ᑖᕋ ᐋᑯ
ᐃᖃᓇᐃᔮᖓ:
ᑐᑭᒧᐊᒃᑎᑦᑎᔨ, ᐱᓕᕆᐊᖑᔪᓄᑦ
ᐅᖃᓘᑎᖓ:
(867) 983-4611
ᑖᕋ ᐃᖅᑲᓇᐃᔭᖅᓯᒪᔪᖅ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᐱᔭᕇᖅᑐᓂᐅᒃ ᓯᓚᑦᑐᓴᕐᕕᒃᔪᐊᒥ ᓇᓗᓇᐃᒃᑯᑕᖅ ᖃᐅᔨᓴᓂᕐᒧᑦ ᐱᕈᖅᓴᐃᓂᕐᒧᑦ ᓯᓚᑦᑐᓴᕐᕕᒃᔪᐊᖓᓂ ᓴᔅᓯᑳᔅᓯᕗᐊᓐ (ᐱᕈᖅᑐᓂ ᖃᐅᔨᓴᓂᕐᒧᑦ, ᒥᑭᔪᓂᑦ ᓄᓇᒥ ᖃᐅᔨᓴᕐᓂᖅ) ᐊᒻᒪ ᐃᖃᓗᑦᑑᑦᑎᐊᒦᖏᓐᓇᓕᓚᐅᖅᑐᖅ ᐃᓚᒌᑦᑖᖅᑐᓂ. ᐃᓚᒋᔭᐅᓕᓚᐅᖅᑐᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᒋᐊᕐᓂᖏᓐᓂ 2009, ᐊᒥᓱᒐᓚᓐᓂᑦ ᐱᓕᕆᐊᖃᕆᐊᖃᓚᐅᖅᑐᖅ ᓇᓗᓇᐃᔭᖅᓯᒪᓂᖏᓐᓄᑦ/ᐊᐅᓚᓂᖏᓐᓄᑦ ᐱᓕᕆᕕᖓᓂ ᑐᑭᒧᐊᖅᑎᑦᑎᔨᕈᓚᐅᖅᑎᓐᓇᒍ ᐱᓕᕆᕕᒻᒧᑦ 2015, ᐊᒻᒪ ᓇᓗᓇᐃᒃᑯᑕᖃᖅᑐᖅ ᐊᕙᑎᓕᕆᓂᕐᒧᑦ ᐱᓕᕆᔨᒻᒪᕆᐅᓪᓗᓂ. ᐃᓚᒋᐊᕐᓗᒍ ᐃᖅᑲᓇᐃᔮᖓᓄᑦ, ᑕᕋ ᖁᕕᐊᒋᔭᖃᖅᑐᖅ ᓄᓇᒦᒋᐊᔅᓴᖅ, ᐱᕈᖅᓴᐃᓪᓗᓂ ᐱᕈᖅᓯᐊᓂᑦ, ᒥᖅᓱᓂᕐᒥᑦ, ᐆᑦᑐᕋᖃᑦᑕᖅᑐᓂᑦ ᒪᑭᒪᑎᑕᔅᓴᐅᔪᓂᑦ ᓂᕿᓕᐅᓂᕐᒧᑦ ᐅᑭᐅᑕᖅᑐᒥ ᓯᓚᖓᓂ.
