Nunavunmi Avatilirinirmut Katimayiit (NIRB) katimapkaiyut malrungni ublungni katimaryuarutit nunallaami Kangirlinirmi hamanga July 18 hamunga July 19, 2022. Una qanuriliurutikhat upalungaiyautit katimadjutikhanik katitigivakhimayut NIRB Katimayiinut ilaujut havaktiitlu naunaiyaiyangat hunauyut iniqtiqhimayainik talvuuna kinguliuyunik qanuriliurutikhat upalungaiyautit uqagianganiklu hivunikhanik piumayut talvuuna hivunirmi tallimani ukiuni. Ukua ilauyut takuuffaarutikhanik NIRBkut tautuktuujaaqtait, havagumajait, ukpiriyangitlu, imaalu pigiami avatinganik naunaiyainirmik ilitarigiami
akhuurutauyut hakugingninngit, akhuurutingit, pivikhaqautingit, qayangnarninngalu pidjutiqaqtut NIRB-kut nutaaq auladjutyigijat havagvingani.

Kiguani ukua hunaliqaa ihivriuqtaungmata, ikayuqtiriit atuqtut pidjutauyunik hivuniqhidjutinik pivaliayangani ukua iniqtigakhat timiuyuup atuqtukhani tallimani ukiuni:
1.    Hakugikhiyuumirlugu aturninga Inuit Qaujimajatuqangit uvalu Inuktut havaaptingni
2.    Havaqatigilugit aalat IPGs uvalu tigumiaqtiujut pidjutigilugit avatiliqinikkut munaqhidjutit ihagiagiyait Nunavunmi
3.    Ihuatqiyamik qauyimayakhainik ukua NIRBkut havaanga havaangalu Nunavunmiunut, ikayuqtiuyut, munaqtiuyullu
4.    Uukturumayut hivituyumut-kikliqaqtut ihuaqhainikkut aktilangitigut uvalu ihuarnikkut
5.    Hivumuuqtuq havakpagat ikayuriami Nunavut Tariumi Katimayiit

Timiugami haffumani kavamaliqinikkut aulattitivluni ukunanngat Nunavut Angirutaa, hamna NIRB arlingnaqtumik timiugami ihumagiyaulluaqtauvaktut maligautainit malikhimayakhaat. Hamna Hivunikhaliurutikhanut Parnautit turaarviuhimayuq hivunikhautiqarluarningit uumani NIRB nit tallimanit ukiukhamut, ilaliutauhimayangillu ilitquhikhait ukiunnguraangat nutaannguqtiraangat unalu unipkaaqhiigialik qanurinmangaat kavamaliqinikkut turaarviugaangat haffumani NIRB’iup ukiungani unipkaariyait titiraqtaaqhimayangillu maniliqinikkut kiuvikhait.

 

Una NIRB’ip 2023-2027 Parnaiyainikhainnut Upalungaiyaut angmaumayuq uvani Qablunaatitut, Inuktitut, Inuinnaqtun unalu Uiviititut:

English Strategic Plan Inuktitut Strategic Plan French Strategic Plan