ᐃᖃᓇᐃᔮᖓ: 
ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ II
ᖃᕆᑕᐅᔭᒃᑯᑦ: 
ᐅᖃᓘᑎᖓ: 
(867) 983-4603

ᓵᓚᒪᓐ ᐊᒧᓄ ᐃᓚᒋᔭᐅᓕᓚᐅᖅᑐᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᔪᓚᐃ 2014 ᖁᓕᐅᓕᐊᖅᑐᓂᑦ ᐊᕐᕌᒍᓂᑦ ᐃᖅᑲᓇᐃᔭᖅᓯᒪᓪᓗᓂ ᐱᔾᔪᑎᖃᓗᐊᖅᑐᓂᑦ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᐊᒻᒪ ᐊᕙᑎᒧᑦ ᓱᕈᓐᓇᖅᑐᓄᑦ ᖃᐅᔨᓴᓂᕐᒥᑦ. ᑎᒍᒥᐊᖅᑐᖅ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᖅ ᐊᕙᑎᓕᕆᓂᕐᒧᑦ ᖃᐅᔨᓴᓂᕐᒧᑦ ᐊᒻᒪ ᒫᓐᓇᐅᔪᒥᑦ ᐃᑲᔪᖅᑎᐅᔪᖅ ᐃᓕᓐᓂᐊᑎᑦᑎᔨᒧᑦ ᓯᓚᑦᑐᓴᕐᕕᒃᔪᐊᒥᑦ ᐃᓕᓐᓂᐊᕕᒻᒥ ᐊᕙᑎᒧᑦ ᐊᒻᒪ ᒪᑭᑕᔪᓐᓇᕐᓂᖓᓄᑦ, ᓯᓚᑦᑐᓴᕐᕕᒃᔪᐊᖅ ᓴᔅᓯᑳᔅᓯᕗᐊᓐ. ᒫᓐᓇᐅᔪᒥᑦ ᐃᖅᑲᓇᐃᔭᖅᑐᖅ ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ II ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐋᖅᑭᑎᐊᖅᓯᒪᔭᕆᐊᓕᓐᓄᑦ ᐱᓕᕆᕕᖓᓐᓄᑦ. ᐊᔪᖏᑦᑐᓂᑦ ᐃᓚᒋᔭᐅᖃᑕᐅᒻᒥᔪᖅ ᑎᒥᖓᑦ ᐊᕙᑎᓕᕆᓂᕐᒧᑦ ᓱᕈᓐᓇᖅᑐᓄᑦ ᖃᐅᔨᓴᓂᕐᒧᑦ ᐊᒻᒪ ᐃᓚᓕᐅᕈᑎᖏᑦ (SETAC) ᐊᒻᒪ ᒫᓐᓇᐅᔪᒥᑦ ᐃᓕᓐᓂᐊᖅᑐᖅ ᐃᓄᑦᑎᑐᑦ ᐅᖃᐅᓯᕐᒥᑦ. ᓯᓚᑖᓃᑦᑎᓪᓗᒍ ᐊᓪᓚᕕᖓᓂ, ᓵᓚᒪᓐ ᖁᕕᐊᒋᔭᑲᖅᑐᖅ ᕿᒥᕐᕈᓂᕐᒥᑦ ᐅᑭᐅᑕᖅᑐᖅ ᐊᕙᑎᖓᓂ ᐊᒻᒪ ᐱᖃᑎᒋᓪᓗᓂᒋᑦ ᐃᓚᖏᑦ ᐊᒻᒪ ᐃᓚᐅᖃᑕᐅᓂᕐᒧᑦ ᓄᓇᓕᒻᒥᑦ ᖃᓄᐃᓘᖅᑕᐅᔪᓂᑦ.