Pitquhiuyut atugakhat Nunavunmi Avatilirinirmut Katimayiit (NIRB) piumaplutik amigaitunik ayuittiaqhimayunik uukturumayunik pittaaqtut kikliitigut akiit ihuarniit havaktikhainik havaktiqangitut atuqtauyuni havaakhani uvaluuniin aallanik havaakhanik ihariagiyauyut qakugungurangat.  NIRB-kut tuniyut hivulliutiyakhat ihumagiyangit havaktikhaqhiurnirmut ayuittiaqtunik Nunavut Inuit (atiliuqhimayut titiraqhimayumi uvani Nunavut Angirutingani) hivulliqpaami, unalu Nunavunmi nunaqaqtut tuglianik. Uuktuqtut ihumagiyauyukhat Nunavunmi Inuit unaluuniit Nunavunmiutat naunaittiaqtakhaa inmik atiliurninganut nampanganik unaluuniit nayukhimmaaqtumik iglumik nampaanik uuktuutimingni, unalu uuktuqtup angiqtauninnga qanurittakhanik pidjutiqarniaqtuq naunaiyaqtauykhaq NIRB-kunnit.


Tamaita titiqqangit uuktuqtut, apiqhuqtaudjutait, naunaiyaqtaudjutait ihumaliurutingillu pihimanyauiaqtut tutquqtauhimalutik hapkuat NIRB-kunnit malruungni (2) ukiuni. NIRB-kut angirniaqtait tukhiktauhimaittut havaarivakhimayamingnik uvaluuniit ayuiqhaqhimayainik inungnit ihumagiyauyumayut hivunirmi havaktiqangittunut havaakhanut.
 


Tapkuat NIRB-kut qiniqtut pilaqniliknik tukhiraqtut tapkununga havakhat:

Tamaita havaktit havaakhait hamaniittut Iqaluktuutiami, Nunavut kihian naunaiqtauhimakpata.
*Havaakhaq angmaqtuq Nunavunmi Inuinnarnun.


 

Havaamik Naunaijattiarutait
Nunavunmi Avatilirinirmut Katimayiit (NIRB) pihimavaktut nutaanguqtiqhimajunik havaakhap naunaitkutikhanik tamainnut havaktit havaakhangit. Tamaita havaakhat naunaitkutait naunaiqhihimajut pidjutiqaqtunik havaakhamut, atadjutait havakpaktakhait munarijakhaillu, imaalu pitqujauhimajut ajuittakhainnik.

NIRB-kut ilitariyait havaktingit akhuurutauyut pigiami Katimayiingit tikinnahuaqtangit. Havaktingit NIRB-kunnit tuniyauyut akhuurutauyumik pivikhamik havaamut ihuarijaanik quviagiyaniklu, inuup ayuiryuumirninnganik havaamullu hivumuurutikhanik. Ilihaqtut ihumaliuqtut hivunirmi havaamut aktuqtaujunik naunaijautikhat akhuuqhaqtaujut uqaqatigilugit NIRB pidjutiqaqtunik auyami ilihaqtut havaakhainik, ayuiqhaqtut unalu ikayurniq pivikhanik.

Auyami Ilihaqtut
Auyami Ilihaqtut munaqhivaktut tunihiplutik titiraqtinik uvalu titiraliqinikkut ikayuutinik uvalu aalanik havaktakhainik tuniyauvaktut.

Titiraliqinikkut Havakti
Tamna Titiqqiqinirmut Havaktinga tunihiyuq titirarnirmik, titiqqiqinirmut ukuallu atan'nguyanut ikayuutikhamik NIRB-kunnut. Una havaakhaq kivraqtuivaktuq hivulliqpaamik uqarvikhanik havagvingmi titiraqtiupluni, tun'nganarnirmik imaalu ajuiqhattiaqhimajut hilalakput imaalu ikajuqtiujut Katimajiit, havaktit ilaujut imaalu inungnut ubluq tamaat.

Aulapkaiji, Tuhaqtipkainikkut
Tukimuaqtiuyuq Tuhaqtipkainiq munariyait uqaqatigiingnirmut maligakhat NIRB-kut havaangit, quviahuutingit, ihumaliurutingillu Kavamanganut, Inuit timiqutigiyauyut, nunallaani timiqutigiyauyut, naunaipkaidjutingit inungnullu. Una havaakhaq tunihiyut ihuaqtumik ikayuutikhanik NIRB-kut inungnut ilaupkainirmik uuktuutikhat, naunairiami uqaqatigiingnirmut ayuittiaqtut piinarialaqihimayurlu, tunihigiami tuhaqtidjutikhanik tuhaqtittumajamingnut

Aulapkaiji, Kiinaujaliqinirmut
Atan’nguyat amihunik ihuaqhaqhimayut havaktingit, Tukimuaqtiuyuq Kiinauyalirinirmut Havagvinga munariyait maniliqinirmut titiqqiqinirmullu havaangit NIRB-kunnit, naunairiami maliktait ihuaqtut maligat, maligat, nakuuyumik maniliqinirmut/nanminiriyait atuqtangit, maligangit piyuq qanuriliurutingillu timiqutigiyangitunniudjutit ihariagiyauyut.  Una havaakhaq naunairutiqaqtuq Katimayiinun talvuuna maniliqidjutikhanik titiqiqidjutiliqinikkutlu hanaqidjutikhanik, naunaiyaiyangat tamna NIRB-kut munarihimaarniaqtuq ihuaqtumik, tautuminaqtunik munaqhidjutikhanik maniliqidjutikhanik atuqtakhanik.

Aulapkaiji, Atulirnikhanut
Tukimuaqtiuyuq, Iniqtirutinga munariyakhait aulapkaininnganik NIRB-kut hivunikhamut ihumaliurniq naunairiamilu nakuuyumik iniqtirutinga tamainni timiqutigiyauyumut. Una havaakhaq havakhimaarniaqtuq tutqikhaiyaangat pidjutikhanik, uqaudjijangat havaakhanut ihavaqatigiiktut, havaqatigilugitlu Inuit timiqutigiyauyut aulatitiyangat atuqtaujukhanik qanuriliurutikhat atugakhainikli kivgaqtuidjutikhat Inuit ihuaqtumik. Tukimuaqtiuyuq, Atulirnikhanut munariyakhait naunaiyainirmik pitquyurlu aallangurninngit atuqtangit, qanuriliurutingit, unalu naunaitkutat naunairiami nalaumajut NIRB-kut pitquyanginnik unalu qanuriliurutikhamut tikinnahuaqtangit. Pihimablugit Inuit Qaujimajatuqangit hivunikhaliurutait, una havaakhaq tautuktitiyuq hivuliqhungnirmik imaa havaklugit naunaitumik tikinahuarutit havaakhanun pinahuarutinunlu, munariblugillu aturuminaqtut atulirnikkut hivituyumik-kikliqaqtut upalungaiyautit, pivallianirmun, munaridjutikhallu NIRB-kut pinahuarutait pinahuarutillu.  

Aulapkaiji, Auladjutikhangit
Munarihimaarniq amigaitunik anullautikhanik havaqatigiiktut, tamna Aulapkaiyi, Auladjutikhanik hivulliqhijuq pivalliadjutikhanik aktuqtaujunik naunaijautikhat havaakhatlu munaqhidjutikhat tamainun havaakhat tukhiutit pidjutiqaqtut talvunga NIRB ataani Nakataa 12 talvani Nunavut Angirutaani Ilanga 3 talvani Nunavut Upalungaiyautit Havaakhangitlu Naunaijautikhat Maligaq (NUPPAA). Una havaakhaq uqaudjivaktut Katimayiingillu uumunnga ihumaaluutigiyauyut, aktuqtaujunik naunaiyautit taimaa pimmariktumik pidjutiqaqtut NIRB-kut ihariagijait ihuaqtumik, tautungnaqtut ihumaliurutikhanik upalungaiyautit.

Atan'ngujaullaktuq Aulapkaiji
Pitqujidjutainik Ikhivautalik NIRB-kunnit, Tukimuaqtiuyuq munariyakhait tunihijaami pitqujainik, hivulliqtinirmik unalu pihimmaaqtuq munaqhinirmik NIRB-kunnut aulapkaininngit havaktingillu, tunihipluni uqaudjinirmik, naunaiyainiq pitquyanginniklu KatimayiinutIlaujut pidjutiqaqtut pitquyauyuq havaktakhangit NIRB-kut.

GIS Ayuiqhattiaqhimayuq
Tamna GIS Ayuittiaqtuq piliuqtuq pihimagiamilu NIRB iluani GIS tutquumavingit nunauyangillu naunaitkutat pidjutiqaqtut pidjutiqaqutut avatimut aktuqtaujunik naunaijautikhat.  Una havaakhaq tunihivaktuq naunaitunik ikayuutikhanik Katimayiinut havaktiinultu, titiraqhimayut naunaitkutikhat naunaijautikhat ihuaqtumik kangiqhidjutikhanik avatiliqinikkut aktuutaujut talvuuna hanaqidjutikhat qaujimajakhainik angikliyumirutikhanik ihivriudjutikhat ajuqhautaujut ihuaqhaidjutikhaniklu.

Aktuqtaujunik Naunaijautikhat Havakti
Aktuqtaujunik Naunaijautikhat Havakti hivuliqhuqtuq aktuqtaujunik naunaijautikhat tukhiqtaunikkut pivallianikkut havaakhat pidjutiqaqtut NIRB-kunun ataani Nakataa 12 haffumani Nunavunmi Angirutaa uvalu Ilanga 3 haffumani Nunavunmi Upalungaiyarnikkut uvalu Havaakhat Ihivriurutikkut Maligaq (NuPPAA). Ihumagilluaqhugit munaqhijami amihunik naunaiyautikhat ittut naunaiyainirmik ikayuutikhamik naunaiyaininikkut angiyunut pivallianiq havaakhat, una havaakhaq naunaipkaiyuq angayukhiuyut atan'nguyat pidjutiqaqtut aulapkaidjutinik ayurnaqtunik, naunairiami naunaiyautit ihuaqtut, ilaliutiniq inirnariqpaklugitlu.

Uqaqtiliqtuiji/Numiktiriji
Tamna Uqaqtiliqtuiyi/Numiktiriyi munaqhijukhat tuniyangat pimmariktunik Inuktitut-Qablunaaqtun unalu/unaluuniit Inuinnaqtun-Qablunaaqtun uqaqtiuyukhanik numiktiqtaniklu kivgaqtuidjutinik talvunga Nunavut Avatilirinirmut Katimayiit (NIRB).  Una havaakhaq ihumagiyauyuq akhuuqhailutik aturlugillu Inuktitut/Inuinnaqtun uqauhiit talvuuna aktuqtaujunik naunaijautikhat havauhikhat NIRB auladjutikhait.

Atan'ngujat, Aktuqtaujunik Naunaijautikhat
Atan'nguyaq Aktuqtaujunik Naunaijautikhat pipkaidjutiyaa pilaqutinga naunaiyainiq tukhiqtauyunut pivallianiq havauhikhat naunaiqhimayuq NIRB-kunnut titiraqhimayumi Nakataa 12 uumannga Nunavut Angirutinga unalu Ilanga 3 uumannga Nunavut Upalungaiyautit Havaakhangitlu Naunaijautikhat Maligaq (NuPPAA) unalu ihuaqhaffaarninnga angiqtauyumik Havauhikhamut Naunaitkutaliriniq maliktakhangit qanuriliurutingillu. Una havaakhaq munarihimaarniaqtuq tutqikhaiyukhanik havaktunik tuniyaangatlu ikayuutikhanik Aulapkaijimun, Auladjutikhanik talvuuna munaqhidjutikhanik pivalliadjutikhanik aadjikiirutikhanik aktuqtaujunik naunaijautikhat atuqtakhanik, malikhautikhanik, malikhautikhaniklu ingilrutikhanik.

Atan'ngujat, Atugakhaq
Atan'nguyaq Maligamut tunihiyuq ihuaqtuq ihivriurniq ikayuutikhamiklu NIRB-kunnut piyuq aadlatqiinut iluanit hilataanilu maligamut, ihumaliurniq maligatigullu havauhikhat.  Ilituqhaiyukhaq Aulapkaiyimun Auladjutikhanik, una havaakhaq havakhimaarniaqtuq hanaqidjutikhanik upalungairutikhanik ikayugianganiklu ilitagiyaangat iluaniitunik hanaqidjutikhanik, allanik pidjutikhanik atugakhangitlu ayungnautikhanik, ihivriugianganik maniliqidjutikhanik/maligaliqidjutikhanik ayungnautiqaqtunik, havagvingni hilataanilu ayungnautiqaqtunik aulayukhaniklu talvani NIRB atuqtakhanik. Atan'ngujaq, Atugakhaq atan'ngujaujuq Atugakhanut Havakti.

Atan'ngujat, Havaakhanun Munaqhiniq
Atan'nguyaq Havaakhamut Munariniq hivuliqtiyuq munarinirmut pinahuarutingit angiqtauyunut havauhikhat naunaiqhimayuq NIRB-kunnut titiraqhimayumi Titiraqhimaninngani 12 uumannga Nunavut Angirutinga ilanganilu 3 uumannga Nunavut Upalungaiyautit Havaakhangitlu Naunaijautikhat Maligaq (NUPPAA). Una havaakhaq munariyakhait havaktingit tunihilutiklu ikayutikhamik Tukimuaqtiuyumut, Aulapkaininngit munaripluni pivallianiq aadjikutaliurninngalu qanuriliurutingit, atupaktakhainik naunaiyainirmullu hunavaluit pidjutiqaqtut NIRB-kunnut munarinirmut pinahuarutingit.

Atan'ngujat, Inungnut Atiliurvik
Tamna Atanguyaq, Nunalaani Titiqiqidjutiliqiyunik munagiyukhaq munagiyaangat ubluq tamaat ihuaqhaidjutikhanik qaritauyakkut auladjutikhanik nunalaani titiqiqidjutikhanik aulahimayut talvuuna naunaijautikhat aulatitiyaujut talvani Nakataa 12 talvani Nunavut Angirutaani Ilanga 3 talvani Nunavut Upalungaiyautit Havaakhangitlu Naunaijautikhat Maligaq. Una havaakhaq munariyait tujuutaujunik imaalu aullaqtitaujunik inungnut tuhaqtipkaidjutit NIRB-kunnit, naunaipkaiyuq apiqhuutingit munarigiamilu aulapkaininnga naunaitkutanik pidjutiqaqtut Naunaiyainirmut Ihivriurnirmullu naunaiyainiq Munarinirmullu pinahuarutingit. Tamna Atan’nguyaq Inungnut Atiliurnikkut munaqhiyukhaq munaqhidjutikhanik talvani Inungnut Atiliurnikkut Tutqikhaiyiingit, ikayurianganik havaktauyukhanik tutqikhaidjutikhanik/aulayukhaniklu naunaijautikhanik kitumun kiglikhaqaqtunik, tuhaqtitiyaangat atuqtakhainiklu.

Munarinikkut Havaktit:
Ilituqhaiyukhaq Atanguyarmun, havaakhanik Munagidjutikhanik, tamna Munagidjutikhanik Havakti tutqikhainiaqtuq munagidjutikhanik havaakhangit angirutiqaqhimayut aulatitiyaangat talvani Nakataa12 talvani Nunavut Angirutaa Ilanga 3 talvani Nunavut Upalungaiyautit Havaakhangitlu Naunaijautikhat Maligaq (NUPPAA). Ihumagilluaqhugit munarininnganik maliktait NIRB Havaakhamut Naunaitkutaliriniq maliktakhangit qanurittakhaniklu, aadlat maligatigut qanuriliurutingit, unalu atuqtauvaktunut qanurittaakhainullu piliuqhimayut NIRB-kunnit Naunaijautikhat Ihumaliurutingit, una havaakhaq ikayurniaqtalu aulapkainirmut havaktingit aktuqtaujunik naunaijautikhat unalu nunallaani ilaupkainirmut havaangit.

Ikajurnikkut Tutqikhaiji
Ikajurnikkut Tutqikhaiji munaqhiyuq tutqikhainirmun NIRB-kut inungnun ilauqatigiingnikkut pinahuarutit ukualu nunallaani ikajurnikkut hulidjutit. Una havaakhaq ikayuutiniaqtuq tutqikhaidjutikhanik katimadjutikhanik (havaqatigiplugit Maniliqiyunik Ikayuutikhanik Auladjutikhaniklu havagviit pigiaqagumik) ikayugianganiklu naunaitumik hivayaqtauyukhanik inungnun, tuniyaangat ihuaqtumik pigiaqaqtuniklu ikayuutikhanik naunaiyaiyaangat hulilukaarutikhangit ihuaqtumik tautuktitihimaaqtun upautijangillu.

Inungnun Atiliurnikkut Tutqikhaiji
Ilituqhaiyukhaq Atan’nguyarmun, Inungnut Atiliurnikkut Tutqikhaiyi ikayurniaqtuq piyaangat tuniqhaiyukhaniklu havaakhangit tukhiqtauhimayut malikhautiplugu Nakataa 12 talvani Nunavut Angirutaa Ilanga 3 talvani Nunavut Upalungaiyailiqiyunik Havaakhangitlu Naunaijautikhat Maligaq, imaatut hivulliuyumik hivayariaqaqtunik aktuqtaujunik naunaijautikhat hanaqidjutikhanik tuniyaangatlu naunairutikhanik atuqtakhanikluuniit ihumagiyainik, uvalu munagiblugit aulaniit kangiqhidjutit ilauyut avatikkut ihivriurutit.

Naunaijainikkut Havakti
Ilituqhaiyukhaq Atanguyarmun, Aktuqtaujunik Naunaijautikhat, tamna Naunaijautikhat Havakti ikayurniaqtuq aktuqtaujunik naunaijautikhat tukhiqtauhimayunik pivalliadjutikhanik havaakhangit munagidjutikhaniklu havaakhangit angirutiqaqtunik havaakhangit naunaiyagiikhimayut talvunga NIRB ataani Nakataa 12 talvani Nunavut Angirutaa Ilanga 3 talvani Nunavut Upalungaijautikhat Havaakhat Naunaijautikhat Maligaq (NuPPAA). Ihumagilluaqhugit munarinikkut ihivriurutit aktilaangit naunaijautit, una havaakhaq ikayuutauyurlu angayukhirnun Auladjutinun havaktinun aktuqtaujunik naunaijautikhat uvalu munaridjutikhanun pinahuarutit angiyunun pivallianirmun havaakhanun uvalu ilauyut nunallaanun ilauqatigiingnikkut havaktakhat.

Angijukhiq Kiinaujaliqinikkut Havakti
Tamna Angiyukhiq Kiinauyaliqiyi Havakti tunihiniaqtuq ubluq tamaat maniliqinikkut, maniliqijikkut, havaktit havaguiqhimalautikhanik uvalu titiqiqinikkut kivgaqtuutinik.  Una havaakhaq tunihimaarniaqtuq naunaitunik ikayuutikhanik talvunga Aulapkaiyimun, Kiinauyaliqiyunik Ikayuutikhanik hanigaini titiqanik munaqhidjutikhanik, qaritauyangni iliuganik iliugaktauyukhanik, manikhanik maniliqidjutikhaniklu.

Angijukhiq Akturniqarnikkut Naunaijainikkut Havaktit
Angayukhiq Aktuqtaujunik Naunaijautikhat Atanguyaq hivuliqhuqtuq aktuqtaujunik naunaijautikhat tukhiqtaunikkut pivallianikkut havaktakhanik (tapkualuat ayungnaqtut idjuhiit uvalu/uvaluuniin amigaitut inungnun ihumaaluutauyut) uvalu munagidjutikkut pinahuagutit angiqtauhimayut havaakhat tuniyauyut NIRB-kunun ataani Nakataa12 haffumani Nunavunmi Angirutaa uvalu Ilangani 3 haffumani Nunavunmi Upalungaiyautini uvalu Havaakhatigut Ihivgiurnikkut Maligaq (NuPPAA). Ihumagilluaqhugu munarigiami naunaiyainiq munarininngalu pinahuarutingit ukununnga angiyut pivallianiq havauhikhat, una havaakhaq piniaqtuq ihumaliuqhimayumik ayuittiaqtumik tunigiami ikayuutikhamik angayukhiuyunut atan'nguyanut Katimayiinginnullu, naunairiami naunaiyainiq piyait ihuaqtumik, hivituyumik tuuliiqhimaittumiklu piluni.

Qaritaujaliqidjutikhanik Ikajuktiujut Tutqikhaiji
Tamna Atuqtakhainut Ikajuqtiujuq Tutqikhaiyi ikayuqtuq munarininngani NIRB-kut qaritauyakkut pulaarvingit, tutquumavingit timiqutigiyangillu aadlatqiiktumik inmikkut-piyuq havaakhaq havaqatigiplugulu iluanit ikayuutikhat hilataanillu ikayuqtiuyut. Tamna Atuqtakhainut Ikajuqtiujuq Tutqiqhaijit kivaqtuivaktuq hivulliqpaamik uqarvikhanik Katimajiit havaktiillu naunaitkutikhanik-qaritaujaliqinikkut (IT) ihariagijainnik imaalu hivulliqpamik munarijakhainnik munaqhilutik tuhagakhanik/hilamiuqatigiiktut ikajuutikhanik NIRB-kut katimangmata imaalu inungnut tuhaqtipkaidjutikhat, naunaiqtauqattaqhutik aullaqattaqpagainnik.