ᐹᒥᓚ ᐃᒥᖓᖅ

ᐹᒥᓚ ᐃᓚᒋᔭᐅᓕᓚᐅᕐᒪᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᔫᓂ 2024−ᒥ, ᐃᖅᑲᓇᐃᔭᖅᑎᒃᓴᖅᓯᐅᖅᑎᐅᓪᓗᓂ ᑲᒪᔨᐅᓕᖅᐳᖅ ᐃᖃᓗᒃᑑᑦᑎᐊᕐᒥᐅᑕᐅᓯᒪᓪᓗᓂ ᐃᓅᓯᓕᒫᐸᓗᖕᒥᓂ ᑭᓯᐊᓂ ᑰᒑᕐᔪᖕᒥᐅᑕᐅᓕᖅᐸᒡᓗᓂ ᐊᖓᔪᖄᖏᓐᓄᑦ ᐊᒻᒪᓗ ᒪᕐᕉᖕᓄᒃ ᖃᑕᙳᑎᖏᓐᓄᑦ. ᐹᒥᓚ ᐱᔭᕇᒃᓯᓚᐅᕐᒪᑦ ᐃᓕᓐᓂᐊᕐᕕᐋᓗᖕᒥᑦ 2019−ᒥ ᐊᒻᒪᓗ ᐊᖏᖅᑕᐅᓪᓗᓂ ᓯᓚᑦᑐᖅᓴᕐᕕᓕᐊᕈᓐᓇᖅᓯᓪᓗᓂ, (ᓄᓇᕗᑦ ᓯᕗᓂᒃᓴᕗᑦ), ᑕᐃᑦᓱᒪᓂᑦᑕᐃᓐᓇᖅ ᐊᕐᕌᒍᒥ, ᐊᒃᓱᑲᓪᓛᓗᒃ ᐃᓕᑉᐹᓪᓕᖅᓯᒪᓕᖅᑐᖅ ᑭᓱᑐᐃᓐᓇᕐᓂᑦ ᑕᒪᒃᑯᓂᖓ ᓄᓇᕗᖅᑖᕈᑎᓄᑦ ᐊᖏᖃᑎᒌᒍᑎᓂᑦ ᐊᒻᒪᓗ ᐱᔭᕇᒃᓯᓚᐅᖅᖢᓂ ᓯᕗᓪᓕᖅᐹᖓᓂᑦ ᐊᕐᕌᒍᑎᒥᑦ ᒪᐃ 2020−ᒥ. ᐃᖅᑲᓇᐃᔭᖅᑖᕈᒪᖃᑦᑕᓚᐅᕐᒪᑦ ᐃᖅᑲᓇᐃᔭᕈᒪᓪᓗᓂ ᐃᓚᖓᓐᓂ ᐃᓄᐃᑦ ᐃᖅᑲᓇᐃᔭᕐᕕᖁᑎᖏᓐᓂ, ᐊᓱᐃᓛᒃ ᑕᕝᕙᐅᓕᖅᐳᖅ ᑕᕝᕙᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ ᐃᖅᑲᓇᐃᔭᖅᑎᒃᓴᖅᓯᐅᖅᑎᐅᓪᓗᓂ ᑲᒪᔨᐅᓕᖅᐳᖅ. ᐃᖅᑲᓇᐃᔮᖓ ᐃᖅᑲᓇᐃᔮᖃᓲᖑᖕᒪᑦ ᐃᓄᓕᒫᓂᑦ, ᐃᓄᓕᒫᑦ ᖃᐅᔨᒪᑎᑕᐅᓪᓚᕆᖁᓪᓗᒋᑦ ᐃᓄᓕᒫᖅᑎᑕᐅᓗᑎᒃ ᑲᑎᒪᑎᑦᑎᑕᐅᓂᐋᓂᖏᓐᓂᑦ ᓄᓇᓕᖕᓂ ᑲᑎᒪᑎᑦᑎᓂᐋᖅᑎᓪᓗᒋᑦ. ᐹᒥᓚ ᐅᖃᓪᓚᒍᓐᓇᖅᖢᓂ ᐃᓄᒃᑎᑑᓗᐋᑕᕈᓐᓇᑐᐃᓐᓇᖅᖢᓂ ᐊᒻᒪᓗ ᐃᓄᐃᓐᓇᖅᑐᓐ, ᐊᒪᐅᒃᑯᖏᑦ ᑰᒑᕐᔪᖕᒥᐅᑕᐅᓂᕐᒪᑎᒃ ᐊᒻᒪᓗ ᓇᐅᔮᓂ, ᐊᒻᒪᓗ ᐊᒪᐅᒃᑲᓐᓂᒃᑯᖏᑦ ᑰᒡᔪᐊᖅᒥᐅᑕᒥᓂᐅᓪᓗᑎᒃ. ᐹᒥᓚ ᐃᑲᔪᓲᖑᖕᒪᑦ ᐃᓄᖕᓂᑦ ᐊᐅᓪᓚᖅᑐᓂᑦ ᐊᒻᒪᓗ ᐊᖑᓇᓱᒋᐋᖅᑐᓂᑦ ᐱᕈᑉᐸᓪᓕᐋᑎᓪᓗᒍ, ᐃᖃᓪᓕᐊᖃᑕᐅᕙᒃᖢᓂ ᐊᒻᒪᓗ ᐊᖑᓇᓱᒋᐋᖃᑕᐅᕙᒃᖢᓂ ᐃᓚᒥᖕᓂᑦ, ᓇᑦᑎᕋᓱᒋᐊᖃᑎᖃᓲᖑᓪᓗᓂ ᐊᖏᔪᖄᒥᖕᓂᑦ ᐊᒻᒪᓗ ᐅᐃᓱᖕᓴᒥᓂᑦ. ᐹᒥᓚ ᐊᐅᓪᓚᖅᓯᒪᔭᕆᐊᒃᓴᖅ ᖁᕕᐊᒋᔭᖃᕐᒪᑦ ᐊᒻᒪᓗ ᐃᕐᓂᖃᒃᖢᓂ ᖁᕕᐊᒋᔭᓕᖕᒥᑦ ᐊᖁᖃᑦᑕᕆᐊᒃᓴᖅ ᐊᒻᒪᓗ ᐱᒃᓴᖅᖢᓂ ᓯᐅᕋᒃᑕᐅᑎᓂᒃ ᓄᓇᒃᑰᕈᑎᓂᒃ ᐊᒻᒪᓗ ᑯᑭᓕᖕᓂᑦ.