ᐱᓕᕆᔾᔪᑎᓄᑦ ᐸᕐᓇᐅᑎ
ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᐱᓕᕆᓚᐅᖅᐳᑦ ᐅᓪᓗᓂ-ᒪᕐᕉᖕᓂ ᐅᐸᒃᓯᒪᓪᓗᑎᒃ ᐃᓕᓐᓂᐊᕐᓂᐅᔪᒥ ᓄᓇᓕᐅᔪᒥ ᑲᖏᖅᖠᓂᕐᒥ ᔪᓚᐃ 18−ᒥ ᔪᓚᐃ 19, 2022−ᒧᑦ. ᐅᓇ ᐱᓕᕆᔾᔪᑎᓄᑦ ᐸᕐᓇᐃᓂᐅᔪᒥ ᑲᑎᒪᓂᐅᔪᖅ ᑲᑎᖃᑎᖃᓚᐅᖅᐳᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᑲᑎᒪᔨᖏᓐᓂ ᐊᒻᒪ ᐃᖅᑲᓇᐃᔭᖅᑎᓂᑦ ᐃᖅᑲᐅᒪᓂᕐᒧᑦ ᑭᓱᓂ ᑎᑭᐅᑎᖃᑎᒌᓚᐅᕐᓂᖏᓐᓂ ᑲᑎᙵᓪᓗᑎᒃ ᐅᕘᓇ ᑭᖑᓪᓕᖅᐹᖑᔪᒥ ᐱᓕᕆᔾᔪᑎᓄᑦ ᐸᕐᓇᐅᑎᖓᓂ ᐊᒻᒪ ᐅᖃᐅᓯᖃᕐᓂᕐᒥ ᓯᕗᓂᒃᓴᒥ ᐱᓕᕆᓂᕆᔪᒪᔭᖓᓐᓄᑦ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑕᓪᓕᒪᓄᑦ. ᐅᓇ ᐃᓚᖃᓚᐅᖅᐳᖅ ᐳᓚᕋᒃᑲᓐᓂᕐᓂᕐᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᑕᐅᑐᒐᕆᔭᖏᓐᓂᑦ, ᐱᓕᕆᐊᖑᓇᓱᐊᖅᑐᓄᑦ, ᐊᒻᒪᓗ ᐱᒻᒪᕆᐅᒋᔭᐅᔪᓂᑦ, ᐊᒻᒪᓗᑦᑕᐅᖅ ᐱᓕᕆᓪᓗᑎᒃ ᐊᕙᑎᐅᔪᒥ ᕿᒥᕐᕈᐊᕐᓂᐅᔪᒥ ᓇᓗᓇᐃᖅᓯᓂᕐᒥ ᐱᒻᒪᕆᐅᔪᓂ ᓴᙱᓂᐅᔪᓂ, ᐊᒃᓱᕈᕈᑕᐅᔪᓂ, ᐱᕕᒃᓴᖃᕐᓂᐅᔪᓂ, ᐊᒻᒪ ᐅᓗᕆᐊᓇᕐᓂᕐᓂ ᐃᓚᒋᔭᐅᔪᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᒫᓐᓇᐅᔪᒥ ᐊᐅᓚᑕᐅᓂᖓᓂ ᐊᕙᑎᖓᓐᓂ.
ᐅᑯᐊ ᐅᖃᐅᓯᐅᓂᐅᔪᑦ ᖃᐅᔨᓴᖅᑕᐅᓚᐅᖅᑎᓪᓗᒋᑦ, ᑲᑎᙵᓂᐅᔪᑦ ᐊᑐᓚᐅᖅᐳᑦ ᐱᑎᑦᑎᔪᓂ ᑐᓴᒐᒃᓴᓂ
ᐱᕙᓪᓕᐊᑎᑦᑎᓂᕐᒧᑦ ᐅᑯᓂᖓ ᒪᓕᒃᑐᓂ ᑐᓴᒐᒃᓴᓂ ᑲᑐᔾᔨᖃᑎᒌᖑᔪᓄᑦ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑕᓪᓕᒪᓄᑦ:
1. ᓴᙱᒃᑎᒋᐊᖅᓯᓗᓂ ᐊᑐᕐᓂᑦᑎᓐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᐃᓄᒃᑎᑐᒻᒥ ᐱᓕᕆᓂᑦᑎᓐᓂ
2. ᐱᓕᕆᖃᑎᖃᕐᓂᖅ ᐊᓯᖏᓐᓂ ᐱᓕᕆᕕᐅᔪᓂᑦ ᐃᓄᓕᒫᓄᑦ ᒐᕙᒪᐅᔪᓂᑦ ᐊᒻᒪᓗ ᐱᖁᑎᖃᖅᑎᐅᔪᓄᑦ ᑭᐅᓂᕐᒧᑦ ᐊᕙᑎᒥᑦ ᐊᐅᓚᑦᑎᓂᐅᔪᒥ ᐱᔭᕆᐊᖃᕐᓂᐅᔪᓂ ᓄᓇᕗᒻᒥ
3. ᐊᖏᒡᓕᒋᐊᖅᑎᑦᑎᓗᓂ ᐅᔾᔨᕈᓱᖕᓂᕐᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐊᑐᕐᓂᖃᐅᑎᖓᓂ ᐊᒻᒪᓗ ᐱᓕᕆᓂᐅᔪᒥ ᓄᓇᕗᒻᒥᐅᓂ, ᑲᒪᓂᐊᖅᑐᓄᑦ, ᐊᒻᒪᓗ ᒪᓕᒐᓕᕆᔨᐅᔪᓂ
4. ᑐᕌᕋᓱᐊᕐᓗᓂ ᐊᑯᓂᐅᔪᒥ ᑲᑐᔾᔨᖃᑎᒌᖕᓂᐅᔪᒧᑦ ᐱᔪᓐᓇᕐᓂᐅᔪᒥ ᐊᒻᒪ ᓴᙱᓂᖓᓂ
5. ᓯᕗᕐᙵᒍᑦ ᐱᓕᕆᓂᐅᔪᒥ ᐃᑲᔪᖅᓱᐃᓂᕐᒥ ᓄᓇᕗᒻᒥ ᑕᕆᐅᕐᒥᐅᑕᓕᕆᓂᕐᒧᑦ ᑲᑎᒪᔨᓂᑦ
ᐃᓄᖕᓄᑦ ᒐᕙᒪᖃᕐᕕᐅᑎᓪᓗᒍ ᓄᓇᕗᒥ ᐊᖏᕈᑎᒃᑯᑦ, ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᔾᔨᖃᖏᓚᖅ ᐱᓇᓱᐊᒐᖃᖅᑎᑕᐅᓯᒪᔭᕆᔭᒥᓂᒃ ᐱᓕᕆᐊᕆᔭᕆᐊᖃᖅᑕᖃᖅᓱᓂ. ᑖᓐᓇ ᐸᕐᓇᐅᑦ ᑐᕌᕐᕕᒋᓗᐊᕈᒪᔭᖏᓐᓂᒃ ᐱᑕᖃᖅᑐᖅ ᐊᕐᕌᒍᓄᑦ ᑕᓪᓕᒪᓄᑦ ᐊᒻᒪᓗ ᐊᕐᕌᒍ ᑕᒫᖅᓯᐅᑎᖏᓐᓅᖓᔪᓅᖓᓪᓯᒪᓪᓗᓂ ᐅᓪᓗᒥᒨᓕᖅᑐᖅᑕᐅᓯᒪᖃᑦᑕᕆᐊᖃᓲᓂᒃ ᐊᒻᒪᓄᓗ ᓱᓕᕆᕙᓪᓕᐊᔭᕿᐊᖏᓐᓂᒡᓗ ᑐᓴᒐᒃᑕᐅᑎᑕᖃᐃᓐᓴᖅᓱᓂᓗ ᐃᓄᖕᓄᑦ ᑐᓴᐅᒪᔭᐅᖃᑦᑕᕈᓐᓴᖅᑐᓂᒃ ᐊᕐᕌᒍ ᑕᒫᖅᓯᐅᑎᖏᑦᑎᒍᑦ ᐊᒻᒪᓗ ᑮᓇᐅᔭᐃᑦ ᓈᓴᐃᔨᓄᑦ ᓈᓴᖅᑕᐅᓯᒪᔪᓂᒃ ᐃᓚᖃᖅᓱᑎᒃ.
ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB ᐅᕝᕙᓘᓐᓃᑦ ᑲᑎᒪᔩᑦ) ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᓴᖅᑭᑎᑕᐅᓂᖓᓂᒃ ᓄᑖᖅ ᑭᒃᑯᑐᐃᓐᓇᓄᑦ ᐊᑐᖅᑕᐅᔪᓐᓇᖅᑐᖅ. ᑖᓐᓇ ᓄᑖᖅ ᓇᓗᓇᐃᔭᐅᑎ ᐱᕕᖃᖅᑎᑦᑎᕗᖅ ᓄᓇᕗᒻᒥᐅᓂᒃ ᐱᖃᖃᑕᐅᔪᓂᒡᓗ ᐊᔪᕐᓇᙱᑦᑐᒃᑯᑦ ᑐᔾᔭᖅᓯᔪᓐᓇᕐᓂᕐᒥᒃ ᐱᕙᓪᓕᐊᓂᕆᔭᐅᔪᒥᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᖃᓄᐃᓕᐅᖅᐸᓪᓕᐊᓂᐊᕐᓂᕐᒧᑦ ᐱᕙᒌᔭᖅᓯᒪᔭᑦᑎᓐᓂᒃ. ᑖᓐᓇ ᓇᓗᓇᐃᔭᐅᑎ ᑐᑭᓯᓇᑦᑎᐊᖅᑐᓂᒃ ᐊᑐᐃᓐᓇᐅᔪᓂᒡᓗ ᑐᓴᒐᒃᓴᖃᖅᑎᑦᑎᕗᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᖃᓄᖅᑑᕈᑎᓄᑦ ᓯᕗᓪᓕᐅᑎᔪᒪᔭᖏᓐᓂᒃ, ᑐᕌᒐᓪᓗᐊᑕᖏᓐᓂᒃ, ᐊᒻᒪ ᐱᓕᕆᐊᖑᕙᓪᓕᐊᔪᒪᔪᓂᒃ. ᑕᒪᓐᓇ ᐃᓄᖕᓄᑦ ᑐᓴᖅᑕᐅᑎᓪᓗᒍ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓴᙱᒃᑎᒋᐊᖅᑎᑦᑎᕗᑦ ᐊᖏᕈᑎᒋᓯᒪᔭᒥᓂᒃ ᑕᑯᒃᓴᐅᑦᑎᐊᕐᓂᕐᒥᒃ, ᓵᑕᐅᓕᕈᓐᓇᕐᓂᕐᒥᒡᓗ. ᓇᓗᓇᐃᔭᐅᑎ ᐃᓚᒋᔭᐅᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᐱᓕᕆᐊᒃᓴᖏᓐᓄᑦ ᐱᖁᓪᓗᒋᑦ ᓇᓗᓇᐃᔭᐅᑎᖏᑦ ᐊᑐᐃᓐᓇᐅᓗᑎᒃ ᑐᑭᓯᓇᕐᓗᑎᒃᓗ. ᑭᒃᑯᑐᐃᓐᓇᓄᑦ ᓇᓗᓇᐃᔭᐅᑎ
ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ 2023 - 2027 ᐊᕐᕌᒍᓄᑦ ᑕᓪᓕᒪᓄᑦ ᓯᕗᓂᒃᓴᒧᑦ ᐸᕐᓇᐅᑎᖓᑦ ᐅᐃᕕᑎᑐᑦ, ᖃᓪᓗᓈᑎᑐᑦ ᐃᓄᒃᑎᑐᑦ ᐃᓄᐃᓐᓇᖅᑎᑐᓪᓗ ᐊᑐᐃᓐᓇᐅᔪᖅ:
