Maligialik

Una Nunavut Avatilirinirmut Katimayit (NIRB) ilihautituqauvlutik kitunuliqaak kavamainnut hanayauhimyuq haffuminngat Nunavut Nunataarutata Angirutaa ihivriuriami aktuqtauhimayunit ukuninngat tukhiutauhimayut pivalliayut iluani Nunavut Nunatarviup Iluani angiqtaulraaqtumi kiuvikhait havaktaugialik aulattitinikkut. Atuqhimavlugit tamainnut pitquhiriyangit ilitariyauyunillu qauyihainingit uukturautainit, una NIRB’kkut ihivriuqhimavagaat haffuminngat aktuqtauhimayut nunaup qulaaniittuni unalu inungnut ikayuutikhait aktuqtauhimayut havaatigut taimaattauq kiudjutingit ihumaliuqtangillu qanurittut havaat havaktaulaarungnaqtut. Una Katimayiit aullaqtilaaqtangit amiqhidjutit piliriakhat havaktauyukhanut ihivriuqtautaaqhimayunit angiqtautaaqhumayuttauq.

Tigummiyaangani hulidjuhianit, hivulliqpaam hulidjuhianut haffuminngat NIRB’kkut ubluq tamaat hapummigiaqaqtangit pinahuaqhimalugillu atuqhimayangit hivunikhautikhangillu inuuhittiarnaqtumik tamainnut nunaqatigiiktunut nunalingnilu ukuninngat Nunavut Nunatarviup Iluani, hapumminahuarlugittauq nunat avatingillu ilumuuqtumit haffuminngat Nunavut Nunatarviup Iluani. Una NIRB pivalliayukhautauvlutik inuuhittiarnaqtunik nunaqatigiiktunut Kanatamiunit hilataani Nunavut Nunatarviup Iluani.

Una NIRB’kkut ukpiruhuutingit aulavikhangillu ilitturihimayangit malikhugu Nakataq 12 haffuminngat Nunavut Nunataarutata Angirutaa ukuninngat Nunavut Parnaiyaiyut unalu Havaarinahuaqtangit Ihivriurningit Maligaq.

Hamna ukpiruhuutivut haffuminngat NIRB’kkut tamaat numiktauhimayut iluani qanurittuumingaaqtut malikhimayangit hivunikhautait ihumavlugit NLCA aivaqattautihimayaraluangit: 

  • Ilaliutaunahuarlugillu nalaumattiaqtumik tutqikhinnaqtumik piyunnautingit nanminiriyangit nunat atuqtaunikhainnut unalu avatikhait, uuminngalu piyunnautingit Inuinnainut ilauqataugiangani ihumaliuqtakhainit ihumagiyauyunit hamna aturnaqtut, amiqhaiyunit hapumminahuarnikkut nunanut, imait avatingillu, ilaliutauyut hinaanirmiunngittumiklu;
  • Ilaliutinahuarlugit Inuinnait ukuninngat huraat angunahuarnirmut piyunnautit unalu piyunnautit ilauqataugiami ihumaliuqtakhanut ihumaaluutigiyangit huraat angunahuarnirnit;
  • Ilaliutinahuarlugillu Inuinnait ukuninngat maniliqinikkut ikayuqtauyut tukiqaqhunilu ilauqataunirmut maniliurahuarnikkut hulidjuhianit; unalu, 
  • Akhuurnahuarlugit inmikkut-pinahuaqhimayunit unalu pitquhiit inuuhittiarnikkut Inuinnainut.

Hunauva NIRB’iup Atanniqtuivinga?

Una NIRB’iup atanniqtuivingat ilitquhikhaa aktuqtaunianut ihivriuqhiniit haffuminngat havaarinahuaqtangit tukhiutiyut iluani nunat taryurmiuttat nayugaat haffuminngat Nunavut Nunatarviup Iluani. Una Nunavut Nunatarviup Iluani ilaliutauhimayut qaffiuyungnaqhiyut malruk milianik kikkaringnia avguivlutiktauq kiglinganit Nunatsiavut, Manituuba, Nunavut Taryurmiuttat Aviktuqhimayumi, Newfoundland unalu Labradormilu, unalu Kaniitian Hinaanirmiutaunngittut. Una NIRB’iup atanniqtuivinga ilaliutauhimayut Hilataani Nunap Hikurnariktumik Hikua Kigliata uvani kivataani Qikiqtaalungmi katilviuvluni hilataanit Aviktuqhimayumi Taryum Kigliata.

Ilagiyangittauq, una NIRB tukhiumalaaqtut Kavamangnit uuminngaluniit, angiqtaugumik Kavamannit, tukhiutaulaaqtut haffuminngat Tikkuaqtauhimayuq Inuit Timingat, ihivriuriami havaariyakhat tukhiutauyut nayulingnit hilataani Nunavut Nunatarviup Iluani hivituyumik qayangnaqtunik avatiqalingnit uuminngaluniit inungnut ikayuutiyut aktuqtauhimayut ukuninngat Nunavut Nunatarviup Iluani.