ᑭᐅᕋᓐ ᑲᔅᑎᐊᓗ

ᑭᐅᕋᓐ ᐃᓅᓚᐅᖅᓯᒪᕗᖅ ᐃᙵᓚᓐᒥ, ᐊᐅᓪᓚᕐᓗᓂᓗ ᑲᓇᑕᒧᑦ ᐃᓚᓂ ᓇᒃᓴᕐᓗᒋᑦ 1973-ᒥ. ᖁᕕᐊᒋᔭᖃᕐᓂᖓᓄᑦ ᐅᔭᖅᑲᓂᒃ ᐃᓕᓯᒪᓂᖅᑖᓚᐅᖅᐳᖅ ᓄᓇᓕᕆᓂᕐᒧᑦ ᖃᐅᔨᓇᓱᐊᕐᓂᕐᒥ ᑯᐃᑉ ᓯᓚᒃᑐᖅᓴᕐᕕᕐᔪᐊᖓᓂᑦ ᐊᓐᑎᐅᕆᔪᒥ ᐊᒻᒪᓗ ᖁᕕᐊᓇᖅᑐᐋᓗᓐᓂᒃ ᐊᕐᕌᒍᓂ ᓄᓇᒥ ᐱᓕᕆᓗᓂ ᓴᓇᔭᒃᓴᓂ ᑲᓇᓐᓇᖅᐸᓯᓕᒫᖓᓂ ᑲᓇᑕᐅᑉ. 2018−ᒥ ᑭᐅᕋᓐ ᑲᔪᓯᑦᑎᐊᕐᓗᓂ ᐱᔭᕇᒃᓯᓚᐅᕐᐳᖅ ᓇᓗᓇᐃᒃᑯᑕᖅᑖᕐᓗᓂ ᐊᐅᓚᑦᑎᔨᐅᓂᕐᒥ ᓯᕗᓕᖅᑎᐅᓂᕐᒧᑦ, ᐃᓕᓴᑎᑦᑎᔪᑕᐅᔪᒥᒃ ᓯᓚᑦᑐᖅᓴᕐᕕᒡᔪᐊᖓᑕ ᐋᑐᕙ ᐊᒻᒪᓗ ᑲᐅᕐᓕᑕᓐ ᓯᓚᑦᑐᖅᓴᕐᕕᒡᔪᖓᓂᑦ
ᑕᐃᒪᐃᒃᑯᐊᓗᖅᑎᓪᓗᒍ ᓄᑖᖑᓪᓗᓂ ᐃᓚᓕᐅᑎᓚᐅᕐᒪᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᔫᓂ 2020−ᒥ, ᑭᐅᕋᓐ ᐋᓪᓚᐅᖏᒻᒪ ᐅᑭᐅᖅᑕᖅᑐᕐᒧᑦ. ᓯᕗᓂᖓᒍᑦ ᐃᓚᐅᓕᓚᐅᕐᓂᖓᑕ ᐊᖓᔪᖄᐅᑎᖁᑎᑦᑎᓐᓂ ᑐᑭᒧᐊᖅᑎᑦᑎᔨᐅᓪᓗᓂ, ᑭᐅᕋᓐ ᐃᖃᓇᐃᔭᓚᐅᕐᒪᑦ 15−ᓂ ᐅᑭᐅᓂ ᒐᕙᒪᑐᖃᒃᑯᑦ-ᓄᓇᖃᖅᑳᒃᓯᒪᔪᓪᓗ ᐱᓕᕆᖃᑎᒌᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᑲᓇᑕᒥ (CIRNAC), ᐃᖃᓇᐃᔭᕐᓗᓂ ᐃᖃᓗᖕᓂ ᐱᒋᐊᕐᓗᓂ 2005−ᒥᑦ ᑎᑭᓪᓗᒍ 2017 ᐊᒻᒪᓗ ᔨᐊᓗᓇᐃᒥ ᐱᒋᐊᕐᓗᓂ 2017−ᒥᑦ ᑎᑭᓪᓗᒍ 2020. ᑭᐅᕋᓐ ᖃᐅᔨᒪᔭᐅᑦᑎᐊᕐᒪᑦ ᐊᒥᓱᓄᑦ ᐱᓕᕆᖃᑕᐅᖃᑦᑕᖅᓯᒪᓂᖓᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᓈᓚᖕᓂᖃᒃᑎᓪᓗᒋᑦ ᐊᒻᒪᓗ ᐋᖅᑭᑦᑎᐊᑦᑎᒪᔭᕆᐊᓕᓐᓂᑦ ᐱᓕᕆᑎᓪᓗᒋᑦ ᑭᒡᒐᖅᑐᕐᓗᓂᒋᑦ ᒐᕙᒪᑐᖃᒃᑯᑦ-ᓄᓇᖃᖅᑳᒃᓯᒪᔪᓪᓗ ᐱᓕᕆᖃᑎᒌᑦ ᐊᒻᒪᓗ ᐃᓄᓕᕆᔨᑐᖃᒃᑯᑦ ᑲᓇᑕᒥ (CIRNAC).
ᐊᖓᔪᖃᐅᑎᓂ ᑐᑭᒧᐊᖅᑎᑦᑎᔨᐅᓪᓗᓂ, ᑭᐅᕋᓐ ᑲᒪᒋᔭᖃᕐᒪᑦ ᐃᖃᓇᐃᔮᖑᖁᔨᕙᒡᓗᓂ, ᓯᕗᓕᖅᑎᐅᓗᓂ ᐊᒻᒪᓗ ᐊᐅᓚᑦᑎᔨᐅᖃᑦᑕᕐᓗᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᐊᐅᓚᔾᔪᑎᖏᓐᓂ ᐊᒻᒪᓗ ᐃᖃᓇᐃᔭᑦᓄᑦᓂ ᐊᒻᒪᓗ ᐅᖃᐅᔾᔨᒋᐊᖅᑎᐅᕙᒡᓗᓂ, ᑐᑭᒧᐊᒃᑎᑦᑎᕙᒡᓗᓂ ᐊᒻᒪᓗ ᐊᑐᖅᑕᐅᖁᔨᕙᒡᓗᓂ ᑲᑎᒪᔨᓄᑦ ᐱᓕᕆᐊᖑᖁᔭᐅᔪᓂᑦ ᐃᖃᓇᐃᔭᖑᔭᕆᐊᓕᓐᓂᒃ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB).
ᐱᐅᒋᓪᓗᓂᒋᑦ ᐊᑯᓂ ᖃᐅᒪᑯᑖᖃᑦᑕᓕᕐᓂᖓ, ᑭᐅᕋᓐ ᖁᕕᐊᒋᔭᖃᕐᒥᔪᖅ ᐱᕈᒃᓯᐊᖃᕆᐊᒃᓴᖅ ᓄᓇᕋᕐᓂᑦ ᐊᒻᒪᓗ ᓂᕿᓕᐅᕈᑎᒃᓴᔭᐅᔪᓐᓇᖅᑐᓂᑦ ᐃᒐᓛᖓᑕ ᓵᑦᑎᐊᖓᓂ; ᓄᕕᖅᓴᓲᖑᓪᓗᓂ ᐊᒻᒪᓗ ᓂᒃᓯᒃᑕᕋᒃᓴᓂᒃ ᓴᓇᔭᒃᓴᖃᒃᐸᒡᓗᓂ ᐊᑐᓐᓇᕆᓪᓗᓂᒋᑦ ᐅᓪᓗᖃᓗᐊᕈᓐᓃᕐᓂᖏᓐᓄᑦ ᐊᒻᒪᓗ ᖃᐅᔨᒐᔭᕐᒥᔭᓯ ᐱᓕᕆᔪᓐᓇᕐᓂᓕᒫᒥᓄᑦ ᑰᓕᖃᑕᐅᕙᒡᓗᓂ ᐊᑭᒃᑐᕋᐅᑎᔪᓂ.