᔾᔪᓯᐅᔪᑦ
  • ᐱᓕᕆᐊᒃᓴᐅᔪᒧᑦ ᐱᕙᓪᓕᐊᑎᑕᐅᓂᖓᓂ
  • ᒪᑐᓯᓂᖅ
  • ᑭᖑᓂᐊᒍᑦ−ᒪᑐᔭᐅᓯᒪᓕᖅᑎᓪᓗᒍ

ᐱᒻᒪᕆᐅᕗᖅ ᑐᓂᓯᓂᕐᒥᑦ ᐅᖃᐅᓯᒃᓴᓂ ᓈᒻᒪᑦᑎᐊᖅᑐᒥᒃ ᑕᐅᑐᒃᑕᑐᐊᖃᑲᐃᓐᓇᖅᑐᒥᒃ ᐃᓕᓴᖅᓯᓂᖓᓂ ᐃᓕᖅᑯᓯᖃᑎᒌᙱᓐᓂᐅᔪᓄᑦ ᐋᖅᑭᒃᓯᒪᓂᖓᓂ ᓄᓇᕗᒻᒥ. ᑲᒪᓂᐊᖅᑐᑦ ᐅᖃᐅᔾᔨᖅᑕᐅᕗᑦ ᐃᓕᓴᖅᓯᓂᕐᒥᑦ ᖃᓄᐃᑉᐸᓚᐅᕐᓂᖏᓐᓂ ᐊᒻᒪᓗ ᑮᓇᐅᔭᓕᐅᕈᑕᐅᕙᒃᑐᓂ ᓄᓇᓕᖕᓂ, ᐊᒻᒪᓗᑦᑕᐅᖅ ᑕᐃᔅᓱᒪᓂᓂ ᓄᓇᓕᖕᓂ ᖃᐅᔨᒪᓂᐅᔪᓄᑦ ᐱᔾᔪᑎᖃᖅᑐᒥ ᐱᕙᓪᓕᐊᑎᑕᐅᓂᖓᓂ ᐊᒻᒪᓗ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐱᓕᕆᔾᔪᓯᖏᓐᓂᑦ. ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᑦ ᑐᓂᔭᐅᔪᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᖃᐅᔨᓴᖅᑕᐅᓂᖓᓄᑦ ᐃᓗᓕᖃᓪᓗᐊᖅᐳᑦ ᐅᓂᒃᑳᕆᓯᒪᔪᒥᒃ ᐃᓄᓕᒫᓄᑦ ᐅᖃᖃᑎᒌᖕᓂᐅᔪᒥᒃ ᐱᓕᕆᐊᖑᔪᒥᒃ/ᐸᕐᓇᒍᑎᒥᒃ ᑲᒪᓂᐊᖅᑐᑦ ᐱᓕᕆᓯᒪᔭᖓᓐᓂ, ᐅᕝᕙᓘᓐᓃᑦ ᐱᓕᕆᓂᐊᖅᑕᒥᓂᑦ.