ᐊᕙᑎᓕᕆᔨᒃᑯᑦ ᒪᓕᒐᖃᖅᐳᑦ ᐊᔪᖏᑎᐊᖅᑐᓂᒃ ᐆᒃᑐᖁᔨᑉᓗᑎᒃ ᐃᖃᓇᐃᔮᒃᓴᓄᑦ ᐃᓄᖃᖏᑐᓄᑦ ᓴᕿᑎᑕᐅᔪᓄᓪᓗ ᐃᓛᓐᓂᑯᑦ ᐊᑐᓗᐊᖅᑕᐃᓕᓂᕐᒧᑦ ᑮᓇᐅᔭᓂᒃ. ᐊᕙᑎᓕᕆᔨᒃᑯᑦ ᓯᕗᓪᓕᐅᑎᑦᓯᕙᒃᐳᑦ ᐊᔪᖏᓂᖃᑎᐊᖅᑐᓂᒃ ᓄᓇᐅᑉ ᐊᖏᕈᑎᖓᓐᓂ ᐊᑎᓕᐅᖅᓯᒪᔪᓂᒃ, ᐊᒻᒪ ᓄᓇᕘᒥᐅᑕᐅᒃᐸᑕ ᑐᒡᓕᐊᓂ. ᐆᒃᑐᕈᒪᔪᑦ ᐃᖃᓇᐃᔮᒃᓴᓂᒃ ᐃᓱᒪᒋᔭᐅᓯᒪᒃᐸᑕ ᐃᓚᐅᓂᕐᒥᖕᓂᒃ ᐊᖏᕈᒻᒧᑦ ᐊᒻᒪ ᓄᓇᕘᒥᐅᑕᐅᒃᐸᑕ ᓇᓗᓇᐃᕆᐊᖃᖅᐳᑦ ᐆᒃᑐᕈᑎᒥᖕᓂ. ᐃᓚᐅᓂᖓ ᐊᖏᕈᒻᒧᑦ ᓄᓇᕘᒥᐅᑕᐅᓂᖓᓗ ᖃᐅᔨᒋᐊᖅᑕᐅᔪᖕᓇᖅᑐᖅ ᐊᕙᑎᓕᕆᔨᒃᑯᓐᓄᑦ ᐆᒃᑐᖅᑐᑉ ᐃᖃᓇᐃᔮᒃᓴᒻᒧᑦ.

ᐆᒃᑐᖅᑐᑦ ᐊᑎᖏᑦ, ᐊᐱᖅᓱᖅᑕᐅᔪᑦ ᐱᓕᕿᐊᒃᓴᒧᑦ, ᖃᐅᔨᓴᖅᑕᐅᓂᑯᑦ ᐊᒻᒪ ᐃᓱᒪᓕᐅᖅᑕᐅᓂᒃᑯᑦ ᐃᖃᓇᐃᔮᒃᓴᒻᒧᑦ ᐊᕙᑎᓕᕆᔨᒃᑯᓐᓄᑦ ᐸᐸᑕᐅᕙᒃᐳᑦ ᐊᕌᒍᖕᓄᑦ ᒪᖁᖕᓄᑦ. ᐊᕙᑎᓕᕆᔨᒃᑯᑦ ᑐᓂᔭᐅᔪᖕᓇᕆᕗᑦ ᖃᐅᔨᒋᐊᖅᑕᐅᓯᒪᖏᑐᓂᒃ ᐆᒃᑐᖅᑐᑉ ᐱᕈᖅᑎᕈᑎᖓᓐᓂᒃ ᐅᖃᐅᓯᖃᖅᑐᒥᒡᓗ ᐃᖃᓇᐃᔭᕈᒪᔪᒥᒃ ᓯᕗᓂᕐᒥ ᐃᓱᒪᒋᔭᐅᔪᒪᓐᓂᖅᐸᑕ ᐃᖃᓇᐃᔮᒃᓴᒻᒧᑦ ᐊᕙᑎᓕᕆᔨᒃᑯᓐᓂ.


ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᕿᓂᓕᕐᒪᑕ ᐱᔪᓐᓇᐅᑎᖃᖅᑐᓂᒃ ᐃᖅᑲᓇᐃᔭᖅᑎᒃᓴᓂᒃ ᐅᑯᓄᖓ:

ᐃᖃᓇᐃᔮᒃᓴᑦ
ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᖑᑎᓯᒪᔪᓂᒃ ᑎᑎᕋᖅᓯᒪᔭᖃᖅᐳᑦ ᐃᖃᓇᐃᔭᖅᑎᖏᑕ ᐱᓕᕆᐊᕆᕙᒃᑕᖏᓐᓂᒃ. ᑎᑎᕋᖅᓯᒪᔪᑦ ᐅᓂᑉᑳᖅᓯᒪᔪᑦ ᓱᓇᒧᑦ ᐃᖃᓇᐃᔮᒃᓴᖅ ᓴᕿᑎᑕᐅᓯᒪᖕᒪᖔᑦ, ᓱᓇᓂᒃ ᐃᖃᓇᐃᔭᕆᐊᖃᕐᒪᖔᑦ, ᐊᒻᒪ ᐊᔪᖏᓂᕆᔭᕆᐊᖃᖅᑕᖏᑦ ᓱᓇᐅᖕᒪᖔᑖ. 
ᐊᕙᑎᓕᕆᔨᒃᑯᑦ ᐃᓕᑕᖅᓯᓯᒪᔪᑦ ᐃᖃᓇᐃᔭᖅᑎᖏᑦ ᐊᑐᕐᓂᖃᕐᒪᑕ ᑲᔪᓯᑎᑦᓯᓂᕐᒥᒃ ᐊᕙᑎᓕᕆᔨᒃᑯᑦ ᐱᓕᕆᐊᕆᔪᒪᓯᒪᔭᖏᓐᓂᒃ. ᐃᖃᓇᐃᔭᖅᑎᖏᑦ ᑐᓂᔭᐅᓯᒪᕗᑦ ᐊᑐᕈᖕᓇᕐᓂᕐᒥᒃ ᐃᖃᓇᐃᔮᕐᒥᖕᓂ ᖁᕕᐊᒋᔭᖃᕐᓗᑎᒃ, ᐱᕈᖅᐸᓕᐊᓗᑎᒃ, ᐊᒻᒪ ᓯᕗᓂᕐᒧᑦ ᑲᔪᓯᖁᔭᐅᑉᓗᑎᒃ ᐃᖃᓇᐃᔮᒥᑎᒍᑦ. ᐃᓱᒪᓯᒪᔪᑦ ᐃᓕᓐᓂᐊᖅᑐᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᒃ ᐃᑲᔪᖅᑐᒐᐅᕗᑦ ᐊᕙᑎᓕᕆᔨᒃᑯᓐᓂᒃ ᖃᐅᔨᒋᐊᖁᔭᐅᑉᓗᑎᒃ ᐱᑕᖃᕋᔭᕐᓂᖓᓐᓂᒃ ᐊᐅᔭᒻᒥ ᐃᖃᓇᐃᔮᒃᓴᒥᒃ, ᐃᓕᓐᓂᐊᕐᓗᓂ ᐃᖃᓇᐃᔭᕐᓂᖕᒥᒃ, ᐊᒻᒪ ᐃᑲᔪᖅᑕᐅᓗᓐᓂ ᖃᐅᔨᒪᓂᖅᓴᒧᑦ ᐃᖃᓇᐃᔭᕐᓂᕐᒥᒃ.  

ᐊᐅᔭᒻᒥ ᐃᓕᓐᓂᐊᖅᑎᑦ
ᐱᓕᕆᔪᑦ ᐃᓕᓐᓂᐊᕐᑏᑦ ᐊᐅᔭᒃᑯᑦ ᐱᓕᕆᐊᖃᕆᐊᓖᑦ ᑎᑎᕋᖅᕕᓕᕆᔨᐅᓗᑎᒃ ᐊᒻᒪᓗ ᐃᑲᔪᕐᑎᐅᓗᑎᒃ ᐊᐅᓚᑦᓯᕕᖕᓂ ᐱᔾᔪᑎᓕᖕᓂᒃ ᐱᓕᕆᐊᒃᓴᓕᕆᕕᖕᓂ ᐱᔨᑦᓯᕋᖅᕕᖕᓂ, ᐊᒻᒪᓗ ᐊᓯᖏᓐᓂᒃ ᑲᒪᖃᑦᑕᕐᓗᑎᒃ ᑎᓕᔭᐅᔾᔪᑎᒋᓯᒪᔭᒥᒍᑦ.

ᑎᑎᕋᖅᑎ /ᐅᖃᓘᒻᒥᒃ ᑭᐅᔨ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᑮᓇᐅᔭᓕᕆᔨᓐᓂ ᑎᑎᕋᕐᕕᐅᑉᓗ ᐃᓗᐊᓐᓂ ᐱᓕᕆᑉᕕᖕᒥ, ᑎᑎᕋᖅᑎ ᐅᖃᓘᑎᓂᒃ ᑭᐅᔨ ᐱᓕᕆᐊᒃᓴᖃᖅᐳᖅ ᑎᑎᕋᕐᕕᐅᑉ ᐃᓗᐊᓐᓂ ᐱᔭᕆᐊᓕᖕᓂᒃ ᐃᓱᒪᑕᕐᒥᒡᓗ ᐃᑲᔪᖅᑎᐅᓗᓐᓂ.

ᐊᕙᑎᓕᕆᓂᕐᒧᑦ ᑎᑎᕋᖅᑎ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐃᑲᔪᖅᑎᐅᓂᐊᖅᑐᖅ ᐱᓕᕆᐊᕐᖃᕐᓗᓂ ᑐᒃᓯᕋᐅᑎᓂᒃ, ᑐᓴᕈᒪᔪᓄᓪᓗ ᑐᓴᕆᐊᕐᕕᐅᓗᓂ ᑐᑭᓯᔪᑎᒃᓴᓂᒃ ᑐᓴᖅᑎᑦᓯᕙᒡᓗᓂ, ᑐᓴᒐᒃᓴᓂᒃ ᒥᐊᓂᖅᓯᓗᓂ ᐊᕙᑎᒧᑦ ᖃᐅᔨᓴᕐᓂᕐᒧᑦ.

ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᓪᓚᕝᕕᖓᓂ ᑎᑎᕋᖅᑎ
ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᓪᓚᕝᕕᖓᓂ ᑎᑎᕋᖅᑎ ᑐᓂᓯᕙᒃᐳᖅ ᖃᐅᑕᒫᖅᓯᐅᑎᓂ ᑮᓇᐅᔭᓕᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐊᒻᒪᓗ ᑕᒪᐃᑎᒍᑦ ᐊᓪᓚᕝᕕᖕᒥ ᐱᔨᑦᑎᕋᐃᓂᕐᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ. ᑖᓐᓇ ᐃᓂᐅᔪᖅ ᑐᓂᓯᕙᒃᐳᖅ ᐱᒻᒪᕆᐅᔪᒥ ᐃᑲᔪᖅᓱᐃᓂᕐᒥ ᑐᑭᒧᐊᒃᑎᑦᑎᔨ, ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᓪᓚᕝᕕᖓᓂ ᐱᓕᕆᓂᐅᔪᓂ ᑐᖅᑯᖅᑕᐅᓯᒪᔪᓂ ᐊᐅᓚᑦᑎᓂᕐᒥᑦ, ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ ᐃᓕᐅᖅᑲᐃᓂᕐᒧᑦ, ᑮᓇᐅᔭᓕᐊᖑᔪᓂ ᐃᖅᑲᓇᐃᔭᖅᑎᓄᑦ ᐊᒻᒪᓗ ᑕᒪᐃᑎᒍᑦ ᑮᓇᐅᔭᓕᕆᓂᕐᒥᑦ.

ᐃᓕᓐᓂᐊᖅᑎ ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ
ᐅᓂᒃᑳᕆᕙᒃᖢᓂ ᑐᑭᒧᐊᒃᑎᑦᑎᔨᒧᑦ, ᐋᖅᑭᑦᑎᐊᖅᓯᒪᔭᕆᐊᓕᖕᓂᒃ ᐱᔨᑦᑎᕋᕐᓂᕐᒧᑦ ᐊᒻᒪᓗ ᑲᒪᒋᔭᐅᓪᓗᓂ ᐊᐅᓚᑦᑎᔨᒧᑦ, ᐋᖅᑭᑦᑎᐊᖅᓯᒪᔭᕆᐊᓕᖕᓂᒃ ᐊᓪᓚᕝᕕᓕᕆᓂᕐᒧᑦ, ᐃᓕᓐᓂᐊᖅᑎ ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ ᐃᑲᔪᓲᖑᕗᖅ ᐊᕙᑎᓕᕆᓂᕐᒧᑦ ᖃᐅᔨᓇᓱᐊᖅᓯᓂᐅᔪᓂᑦ ᐊᖏᕈᑕᐅᓇᓱᐊᖅᑐᓂ ᐱᕙᓪᓕᐊᑎᑕᐅᓂᖓᓂ ᐱᓕᕆᐊᒃᓴᐅᔪᓄᑦ ᐊᒻᒪᓗ ᐅᔾᔨᖅᓴᐃᓂᕐᒧᑦ ᐱᓕᕆᐊᖑᔪᓂᑦ ᐊᖏᖅᑕᐅᓯᒪᔪᓄᑦ ᐱᓕᕆᐊᒃᓴᐅᔪᓄᑦ. ᑕᐅᑐᒃᑕᑐᐊᖃᑲᐃᓐᓇᖅᑐᓂ ᐱᓕᕆᓂᕐᓄᑦ ᖃᐅᔨᓴᖅᑕᐅᓂᖓᓄᑦ ᑭᒡᓕᐅᔪᓄᑦ ᖃᐅᔨᓴᐃᓂᐅᔪᓂᑦ ᐊᒻᒪᓗ ᐃᑲᔪᖅᓱᐃᓂᕐᓄᑦ ᖃᐅᑕᒫᒥ ᐊᓪᓚᕝᕕᓕᕆᓂᕐᓄᑦ ᐃᓚᒋᔭᐅᔪᓂ ᐃᓄᓕᒫᓄᑦ ᑎᑎᕋᕐᕕᐅᕙᒃᑐᓄᑦ, ᑖᓐᓇ ᐃᓂᐅᔪᖅ ᐃᑲᔪᖅᓱᐃᓲᖑᒋᕗᖅ ᖁᑦᑎᖕᓂᖅᓴᐅᔪᓂᒃ ᐋᖅᑭᑦᑎᐊᖅᓯᒪᔭᕆᐊᓕᒃᑎᒍᑦ ᐃᖅᑲᓇᐃᔭᖅᑎᓂᑦ ᐊᒃᑐᐃᓂᕐᓄᑦ ᖃᐅᔨᓇᓱᐊᖅᓯᓂᐅᔪᓂᑦ ᐊᒻᒪᓗ ᐃᓚᐅᑎᑦᑎᓂᕐᓄᑦ ᐱᓕᕆᐊᒃᓴᓂᑦ.

ᑲᔪᖏᖅᓴᐃᓂᕐᒧᑦ ᐊᐅᓚᑦᑎᔨ
ᑲᔪᖏᖅᓴᐃᓂᕐᒧᑦ ᐊᐅᓚᑦᑎᔨ ᑲᒪᒋᔭᖃᖅᐳᖅ ᐊᐅᓚᑦᑎᓂᕐᒧᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐃᓄᓕᒫᓄᑦ ᐃᓚᐅᑎᑦᑎᓂᐅᔪᓂ ᐱᒋᐊᕈᑕᐅᔪᓂᑦ ᐊᒻᒪᓗ ᓄᓇᓕᖕᓂ ᑲᔪᖏᖅᓱᐃᓂᕐᒧᑦ ᖃᓄᐃᓕᐅᕐᓂᐅᔪᓂ. ᑖᓐᓇ ᐃᓂᐅᔪᖅ ᐃᑲᔪᖅᓱᐃᕗᖅ ᐋᖅᑭᑦᑎᐊᖅᓯᒪᔭᕆᐊᓕᖕᓄᑦ ᐃᖅᑲᓇᐃᔭᖅᑎᐅᔪᓂ ᑲᑎᒪᓂᕐᓄᑦ ᓇᓃᓐᓂᐊᕐᓂᖏᓐᓂ ᐊᒻᒪᓗ ᐱᔨᑦᑎᕋᖅᖢᓂ ᐱᒻᒪᕆᐅᓪᓗᓂ ᐅᖃᕐᕕᒃᓴᐅᑕᐅᓪᓗᓂ ᐃᓄᓕᒫᓄᑦ, ᑐᓂᓯᓪᓗᓂ ᑐᙵᓇᖅᑐᒥ ᐊᒻᒪᓗ ᐊᑐᐃᓐᓇᐅᔪᒥ ᐃᑲᔪᖅᓱᐃᓂᕐᒥᑦ ᓇᓗᓇᐃᕆᓂᕐᒧᑦ ᖃᓄᐃᓐᓂᐅᔪᑦ ᐅᖃᐅᓯᐅᑦᑎᐊᖅᓯᒪᓂᖏᓐᓂ ᐊᒻᒪᓗ ᐅᐸᒃᑕᐅᓗᑎᒃ.

ᐃᓱᒪᑕᖅ ᑮᓇᐅᔭᓕᕆᔨ
ᐅᓂᒃᑳᕆᓪᓗᓂ ᑐᑭᒧᐊᒃᑎᑦᑎᔨᒧᑦ, ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᓪᓚᕝᕕᖓᓂ, ᑮᓇᐅᔭᓕᕆᔨᒻᒪᕆᒃ ᑲᒪᒋᔭᖃᖅᐳᖅ ᑐᓂᓯᓂᕐᒧᑦ ᖃᐅᑕᒫᖅᓯᐅᑎᓂᒃ ᓇᐃᓴᐅᓯᕆᓂᕐᒧᑦ, ᑮᓇᐅᔭᓕᕆᓂᕐᒧᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐊᒻᒪᓗ ᑕᒪᐃᑎᒍᑦ ᐊᓪᓚᕝᕕᓕᕆᓂᕐᒧᑦ ᐱᔨᑦᑎᕋᐃᓂᕐᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ. ᑖᓐᓇ ᐃᓂᐅᔪᖅ ᑐᓂᓯᕙᒃᐳᖅ ᐱᒻᒪᕆᐅᔪᒥ ᐃᑲᔪᖅᓱᐃᓂᕐᒥ ᑐᑭᒧᐊᒃᑎᑦᑎᔨ, ᑮᓇᐅᔭᓕᕆᓂᕐᒧᑦ ᐊᒻᒪᓗ ᐊᓪᓚᕝᕕᖓᓂ ᐱᓕᕆᓂᐅᔪᓂ ᑐᖅᑯᖅᑕᐅᓯᒪᔪᓂ ᐊᐅᓚᑦᑎᓂᕐᒥᑦ, ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᓂᑦ ᐃᓕᐅᖅᑲᐃᓂᕐᒧᑦ, ᑮᓇᐅᔭᓕᐊᖑᔪᓂ ᐃᖅᑲᓇᐃᔭᖅᑎᓄᑦ ᐊᒻᒪᓗ ᑕᒪᐃᑎᒍᑦ ᑮᓇᐅᔭᓕᕆᓂᕐᒥᑦ.

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᓕᕆᔨ
ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐱᓕᕆᔨ ᑐᓂᓯᕙᒃᐳᖅ ᐃᑲᔪᖅᓱᐃᓂᕐᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᖅᑲᓇᐃᔭᖅᑎᖁᑎᖏᓐᓄᑦ ᐸᕐᓇᐃᓂᕐᒧᑦ, ᐃᖅᑲᓇᐃᔭᖅᑎᓄᑦ ᐱᓕᕆᐊᕆᕙᒃᑕᖏᓐᓂ ᓇᐅᑦᑎᖅᓱᕐᓂᕐᒥᑦ, ᐊᒻᒪᓗ ᑲᒪᒋᔭᖃᕐᓂᕐᒥᑦ ᐃᖅᑲᓇᐃᔭᖅᑎᓄᑦ ᕿᑲᑲᐃᓐᓇᕐᓂᐅᔪᓂᑦ ᐊᒻᒪᓗ ᐊᐅᓪᓛᕐᓂᕐᒧᑦ ᑐᒃᓯᕋᕈᑕᐅᔪᓄᑦ. ᑕᒪᓐᓇ ᐃᓂᐅᔪᖅ ᐱᔨᑦᑎᕋᖅᐳᖅ ᐱᒻᒪᕆᐅᔪᒥ ᐅᖃᖃᑎᖃᕐᓂᐅᔪᒥ ᑲᑎᒪᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᔪᓂ ᐃᖅᑲᓇᐃᔭᖅᑐᖁᑎᖏᓐᓄᑦ ᐱᔾᔪᑕᐅᔪᓄᑦ, ᑐᓂᓯᓪᓗᓂ ᐊᑐᐃᓐᓇᐅᔪᒥ ᐅᖃᐅᔾᔨᓂᐅᔪᒥᑦ ᐊᒻᒪᓗ ᐃᑲᔪᖅᓱᐃᓂᕐᒥᑦ ᐃᖅᑲᓇᐃᔮᖅᑖᖅᑎᓂᕐᒧᑦ, ᐊᐅᓚᑦᑎᓂᐅᔪᓂ ᐊᑐᐊᒐᓂ, ᐱᓕᒻᒪᒃᓴᐃᓂᕐᒧᑦ ᐊᒻᒪᓗ ᐃᖏᕐᕋᐃᓐᓇᖅᑐᒥ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ.

ᓄᓇᖑᐊᓕᕆᔨ
ᐅᓂᒃᑳᕆᓪᓗᓂ ᑐᑭᒧᐊᒃᑎᑦᑎᔨ, ᐋᖅᑭᑦᑎᐊᖅᓯᒪᔭᕆᐊᓕᖕᓄᑦ ᐱᔨᑦᑎᕋᕐᓂᕐᒧᑦ, ᓄᓇᙳᐊᓕᕆᓂᒃᑯᑦ ᑐᕌᖓᔪᑦ ᐱᒋᐊᕈᑎᖏᑦ ᐱᓕᕆᔨᒻᒪᕆᐅᔪᖅ ᐱᕙᓪᓕᐊᑎᑦᑎᓂᐊᖅᐳᖅ ᐊᒻᒪᓗ ᑲᔪᓯᑎᑦᑎᓗᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᓄᓇᙳᐊᓕᕆᓂᒃᑯᑦ ᑐᕌᖓᔪᑦ ᐱᒋᐊᕈᑎᖏᓐᓂᑦ (GIS) ᑎᑎᕋᖅᓯᒪᔪᑦ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕋᓴᐅᔭᑎᒍᑦ ᐊᒻᒪᓗ ᓄᓇᙳᐊᓂ ᐱᔾᔪᑎᖃᖅᑐᓂ ᐊᕙᑎᓕᕆᓂᕐᒧᑦ ᐊᒃᑐᐃᓂᖓᓂ ᖃᐅᔨᓴᐃᓂᐅᔪᓄᑦ. ᑖᓐᓇ ᐃᓂᐅᔪᖅ ᑐᓂᓯᕙᒃᐳᖅ ᐱᒻᒪᕆᐅᔪᓂ ᐱᔭᕆᑐᔪᓂᒃ ᐃᑲᔪᖅᓯᖅᑕᐅᓂᕐᒥᑦ ᑲᑎᒪᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ,ᑎᑎᕋᐃᓂᕐᒧᑦ ᐅᖃᐅᓯᒃᓴᓂ ᖃᐅᔨᓴᖅᑕᐅᔪᒃᓴᓂ ᐊᒻᒪᓗ ᐱᔪᓐᓇᖅᑎᑦᑎᓂᕐᒧᑦ ᐊᖏᒡᓕᒋᐊᖅᑐᒥ ᑐᑭᓯᓂᐅᔪᒥᑦ ᐱᑕᖃᑐᐃᓐᓇᕆᐊᓕᖕᓂ ᐊᕙᑎᒧᑦ ᐊᒃᑐᐃᓂᐅᔪᓐᓇᖅᑐᓂ ᐊᖏᒡᓕᒋᐊᖅᑐᒃᑯᑦ ᖃᓄᐃᓐᓂᐅᔪᓄᑦ ᐅᔾᔨᕈᓱᖕᓂᕐᒥᑦ ᐊᒻᒪᓗ ᑲᑎᑉᐸᓪᓕᐊᔪᓂ ᐊᒃᑐᐃᓂᐅᔪᓂ ᖃᐅᔨᓴᐃᓂᐅᔪᒧᑦ.

ᐊᕙᑎᓕᕆᓂᕐᒧᑦ ᑐᓴᐅᒪᖃᖅᑕᐅᑎᓕᕆᔨ
ᐊᕙᑎᓕᕆᓂᕐᒧᑦ ᑐᓴᐅᒪᖃᖅᑕᐅᑎᓕᕆᔨ ᐃᑲᔪᖅᓱᐃᕙᒃᐳᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᐅᔪᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᑦ (NIRB) ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓂ, ᑎᑎᕋᖅᓯᒪᔪᑦ ᑐᓴᒐᒃᓴᓂᒃ ᑲᑎᖅᓱᐃᕝᕕᒃ ᖃᕋᓴᐅᔭᑎᒍᑦ ᐊᒻᒪᓗ ᐱᓕᕆᔾᔪᑎᐅᔪᓂᑦ ᐅᕘᓇ ᑲᑎᙵᓂᐅᔪᓄᑦ ᐃᒻᒥᒍᑦ−ᑐᕌᖅᑎᓐᓂᐅᔪᒥ ᐱᓕᕆᓂᐅᔪᓂᑦ ᐊᒻᒪᓗ ᐱᓕᕆᖃᑎᖃᖅᖢᓂ ᐃᓗᐊᓂ ᐃᓄᖕᒧᑦ ᐊᒻᒪᓗ ᓯᓚᑖᓂ ᐱᓕᕆᔨᐅᔪᓂᑦ/ᑲᑐᔾᔨᖃᑎᒌᖑᔪᓂᑦ. ᑖᓐᓇ ᐃᓂᐅᔪᖅ ᓇᓗᓇᐃᖅᓯᕗᖅ ᑕᐃᒪᐃᖏᓐᓇᕐᓂᖓᓐᓂ ᐊᒻᒪᓗ ᑕᒻᒪᖅᓯᒪᙱᑦᑎᐊᖅᑐᒥ ᑐᓂᓯᓂᖁᔪᒥ ᐋᖅᑭᑦᑎᐊᖅᓯᒪᔭᕆᐊᓕᖕᓂᑦ ᐊᒻᒪᓗ ᑕᒪᐃᑎᒍᑦ ᐅᖃᐅᓯᒃᓴᓂ ᐊᑐᐃᓐᓇᐅᔪᓐᓇᖅᑐᒥ ᖃᕋᓴᐅᔭᑎᒍᑦ ᐋᖅᑭᒃᓯᒪᓂᐅᔪᒥ ᐃᓄᓕᒫᓄᑦ.

ᑐᓵᔨ/ᑐᑭᒧᐊᖅᑎᑦᑎᔨ I
ᐅᓂᒃᑳᕆᓗᓂ ᐊᐅᓚᑦᑎᔨᒧᑦ, ᐋᔩᖃᑎᒌᖕᓂᕐᒧᑦ, ᑐᓵᔨ/ᑐᑭᒧᐊᖅᑎᑦᑎᔨ I ᑲᒪᒋᔭᖃᖅᐳᖅ ᑐᓂᓯᓂᕐᒥᑦ ᐱᓕᕆᔨᒻᒪᕆᐅᓂᕐᒧᑦ ᐃᓄᒃᑎᑐᒻᒥᑦ/ᖃᓪᓗᓈᑎᑐᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓄᐃᓐᓇᖅᑐᒥ/ᖃᓪᓗᓈᑎᑐᒧᑦ ᑐᓵᔨᐅᓂᕐᒥᑦ ᐊᒻᒪ ᑐᑭᓕᐅᕆᓂᐅᔪᒥᑦ ᐱᔨᑦᑎᕋᕐᓂᕐᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ.

ᑐᓵᔨ/ᑐᑭᒧᐊᖅᑎᑦᑎᔨ II
ᐅᓂᒃᑳᕆᓗᓂ ᐊᐅᓚᑦᑎᔨᒧᑦ, ᐋᔩᖃᑎᒌᖕᓂᕐᒧᑦ, ᑖᓐᓇ ᑐᓵᔨ/ᑐᑭᒧᐊᖅᑎᑦᑎᔨ II−ᒥ ᑲᒪᒋᔭᖃᖅᐳᖅ ᑐᓂᓯᓂᕐᒥᑦ ᐱᓕᕆᑦᑎᐊᖑᓂᕐᒧᑦ ᐃᓄᒃᑎᑐᑦ/ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᐃᓄᐃᓐᓇᖅᑐᓐ/ᖃᓪᓗᓈᑎᑐᑦ ᑐᓵᔨᐅᓂᕐᒥᑦ ᐊᒻᒪᓗ ᑐᑭᓕᐊᖑᔪᓂᑦ ᐱᔨᑦᑎᕋᕐᓂᕐᒥᑦ ᐊᒻᒪᓗᑦᑕᐅᖅ ᐃᓂᐅᔪᒥᑦ ᐃᑲᔪᖅᓱᐃᖑᔮᕐᔪᒃᑎᓪᓗᒍ ᐊᒃᓱᕈᕐᓂᐅᔪᓂ ᑎᑎᕋᐃᕙᓪᓕᐊᓂᕐᒧᑦ ᐊᒻᒪᓗ ᖁᕝᕙᖅᓴᐃᓂᕐᒧᑦ ᐅᖓᕙᕆᐊᕐᓂᐅᔪᓂᑦ ᐃᓄᒃᑎᑐᒻᒥ/ᐃᓄᐃᓐᓇᖅᑐᒻᒥ ᑕᐃᒎᓯᕆᓂᕐᒧᑦ ᐊᒻᒪᓗ ᐊᑐᖅᑕᐅᓂᖓᓂ ᐊᒃᑐᐃᓂᕐᒧᑦ ᖃᐅᔨᓴᐃᓂᐅᔪᒥᑦ ᐱᓕᕆᔾᔪᓯᐅᔪᒥᑦ.

ᐃᓱᒪᑕᖅ, ᖃᓄᐃᓕᐅᕈᑎᑉᕕᖃᕐᕕᖕᒥ

ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐱᓕᕆᐊᖃᕋᔭᖅᑐᖅ ᑲᕆᑕᐅᔭᒃᑰᕈᑎᓂᒃ ᐊᒻᒪ ᐃᓄᓗᒃᑖᓄᑦ ᑕᑯᔭᐅᔪᖕᓇᖅᑐᓂᒃ ᖃᕆᑕᐅᔭᒃᑯᑦ, ᐊᕙᑎᓕᕆᔨᒃᑯᑦ ᖃᐅᔨᓴᕐᓂᑯᖏᓐᓂᒃ. ᐃᓱᒪᑕᖅᓂ, ᖃᓄᐃᓕᐅᕈᓯᕆᔨᓂ, ᐱᓕᕆᐊᖃᖅᑐᖅ ᒥᐊᓂᖅᓯᓂᕐᒥᒃ ᐊᕙᑎᓕᕆᓂᕐᒧᑦ ᖃᐅᔨᓴᖅᑎᓂᒃ, ᑐᓴᖅᐸᓕᐊᔪᑎᓂᒃ ᑐᑭᓯᔪᑎᒃᓴᓂᒃ ᑐᕌᖅᑐᓂᒃ ᐊᕙᑎᐅᑉ ᖃᐅᔨᓴᖅᑕᐅᓂᖏᓐᓄᑦ ᐊᒻᒪ ᐱᓕᕆᐊᖑᔪᑦ ᐃᖏᕋᔪᑦ ᖃᐅᔨᓴᖅᑕᐅᓂᖏᓐᓂᒃ.   ᑖᓐᓇ ᐃᓂᐅᔪᖅ ᑲᒪᒋᔭᖃᖅᐳᖅ ᑎᑭᑉᐸᓪᓕᐊᔪᓂ ᐊᒻᒪᓗ ᐊᓂᐊᕙᓪᓕᐊᔪᓂᑦ ᑐᓴᐅᒪᖃᑎᒌᒍᑎᓂᑦ ᐋᖅᑭᑦᑎᐊᖅᓯᒪᔭᕆᐊᓕᖕᓄᑦ ᐱᔨᑦᑎᕋᕐᓂᕐᒧᑦ ᐱᓕᕆᕝᕕᖕᒥᑦ, ᑐᕌᖅᑎᑦᑎᓪᓗᓂ ᐊᐱᖅᑯᑕᐅᔪᓂ ᐊᒻᒪᓗ ᐊᐅᓚᑦᑎᓂᕐᒧᑦ ᐃᖏᕐᕋᓂᐅᔪᓂ ᐅᖃᐅᓯᒃᓴᓂ ᐱᔾᔪᑎᓕᖕᓂ ᖃᐅᔨᓴᖅᑕᐅᓂᕐᒧᑦ ᐊᒻᒪᓗ ᕿᒥᕐᕈᔭᐅᓂᕐᒧᑦ ᖃᐅᔨᓴᐃᓂᐅᔪᓂ ᐊᒻᒪᓗ ᓇᐅᑦᑎᖅᓱᐃᓂᕐᒧᑦ ᐱᓕᕆᐊᖑᔪᓂ. ᐊᐅᓚᑦᑎᔨ, ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐊᓪᓚᕝᕕᒻᒧᑦ ᑲᒪᒋᔭᖃᖅᐳᖅ ᐊᖓᔪᖅᑳᖑᓂᕐᒧᑦ ᐊᕙᑎᓕᕆᓂᕐᒧᑦ ᐊᓪᓚᑦᑎᐅᔪᓄᑦ ᐊᒻᒪᓗ ᐃᓕᓐᓂᐊᖅᑐᓄᑦ ᐋᖅᑭᑦᑎᐊᖅᓯᒪᔭᕆᐊᓕᑦ ᐅᖃᐅᔾᔨᒋᐊᖅᑎᐅᔪᓄᑦ, ᐊᒻᒪᓗ ᐱᔨᕆᕙᒃᖢᓂ ᑭᒡᒐᓕᕋᖅᑎᐅᓂᕐᒧᑦ ᑐᑭᒧᐊᒃᑎᑦᑎᔨᐅᔪᒧᑦ ᐊᒻᒪᓗ ᐋᖅᑭᑦᑎᐊᖅᓯᒪᔭᕆᐊᓕᑦ ᐃᖅᑲᓇᐃᔭᖅᑎᐅᔪᓄᑦ, ᐃᑲᔪᖅᓱᐃᓪᓗᓂ ᑐᓂᓯᓂᐅᔪᓂ ᖃᐅᔨᓴᖅᑕᐅᓂᕐᒧᑦ ᖃᐅᔨᓴᐃᓂᐅᔪᓂ ᐊᒻᒪᓗ ᐊᐅᓚᑦᑎᓪᓗᓂ/ᓇᒦᓕᕐᓂᖏᓐᓂ ᖃᐅᔨᓴᐃᓂᐅᔪᓄᑦ ᑐᕌᖓᔪᓂ ᐃᓱᓕᕝᕕᒃᓴᖓᓐᓂ, ᑐᓴᐅᒪᖃᑎᒌᒍᑎᓂᑦ ᐊᒻᒪᓗ ᓱᓇᒃᑯᑖᓂ.

ᐊᐅᓚᑦᓯᔨ, ᑐᓴᕈᑎᓕᕆᑉᕕᖕᒥ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᑐᑭᒧᐊᒃᑎᑦᓯᔨ ᑐᓴᖅᑐᓕᕆᔨᓄᑦ ᐃᖏᕋᑎᑦᓯᓂᕐᒥᒃ ᑲᔪᓯᑎᐊᖅᑐᒥᒃ ᐊᕙᑎᓕᕆᔨᒃᑯᑦ ᖃᐅᔨᓴᕐᓂᖏᓐᓂᒃ, ᓱᓕᕆᑎᑦᓯᓂᖏᓐᓂᒃ, ᐊᒻᒪ ᐃᓱᒪᓕᐅᕈᑎᖏᓐᓂᒃ ᒐᕙᒪᒃᑯᓐᓄᑦ, ᐃᓄᐃᑦ ᑎᒥᒋᔭᖏᓐᓄᑦ, ᓄᓇᓕᖕᒥ ᑎᒥᖑᖅᑎᑕᐅᓯᒪᔪᓄᑦ, ᐃᓄᒥᐊᓄᓪᓗ. ᑖᓐᓇ ᐃᓂᐅᔪᖅ ᑐᓂᓯᕙᒃᐳᖅ ᐃᒃᐱᒋᔭᕆᐊᓕᖕᒥᑦ ᐊᒻᒪᓗ ᐃᓱᒪᑐᓂᕐᒥᑦ ᐃᑲᔪᖅᓱᐃᓂᐅᔪᒥᑦ ᑲᑎᒪᔨᒃᑯᑦ ᐃᓄᓕᒫᓄᑦ ᐃᓚᐅᑎᑕᐅᓂᖏᓐᓄᑦ ᐊᒃᓱᕈᕈᑕᐅᔪᓂ, ᓇᓗᓇᐃᖅᓯᓂᕐᒧᑦ ᑐᓴᐅᒪᖃᑎᒌᒍᑎᑦ ᐱᓕᕆᑦᑎᐊᖅᓯᒪᓂᐅᓗᑎᒃ, ᐊᑐᐃᓐᓇᐅᓗᑎᒃ, ᑐᓂᓯᓂᕐᒥ ᐱᒻᒪᕆᐅᔪᓂ ᐅᖃᐅᒥᒃᓴᓂᒃ ᑐᕌᒐᕆᔭᐅᔪᓄᑦ ᖁᙱᐊᖅᑎᐅᔪᓄᑦ.

ᖃᓄᐃᓕᐅᕈᑎᒃᓴᓄᑦ ᖃᐅᔨᒪᔨ I
ᐅᓂᒃᑳᕆᕙᒃᖢᓂ ᑐᑭᒧᐊᒃᑎᑦᑎᔨᒧᑦ, ᐋᖅᑭᑦᑎᐊᖅᓯᒪᔭᕆᐊᓕᖕᓂᒃ ᐱᔨᑦᑎᕋᕐᓂᕐᒧᑦ, ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ ᑐᕌᖅᑎᑦᑎᕗᖅ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᐅᔪᓂᑦ ᐊᖏᕈᑕᐅᓇᓱᐊᖅᑐᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐅᔪᓂᑦ ᐊᒻᒪᓗ ᓇᐅᑦᑎᖅᓱᕐᓂᕐᒧᑦ ᐱᓕᕆᐊᖑᔪᓂ ᐊᖏᖅᑕᐅᓯᒪᔪᓄᑦ ᐱᓕᕆᐊᒃᓴᐅᔪᓄᑦ ᑐᓂᔭᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐅᕘᓇ ᑎᑎᕋᖅᑕᐅᓯᒪᔪᒥ 12−ᒥ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᒥᑦ ᐊᒻᒪᓗ ᐃᓚᖓᓂ 3−ᒥ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᒧᑦ ᖃᐅᔨᓴᖅᑕᐅᓂᖓᓄᑦ ᒪᓕᒐᕐᒥᑦ. ᑕᐅᑐᒃᑕᑐᐊᖃᑲᐃᓐᓇᖅᖢᓂ ᐊᐅᓚᑦᑎᓂᕐᒧᑦ ᖃᔅᓯᒐᓚᖕᓂ ᖃᐅᔨᓴᖅᑕᐅᓂᕐᒧᑦ ᑭᒡᓕᐅᔪᓂ ᖃᐅᔨᓴᐃᓂᐅᔪᓂ ᐊᒻᒪᓗ ᐃᑲᔪᖅᓱᐃᓂᕐᒧᑦ ᖃᐅᔨᓴᐃᓂᐅᔪᓂ ᐱᒻᒪᕆᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐅᔪᓂ, ᑖᓐᓇ ᐃᓂᐅᔪᖅ ᐅᖃᐅᔾᔨᕙᒃᐸᒃᐳᖅ ᐊᐅᓚᑦᑎᔨᒻᒪᕆᐅᔪᓂ ᐋᖅᑭᑦᑎᐊᖅᓯᒪᔭᕆᐊᓕᖕᓂᑦ ᐊᑲᐅᙱᓕᐅᕈᑕᐅᔪᓂ, ᓇᓗᓇᐃᖅᓯᓂᕐᒥᑦ ᖃᐅᔨᓴᐃᓂᐅᔪᑦ ᐱᓕᕆᐊᖑᓂᖏᓐᓂ ᓈᒻᒪᒃᑐᒥ, ᑕᒪᒃᑭᐅᒪᑎᑦᑎᓂᕐᒧᑦ ᐊᒻᒪᓗ ᐊᑯᓂᐅᓗᐊᙱᑦᑐᒥᑦ.

ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ II
ᐋᖅᑭᑦᑎᐊᖅᓯᒪᔭᕆᐊᓕᒃᑎᒍ ᐅᖃᐅᔾᔨᒋᐊᖅᑎ II ᑐᕌᖅᑎᑦᑎᕗᖅ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᐅᔪᓂᑦ ᐊᖏᕈᑕᐅᓇᓱᐊᖅᑐᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐅᔪᓂᑦ ᐊᒻᒪᓗ ᓇᐅᑦᑎᖅᓱᕐᓂᕐᒧᑦ ᐱᓕᕆᐊᖑᔪᓂ ᑐᓂᔭᐅᔪᓄᑦ ᐊᖏᖅᑕᐅᓯᒪᔪᓄᑦ ᐱᓕᕆᐊᒃᓴᐅᔪᓄᑦ ᑐᓂᔭᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐅᕘᓇ ᑎᑎᕋᖅᑕᐅᓯᒪᔪᒥ 12−ᒥ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᒥᑦ ᐊᒻᒪᓗ ᐃᓚᖓᓂ 3−ᒥ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᒧᑦ ᖃᐅᔨᓴᖅᑕᐅᓂᖓᓄᑦ ᒪᓕᒐᕐᒥᑦ. ᑕᐅᑐᒃᑕᑐᐊᖃᑲᐃᓐᓇᖅᖢᓂ ᐊᐅᓚᑦᑎᓂᕐᒧᑦ ᖃᔅᓯᒐᓚᖕᓂ ᖃᐅᔨᓴᖅᑕᐅᓂᕐᒧᑦ ᐊᒻᒪᓗ

ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᐅᓚᑦᑎᔨ
ᐊᐅᓚᑦᑎᔨ, ᐃᖅᑲᓇᐃᔭᖅᑐᓕᕆᔨᒃᑯᓐᓂ ᑲᒪᒋᔭᖃᖅᐳᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐸᕐᓇᐃᓂᐅᔪᓂ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐱᓕᕆᐊᕆᕙᒃᑕᖏᓐᓂ ᓇᐅᑦᑎᖅᓱᕐᓂᕐᒥᑦ ᐅᕘᓇ ᐋᖅᑭᒃᓱᐃᓂᐅᔪᓂ ᐱᓕᕆᔾᔪᓯᐅᔪᓂ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᐊᒻᒪᓗ ᐸᐸᑦᑏᓪᓇᕐᓂᕐᒧᑦ, ᐊᒻᒪᓗ ᐃᖏᕐᕋᐃᓐᓇᖅᑐᒥ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ. ᑕᒪᓐᓇ ᐃᓂᐅᔪᖅ ᐱᔨᑦᑎᕋᖅᐳᖅ ᐱᒻᒪᕆᐅᔪᒥ ᐅᖃᖃᑎᖃᕐᓂᐅᔪᒥ ᑲᑎᒪᔨᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᔪᓂ ᐃᖅᑲᓇᐃᔭᖅᑐᖁᑎᖏᓐᓄᑦ ᐱᔾᔪᑕᐅᔪᓄᑦ, ᑐᓂᓯᓪᓗᓂ ᐊᑐᐃᓐᓇᐅᔪᒥ ᐅᖃᐅᔾᔨᓂᐅᔪᒥᑦ ᐊᒻᒪᓗ ᐃᑲᔪᖅᓱᐃᓂᕐᒥᑦ ᐃᖅᑲᓇᐃᔮᖅᑖᖅᑎᓂᕐᒧᑦ, ᐊᐅᓚᑦᑎᓂᐅᔪᓂ ᐊᑐᐊᒐᓂ, ᐃᖅᑲᓇᐃᔭᖅᑎᓄᑦ ᐃᓅᓯᓕᕆᓂᕐᒧᑦ, ᐱᓕᒻᒪᒃᓴᐃᓂᕐᒧᑦ ᐊᒻᒪᓗ ᐃᖏᕐᕋᐃᓐᓇᖅᑐᒥ ᐱᓕᕆᔨᒻᒪᕆᐅᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ.

ᐊᐅᓚᑦᑎᔨ, ᐊᒃᑐᐃᓂᕐᒧᑦ ᖃᐅᔨᓴᐃᓂᕐᒧᑦ
ᐊᐅᓚᑦᑎᔨ, ᐊᒃᑐᐃᓂᕐᒧᑦ ᖃᐅᔨᓴᐃᓂᕐᒧᑦ ᑐᕌᖅᑎᑦᑎᕗᖅ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᐅᔪᓂᑦ ᐊᖏᕈᑕᐅᓇᓱᐊᖅᑐᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐅᔪᓂᑦ ᐊᒻᒪᓗ ᓇᐅᑦᑎᖅᓱᕐᓂᕐᒧᑦ ᐱᓕᕆᐊᖑᔪᓂ ᐊᖏᖅᑕᐅᓯᒪᔪᓄᑦ ᐱᓕᕆᐊᒃᓴᐅᔪᓄᑦ ᑐᓂᔭᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐅᕘᓇ ᑎᑎᕋᖅᑕᐅᓯᒪᔪᒥ 12−ᒥ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᒥᑦ ᐊᒻᒪᓗ ᐃᓚᖓᓂ 3−ᒥ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᒧᑦ ᖃᐅᔨᓴᖅᑕᐅᓂᖓᓄᑦ ᒪᓕᒐᕐᒥᑦ. ᑖᓐᓇ ᐃᓂᐅᔪᖅ ᑲᒪᒋᔭᖃᖅᐳᖅ ᑐᓂᓯᓂᕐᒧᑦ ᐃᑲᔪᖅᓱᐃᓂᕐᒥ ᑐᑭᒧᐊᒃᑎᑦᑎᔨᒧᑦ, ᐋᖅᑭᑦᑎᐊᖅᓯᒪᔭᕆᐊᓕᖕᓄᑦ ᐅᖃᐅᔾᔨᔨᐅᓪᓗᓂ ᐊᐅᓚᑦᑎᓪᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐊᔾᔨᒌᓕᖅᑎᑦᑎᐅᕋᐃᓂᕐᒥᑦ ᐊᒃᑐᐃᓂᕐᒧᑦ ᖃᐅᔨᓴᐃᓕᐅᔪᓂᑦ ᐱᓕᕆᔾᔪᑕᐅᕙᒃᑐᓂᑦ, ᐱᓕᕆᔾᔪᓯᓂᒃ, ᐊᒻᒪᓗ ᒥᐊᓂᕆᔾᔪᑕᐅᔪᓂ ᓱᓇᒃᑯᑖᓂᒃ.

ᐊᐅᓚᑦᑎᔨ, ᐱᓕᕆᐊᒃᓴᒧᑦ ᐅᔾᔨᖅᓴᐃᓂᖅ
ᐊᐅᓚᑦᑎᔨ, ᐱᓕᕆᐊᒃᓴᒧᑦ ᐅᔾᔨᖅᓴᐃᓂᕐᒧᑦ ᑐᕌᖅᑎᑦᑎᕗᖅ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᐅᔪᓂᑦ ᐊᖏᕈᑕᐅᓇᓱᐊᖅᑐᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒃᓴᐅᔪᓂᑦ ᐊᒻᒪᓗ ᓇᐅᑦᑎᖅᓱᕐᓂᕐᒧᑦ ᐱᓕᕆᐊᖑᔪᓂ ᐊᖏᖅᑕᐅᓯᒪᔪᓄᑦ ᐱᓕᕆᐊᒃᓴᐅᔪᓄᑦ ᑐᓂᔭᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ (NIRB) ᐊᒻᒪᓗ ᐃᓚᖓᓂ 3−ᒥ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒃᓴᒧᑦ ᖃᐅᔨᓴᖅᑕᐅᓂᖓᓄᑦ ᒪᓕᒐᕐᒥᑦ. ᑖᓐᓇ ᐃᓂᐅᔪᖅ ᑲᒪᒋᔭᖃᖅᐳᖅ ᑐᓂᓯᓂᕐᒧᑦ ᐃᑲᔪᖅᓱᐃᓂᕐᒥ ᑐᑭᒧᐊᒃᑎᑦᑎᔨᒧᑦ, ᐋᖅᑭᑦᑎᐊᖅᓯᒪᔭᕆᐊᓕᖕᓄᑦ ᐱᔨᑦᑎᕋᕐᓂᕐᒧᑦ ᐊᐅᓚᑦᑎᓪᓗᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᐊᔾᔨᒌᓕᖅᑎᑦᑎᐅᕋᐃᓂᕐᒥᑦ ᐊᒃᑐᐃᓂᕐᒧᑦ ᖃᐅᔨᓴᐃᓕᐅᔪᓂᑦ ᐱᓕᕆᔾᔪᑕᐅᕙᒃᑐᓂᑦ, ᐱᓕᕆᔾᔪᓯᓂᒃ, ᐊᒻᒪᓗ ᒥᐊᓂᕆᔾᔪᑕᐅᔪᓂ ᓱᓇᒃᑯᑖᓂᒃ.

ᐊᑐᐊᒐᓄᑦ ᐅᖃᐅᔾᔨᒋᐊᖅᑎ
ᐊᑐᐊᒐᓄᑦ ᐅᖃᐅᔾᔨᒋᐊᖅᑎ ᑐᓂᓯᕗᖅ ᐃᓱᒪᒐᓱᐊᑦᑎᐊᕐᓂᒃᑯᑦ ᖃᐅᔨᓴᐃᓂᕐᒥᑦ ᐊᒻᒪᓗ ᐅᖃᐅᔾᔨᓂᕐᒧᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᔾᔪᑎᓕᖕᒥᑦ ᐊᔾᔨᒌᙱᑦᑐᓂ ᐃᓄᐊᒍᑦ ᐊᒻᒪᓗ ᓯᓚᑖᒍᑦ ᐊᑐᐊᒐᓂ, ᐸᕐᓇᐃᓂᕐᒧᑦ ᐊᒻᒪᓗ ᒪᓕᒐᓕᐊᖑᔪᓄᑦ ᐱᒋᐊᕈᑕᐅᔪᓂᑦ. ᑖᓐᓇ ᐃᓂᐅᔪᖅ ᐃᑲᔪᖅᓱᐃᓪᓚᕆᒃᐸᒃᐳᖅ ᐃᓱᒻᒥᖅᑐᐃᔨᒧᑦ ᓇᓗᓇᐃᖅᓯᓂᕐᒥᑦ ᑭᐅᓗᒍᑕᐅᓯᒪᔪᓂᒃ ᐊᑲᐅᙱᓕᐅᕈᑕᐅᔪᓂᑦ, ᐊᓯᐊᒎᕈᑎᒃᓴᓂ ᓂᕈᐊᒐᒃᓴᓂ, ᐊᑐᐊᒐᓄᑦ ᐃᓚᑰᓂᐅᔪᓂᑦ, ᑮᓇᐅᔭᓕᕆᓂᕐᒧᑦ/ᒪᓕᒐᓕᕆᓂᕐᒧᑦ ᓇᓗᓇᐃᖅᑕᐅᒪᔪᓂᑦ, ᐱᓕᕆᕝᕕᙶᖅᑐᓂᒃ ᑭᒡᒐᖅᑐᐃᔨᖃᖅᑐᓄᑦ ᐊᒻᒪᓗ ᓯᓚᑖᒍᑦ ᐊᒃᑐᐃᓂᐅᔪᓂᑦ ᐊᒻᒪᓗ ᒪᓕᑦᑎᐊᕐᓂᐅᔪᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐱᓕᕆᐊᒃᓴᕆᔭᖏᓐᓂᑦ.

ᑐᑭᒧᐊᒃᑎᑦᓯᔨ, ᑮᓇᐅᔭᓕᕆᑉᕕᖕᒥ ᑎᑎᕋᕐᕕᖕᒥᓗ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᐅᔨᖅᑐᕐᓗᓂ ᐱᓕᕆᐊᒃᓴᐅᔪᑦ ᑮᓇᐅᔭᓕᕆᓂᕐᒥ, ᑎᑎᕋᕐᕕᐅᑉ ᐃᓗᐊᓐᓂ ᐱᓕᕆᐊᕐᓂᒃ, ᐊᒻᒪ ᐃᖃᓇᐃᔭᖅᑎᓂᒃ ᐱᓕᕆᐊᕐᓂᒃ ᐃᑲᔪᖅᑎᐅᓗᓐᓂ ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᒪᓕᒐᐃᑦ ᐋᕿᒃᑕᐅᓯᒪᔪᑦ, ᐱᖁᔭᐃᓪᓗ, ᑎᒥᐅᔪᒥᒡᓗ ᐃᖏᕋᑎᐊᕈᑎᑦ, ᑎᑎᖃᕐᕕᐅᑉᓗ ᐃᓗᐊᓐᓂ ᒪᓕᒐᐃᑦ, ᐊᒻᒪ ᑮᓇᐅᔭᖃᖅᑎᑦᓯᔪᑦ ᒪᓕᒐᖁᑎᖏᑦ ᐅᖃᐅᓯᕆᔭᕆᐊᓖᓪᓗ ᑮᓇᐅᔭᐃᑦ ᐊᑐᕐᓂᖏᑦ, ᑕᒪᕐᒥᒃ ᒪᓕᒡᓗᒋᑦ.

ᑐᑭᒧᐊᒃᑎᑦᓯᔨ, ᖃᓄᐃᓕᐅᕈᑎᒃᓴᖃᕐᕕᖕᒥ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᓯᕗᓕᖅᑎᐅᓂᐊᖅᑐᖅ ᐊᕙᑎᐅᑉ ᖃᐅᔨᓴᖅᑕᐅᓂᖓᓐᓂᒃ ᐱᓕᕆᐊᓗᒃᑖᓐᓄᑦ ᑐᓂᔭᐅᓯᒪᔪᓄᑦ ᐊᕙᑎᓕᕆᔨᒃᑯᓐᓄᑦ ᒪᓕᒃᖢᒍ ᓄᓇᐅᑉ ᓇᖕᒥᓂᖅᑖᕆᔭᐅᓂᖓᑕ ᓄᓇᕘᒻᒥ ᐊᖏᕈᑎᑉ ᐃᓗᐊᓐᓂᓯᐅᖅᑐᓂᒃ ᑎᑎᕋᖅᓯᒪᓂᖓ 12.

ᐃᓱᒪᑕᐅᓯᕕᖕᒥ ᑐᑭᒧᐊᒃᑎᑦᓯᔨ
ᐃᓱᒪᑕᖃᕐᓗᓐᓂ ᑲᑎᒪᔨᑦ ᐃᒃᓯᕙᐅᑕᖓᓐᓂᒃ, ᐃᖃᓇᐃᔭᖅᑎᑦ ᐃᓱᒪᑕᖓᑦ ᐱᓕᕆᐊᖃᖅᐳᖅ ᓇᓕᐊᖕᓄᑦ ᓯᕗᒻᒧᐊᖕᓂᖕᒥᒃ ᑕᓯᐅᖅᑎᐅᑉᓗᓂ, ᓯᕗᓕᖅᑎᐅᓗᓐᓂ, ᐊᒻᒪ ᑲᔪᓯᔪᒻᒥᒃ ᒥᐊᓂᖅᓯᔨᐅᑉᓗᓂᓗ ᐊᐅᓚᑕᐅᔪᓗᒃᑖᓐᓂᒃ ᐊᒻᒪ ᐃᖃᓇᐃᔭᖅᑎᓂᒃ, ᐅᖃᐅᔨᔨᐅᑉᓗᓂᓗ, ᑕᓯᐅᖅᑎᐅᑉᓗᓂᓗ ᐊᒻᒪ ᖃᓄᐃᓕᐅᖁᔨᔨᐅᑉᓗᓂ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ.