Havaariyakhat: 
Aktuqtaujunik Naunaijautikhat Havakti
Qaritauyakkut turaarutaa: 
motokiak@nirb.ca
Hivayautaa: 
(867) 983-4622

Mia inuuhimayuq angikliktiqhimayurlu Iqaluktuuttiaq, Nunavunmi. Mia ilauliqtuq Nunavumi Avatilikiyin Katimayiitkunnut 2016-mi Nukakhiq Qauyihainirnut Kiuliqiyi. Akhuuqhuni ayuirhayuq uqarahuaruami Inuinnaqtun, uqauhinga nunagiyamini. Mia aliagiinaqtaa ilihimaliriami ilihimaniq naunaiyainiqlu nunaryuaptiknik avatiptiknullu, unalu aadlanut naunaiyarhugu Qangaraaluknitaq Inuinnait Ilihimaninngit aadlanut inungnut. Mia inuulrammiinut ikayuqtiuyuq Ikaarvikmut: Ayurhautingit Ikaarvinginnut (Barriers to Bridges), ilihaidjut atauttikkuurutigiyait Ukiuqtaqtumi ihivriuqtiuyunut Nunaqaqqaarhimayunullu inuulrammiinik atapkairiami ilihimaliriami ilihimaniq naunaiyainiqlu Qangaraaluknitaq Ilihimaniq taimaa tamarmik ikayuutautigiami inmikmut. Mia ilauyuqlu 2019 Tariuqmi Ikaarviniqmut Ilihainiq (Ocean Bridge Program), havakhuni 39-nut aadlat inuulrammiinik tamainnit Kaanatamit uuminnga tariuqmik nungulailaitiniqmut havauhikhaq unalu tariuqmi havauhikhanullu. Akhuraaluk quviagiyaa havagiami aadlanut Nunaqaqqaarhimayunut inuulrammiinut, qablunaat nunagiyamikni ihivriuqtiuyunut, timiqutigiyauyunullu nunaryuaptikni qanuqtut ikikliyuumirahuariami Hilaup Aadlangurninnganut pilaqutinginnik. Havanngittaraangat, Mia quviagiyaat iqalukhiurniq, anguniarniq ilamingnilu nayuliqpagaat.