ᕌᐱ ᖃᒪᓂᖅ
ᐃᖃᓇᐃᔮᖓ:
ᐊᒃᑐᖅᑕᐅᓯᒪᔪᓂᒃ -ᑐᐃᓪᓇᕆᐊᖃᖅᑐᓂᒡᓗ ᖃᐅᔨᓴᖅᑎᐅᔪᖅ ᖃᐅᔨᓴᖅᑎ
ᐅᖃᓘᑎᖓ:
867-983-4618
ᕌᐱ ᐃᒃᐱᐊᕐᔪᒻᒥᐅᑕᖅ, ᓄᓇᕗᒻᒥ. ᕌᐱ ᐱᐅᔪᒻᒪᕆᖕᓂᒃ ᐃᓚᖃᖅᐳᖅ ᒪᕐᕉᖕᓂᒃ ᕿᑐᕐᖓᖃᖅᖢᓂ ᐊᒻᒪᓗ ᐊᐃᑉᖃᖅᑐᖅ. ᕌᐱ ᐊᖏᔪᑦᑎᖅᐹᖅ 7-ᓂᒃ ᕿᑐᕐᖓᖃᖅᑐᓂ, ᓇᔭᖃᑐᐃᓐᓇᖅᑐᓂ ᐊᒻᒪ ᐊᓂᖃᕋᓂ. ᕌᐱ ᐊᓂᒍᐃᓚᐅᖅᐳᖅ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᖃᐅᔨᓴᖅᑐᓕᕆᓂᕐᒥᒃ, ᐊᒻᒪ ᓯᓚᑦᑐᖅᓴᕐᕕᖕᒥ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᐃᓕᓐᓂᐊᖅᑎᑦᑎᔪᓐᓇᕐᓗᓂ ᐃᓐᓇᕐᓂᒃ ᐃᓕᓐᓂᐊᖅᑎᓂᒃ. ᕌᐱ ᐃᖅᑲᓇᐃᔮᖃᖅᓯᒪᔪᖅ ᐃᓐᓇᕐᓄᑦ ᐃᓕᓴᐃᔨᐅᓪᓗᓂ ᐊᒻᒪ ᐃᓕᓐᓂᐊᕐᕕᐊᓗᒻᒥ ᐃᓕᓴᐃᔨᐅᓪᓗᓂ ᐊᕐᕌᒍᓄᑦ ᖁᓕᓄᑦ ᐅᖓᑖᓄᑦ ᐊᔾᔨᒌᙱᑦᑐᓂᑦ ᓄᓇᓕᓐᓂᑦ ᓄᓇᕗᒻᒥᑦ. ᕌᐱ ᐃᖅᑲᓇᐃᔭᖅᓯᒪᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ (NIRB) ᐊᕙᑎᓕᕆᔨᐅᖃᑕᐅᓯᒪᓂᑯ II (ᒫᓐᓇ ᐊᒃᑐᖅᑕᐅᓯᒪᑲᓯᐅᔾᔭᐅᓯᒪᔪᓄᑦ -ᑐᐃᓐᓇᕆᐊᖃᖅᑐᓂᒡᓗ ᖃᐅᔨᓴᖅᑎᐅᓕᖅᑐᖅ) ᐊᓕᐊᓇᐃᒍᓱᒃᖢᓂᓗ ᐃᖅᑲᓇᐃᔭᕆᐊᒃᓴᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ! ᕌᐱ ᐊᐅᓪᓚᖃᑦᑕᖅᓯᒪᔪᖅ ᓇᒥᑐᐃᓐᓈᓗᒃ ᓄᓇᕗᒻᒥ, ᑲᓇᑕᒥ, ᐊᓪᓛᑦ ᑲᓇᑕᐅᑉ ᓯᓚᑖᓄᑦ ᐃᖅᑲᓇᐃᔭᕆᐊᖅᑐᖅᑐᓂ ᐊᒻᒪᓗ ᓴᐃᓕᓇᖅᑐᓂ. ᐃᓱᒪᖅᓱᖅᑎᓪᓗᒍ, ᕌᐱ ᐃᓚᒥᓂᒃ ᐱᖃᑎᖃᕈᒪᓲᖅ, ᕿᑐᕐᖓᒥᓂᒃ ᐱᙳᐊᖃᑎᖃᕈᒪᓲᖅ, ᐊᒻᒪ ᐱᙳᐊᖃᑎᖃᕈᓘᔭᖅᖢᓂ ᐱᙳᐊᕈᓘᔭᖅᑐᓂᒃ ᐊᒻᒪ ᐱᙳᐊᖅᑐᓂᒃ.
