ᓂᕆᐅᖕᓇᖅᑐᖃᖅᐳᖅ ᒐᕙᒪᒃᑯᑦ ᒪᓕᒐᓕᐅᕈᓯᖓᑦ ᐃᓚᖃᕐᓗᓂ ᐃᓄᐃᑦ ᖃᐅᔨᒪᔭᖏᓐᓂᒃ ᐊᒻᒪ “ᖃᑉᓗᓈᑦ ᖃᐅᔨᒪᓂᖏᓐᓂᒃ” ᐃᓚᖏᓐᓂ ᐊᑐᖅᑕᐅᓂᖓᖅᑐᓐᓂ. ᑕᒪᓇ ᐱᔪᑎᖃᖅᑐᖅ ᐃᓕᑕᕆᔭᐅᓯᒪᖕᒪᑦ ᖃᐅᔨᒪᓂᖅ ᐃᑲᔪᕈᖕᓇᕐᒪᑦ ᐱᑕᖃᖅᑎᑦᓯᓂᕐᒥᒃ, ᐊᒥᓲᓗᐊᖏᑐᓂᒃ ᓂᕐᔪᓂᒃ, ᒥᐊᓂᕆᔭᐅᔪᓂᒃ ᓄᓇᓐᓂᒃ, ᓯᓚᐅᑉ ᐃᓕᖁᓯᖓᓐᓂᒃ, ᐊᒻᒪ ᓱᓇᒥᐊᓂᒃ ᐊᑐᑲᓂᕈᖕᓇᖅᑐᓂᒃ.   ᐃᓚᐅᓕᕐᓗᑎᒃ ᐃᓄᐃᑦ ᖃᐅᔨᒪᔭᖏᑦ ᒪᓕᒐᓕᐅᕐᓂᕐᒧᑦ ᐃᓱᒪᓗᒍᑕᐅᔪᑦ ᐃᒡᓄᓯᕐᒧᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᐊᑐᕐᓗᒋᑦ ᓄᓇᒥᒃ ᐱᔪᑦ ᐃᓅᔪᑕᐅᕙᒃᑐᓪᓗ ᓯᓚᕐᔪᐊᓗᒃᑖᒻᒥ.  

ᐃᓄᐃᑦ ᖃᐅᔨᒪᔭᑐᖃᖏ ᑐᑭᖃᖅᐳᖅ ᐃᓄᐃᑦ “ᑕᐃᑉᓱᒪᓂᑐᖃᖅ ᖃᐅᔨᒪᓂᖓᑦ” ᐊᒻᒪ ᖃᐅᔨᒪᓂᖏᑦ ᑐᑭᖃᖅᑐᖅ ᐃᓄᐃᑦ ᖃᐅᔨᒪᓂᖓᑦ ᐊᒻᒪ ᐃᓄᐃᑦ ᐱᓕᕆᔪᓯᖓᑦ ᒪᓐᓇᐅᖏᑐᖅ ᐃᓱᒪᒋᓗᒍ.     

ᑕᓯᐅᖅᑕᐅᓗᓂ ᐃᓄᐃᑦ ᖃᐅᔨᒪᔭᑐᖃᖏᑕ ᐃᓕᖁᓯᖏᓐᓄᑦ

ᐊᕙᑎᓕᕆᔨᒃᑯᑦ ᑕᓯᐅᖅᑕᐅᑐᐃᓐᓇᖅᑐ ᐃᓄᐃᑦ ᖃᐅᔨᒪᔭᑐᖃᖏᑕ ᐃᓕᖁᓯᖏᓐᓂᒃ, ᐊᕿᒃᑕᐅᓯᒪᔪᑦ ᓄᓇᕗᒻᒥ ᒐᕙᒪᒃᑯᓐᓂᑦ:

  • ᐃᓅᖃᑎᒌᑦᓯᐊᕐᓂᖅ
    ᐃᒃᐱᒍᓱᑦᓯᐊᕐᓂᖅ ᐃᓚᒌᑦᓯᐊᕐᓂᕐᓗ, ᐱᑦᓯᐊᕐᓂᕐᓗ ᐃᓅᖃᑎᑦᑎᓐᓂᒃ.
  • ᑐᙵᓇᕐᓂᖅ
    ᒪᑐᐃᖓᓂᖅ, ᐃᓚᐅᑎᑦᓯᓂᖅ, ᐃᓕᕋᓇᙱᓐᓂᖅ.
  • ᐱᔨᑦᓯᕐᓂᖅ
    ᐃᓚᑦᑎᓐᓂᒃ, ᐃᓅᖃᑎᑦᑎᓐᓂᒃ ᓄᓇᖅᑲᑎᑦᑎᓐᓂᓪᓗ ᐱᔨᑦᓯᕈᑎᖃᕐᓗᓂ.
  • ᐋᔩᖃᑎᒌᓐᓂᖅ
    ᐃᓱᒪᓕᐅᖃᑎᒌᓪᓗᓂ, ᐅᖃᖃᑎᒌᓐᓂᒃᑯᑦ ᐊᒻᒪᓗ ᐊᖏᖃᑎᒌᓐᓂᒃᑯᑦ.
  • ᐱᓕᒻᒪᒃᓴᕐᓂᖅ
    ᐊᔪᕈᓐᓃᖅᓴᓂᖅ ᓱᓇᓕᕆᓗᓂ ᑕᑯᓐᓇᓂᒃᑯᑦ, ᑲᔪᖏᖅᓴᐃᓂᒃᑯᑦ, ᐱᓇᓱᓐᓂᒃᑯᑦ, ᐆᑦᑐᕋᕐᓂᒃᑯᑦ.
  • ᐃᑲᔪᖅᑎᒌᓐᓂᖅ
    ᐃᓄᑑᔾᔨᖏᓪᓗᓂ ᐱᓕᕆᔭᕆᐊᓕᓐᓂᒃ ᐃᖅᑲᓇᐃᔭᖃᑎᖃᕐᓗᓂ.
  • ᖃᓄᖅᑑᕐᓂᖅ
    ᐃᓱᒪᑦᓴᖅᓯᐅᕐᓂᖅ ᓴᓇᑐᓗᓂ ᐋᖅᑭᒋᐊᓕᒻᒥᒃ ᐋᖅᑭᑦᓯᓇᓱᓪᓗᓂ.
  • ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ
    ᐃᑉᐱᒍᓱᑦᓯᐊᕐᓂᖅ ᑲᒪᑦᓯᐊᕐᓂᕐᓗ ᓄᓇᒥᒃ, ᓂᕐᔪᑎᓂᒃ, ᐊᕙᑎᑦᑎᓐᓂᓪᓗ.

ᐊᑐᓕᖅᑎᑦᓯᓂᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐃᓄᐃᑦ ᖃᐅᔨᒪᓂᖏᓐᓂᒃ

ᑎᑎᕋᖅᓯᒪᔪᓂ ᐃᓱᒪᓕᐅᕈᑎᖏᓐᓂᓗ, ᐊᕙᑎᓕᕆᔨᒃᑯᑦ ᑐᓂᓯᔭᕋᖓᑕ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐊᒻᒪ ᐃᓄᐃᑦ ᖃᐅᔨᒪᓂᖏᓐᓄᑦ, ᑐᑭᖃᖅᐳᖅ ᓄᓇᓕᖕᓂ ᐊᒻᒪ ᖃᐅᔨᒪᓂᐅᔪᑦ ᓄᓇᓕᖕᓂ, ᓯᓚᒥᒃ ᖃᐅᔨᒪᓃᑦ (ᑕᐃᑉᓱᒪᓂᓴᖅ ᐊᒻᒪ ᐅᑉᓗᒥᒧᑦ), ᐱᒋᐊᓚᐅᖅᓯᒪᔪᖅ ᐃᓄᐃᑦ ᐅᑉᓗᑕᒫᑦ ᐃᒡᓄᓂᖏᓐᓂ, ᐊᑑᑎᖃᖅᑐᕐᓗ ᐃᑲᔫᑕᐅᓂᐊᕐᓗᓂ ᐃᓱᒪᓕᐅᕐᓂᕐᒥᒃ ᐊᕙᑎᐅᑉ ᖃᐅᔨᓴᖅᑕᐅᓂᖓᓐᓂᒃ.  ᐊᕙᑎᓕᕆᔨᑯᑦ ᑐᒃᓯᕋᖅᓯᒪᕗᑦ ᐱᓕᕆᓱᐊᕈᑎᑦ ᐃᓚᖃᖅᓯᓇᖏᓗᑎᒃ ᐃᓄᐃᑦ ᖃᐅᔨᒪᔭᑐᑲᖏᓐᓂᒃ ᑲᑎᖅᓱᒐᐅᔪᓐᓂ ᑐᖓᕕᐅᓂᐊᖅᑐᓂ ᐊᒻᒪ ᖃᓄᐃᓕᐅᕈᑕᐅᓂᐊᖅᑐᓂ ᒥᐊᓂᖅᓯᓂᕐᒥᒃ ᓄᓇᒥᒃ, ᑭᓯᐊᓂ ᓇᓗᓇᐃᑲᓂᕐᓗᒍ ᒥᐊᓂᖅᓯᓂᕐᒧᑦ ᐊᑐᖅᑕᐅᓂᐊᖅᑐᑦ, ᐊᓯᖏᓐᓂᒃ ᐊᒃᑐᐃᑕᐃᓕᔪᑎᑦ, ᖃᐅᔨᓴᕈᑎᓪᓗ ᐸᕐᓇᐅᑎᖏᑦ, ᐊᒻᒪ ᐃᖏᕋᓂᖓᓐᓄᒃ ᐃᓱᒪᓕᐅᕈᑎᑦ ᐊᑐᕐᒪᖔᑖ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.

ᐃᓄᐃᑦ ᖃᐅᔨᒪᔭᑐᖃᖓᑦ ᐊᑐᒐᐅᔪᖕᓇᖅᑐᖅ ᐱᓕᕆᖃᑎᒌᖕᓂᑯᑦ ᐊᓯᖏᓐᓂᒃ ᑎᒥᐅᔪᓂᒃ ᐃᓱᒫᓘᑎᖃᖅᑐᓂᒃ. ᐃᓄᑐᖃᕐᓂᑦ ᑲᑎᖅᓱᒐᐅᓐᓂᑯᑦ ᓇᓗᓇᐃᖅᓯᒪᑎᐊᖅᑐᓪᓗ ᓄᓇᓕᖕᓂᑦ ᐃᓄᑐᖃᐃᑦ ᖃᐅᔨᒪᔭᖏᓐᓂᑦ ᐅᔨᕐᓇᖅᑐᑦ ᖃᐅᔨᒪᔭᐅᓪᓗᐊᕕᒃᑐᑦ ᓄᓇᓕᖕᓂ, ᐃᓅᓯᓕᕆᔨᓂ ᑎᒥᐅᔪᓂ, ᐃᓅᓚᐅᖅᓯᒪᔪᓂᓗ ᐃᓄᐃᑦ ᖃᐅᔨᒪᔭᖏᑦ ᐊᑐᒐᐅᑉᓗᑎᒃ ᑎᑎᕋᖅᑕᐅᖁᑉᓗᒋᑦ ᓄᓇᓕᖕᓂ ᓄᓇᒥᒃ ᖃᐅᔨᒪᑎᐊᖅᑐᑦ ᑎᑎᕋᑕᐅᖁᑉᓗᒋᑦ. ᐱᓕᕆᓱᐊᖅᑐᑦ ᓂᕆᐅᖁᔭᐅᕗᑦ ᐃᓚᐅᑎᑦᓯᓗᑎᒃ ᐊᕙᑎᐅᑉ ᐊᒃᑐᐃᓂᖏᓐᓄᑦ ᑎᑎᖃᒻᒥ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᔭᐅᔪᖕᓇᖅᑐᒻᒥᒃ ᐃᓕᖁᓯᖓ ᒪᓕᒡᓗᒍ, ᐅᔨᖅᑐᕐᓗᓂ ᐃᓄᐃᑦ ᐃᓕᖁᓯᖃᕐᒪᑕ ᐊᒻᒪ ᐊᓯᖏᓐᓄᑦ ᑕᑯᔭᐅᔭᕆᐊᖃᖏᓂᖏᑦ ᑎᑎᖃᑦ ᐅᔨᖅᑐᕆᐊᖃᖅᑐᖅ.