ᑏᐋᓐ ᕕᓕᐊᕈᑦ

ᑏᐋᓐ ᕕᓕᐊᕈᑦ ᐃᓚᒋᔭᐅᓕᓚᐅᖅᑐᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᔪᓂ 2024 ᑐᑭᒧᐊᖅᑎᑦᑎᔨᐅᓪᓗᓂ, ᐃᖅᑲᓇᐃᔭᖃᑦᑕᕐᓂᑰᓪᓗᓂ ᑲᑎᒪᔨᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑐᑭᒧᐊᖅᑎᑦᑎᔨᐅᓪᓗᓂ ᓇᓗᓇᐃᔭᖅᓯᒪᓂᖏᓐᓄᑦ ᐱᔨᑦᑎᖅᑕᓂᑦ ᐊᑕᐅᓯᕐᒧ ᐊᕐᕌᒍᒧᑦ ᐃᓚᒋᔭᐅᓐᓇᓂ. ᑏᐋᓐ ᑐᑭᒧᐊᖅᑎᑦᑎᔨᐅᓯᒪᒻᒥᔪᖅ ᓄᓇᕗᒻᒥ ᐃᒥᓕᕆᔩᑦ ᑲᑎᒪᔨᖏᓐᓄᑦ ᐱᒋᐊᖅᑐᓂ 2008-2012 ᐃᖅᑲᓇᐃᔭᖃᑦᑕᓚᐅᖅᑐᓂ ᐊᒥᓱᒐᓚᓐᓂᑦ ᐱᓕᕆᐊᖃᕆᐊᓕᓐᓂᑦ ᐃᓗᐊᓂ ᑲᑐᔾᔨᖃᑎᒌᒥᑦ 1995−ᒥᓂᑦ. ᑏᐋᓐ ᐊᔪᖏᓐᓂᖃᖅᑐᖅ ᓴᓇᓯᒪᔪᓕᕆᔨ (P. Eng) ᐊᒻᒪ ᓴᓇᓯᒪᔪᓕᕆᔩᑦ ᑲᓇᑕᒥ ᐅᖓᑖᓂ 28 ᐊᕐᕌᒍᐃᑦ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᐅᖃᐅᔾᔨᒋᐊᖅᑐᓂ ᒪᓕᑦᑕᐅᔭᕆᐊᓕᓐᓂᑦ ᐊᒻᒪ ᐊᕙᑎᓕᕆᓂᕐᒧᑦ ᐃᓱᒫᓘᑕᐅᔪᓂᑦ ᑲᓇᑕᐅᑉ ᐅᑭᐅᑕᖅᑐᖓᓂ ᐱᓗᐊᖅᑐᒥᑦ ᓄᓇᕗᒻᒥ. ᑏᐋᓐ ᓅᑦᑎᓛᖅᑐᖅ ᐃᖃᓗᑦᑑᑦᑎᐊᒧᑦ ᐋᒡᒌᓯᒥᑦ ᐸᓂᖓᓗ ᐅᑉᓗᕆᐊᖅ ᐊᒻᒪ ᕿᒻᒥᖓ ᐅᕆᐅ ᐊᒻᒪ ᐳᓯᖓ ᐃᒡᓗ. ᑏᐋᓐ ᖁᕕᐊᒋᔭᖃᖅᑐᖅ ᓄᓇᖃᖅᑐᓂ ᓄᓇᕗᒻᒥ ᐊᒻᒪ ᐱᓕᕆᖃᑕᐅᖃᑦᑕᖅᑐᓂ ᓄᓇᓕᒻᒥ ᐱᖃᑎᒋᓪᓗᓂᒋᑦ ᐃᓚᖏᑦ. ᐱᓱᒍᒪᖃᑦᑕᖅᑐᖅ ᐅᓐᓄᐊᒃᑯᑦ ᓯᕿᓐᓂᑎᓪᓗᒍ ᓄᓇᒥ!