Uvani 2017-18 ukiungani atuqtumi una Nunavut Avatiliqiyit Katimayit (NIRB) pivalliahimagaluaqtut pingahuata numikhimayauyuq haffumani pivinganit tallimat ukiukhamut Parnaiyainikhainnut Upalungaiyaut, atuqtukhauyuq uvani Qitiqautiyuq 1, 2018 mi turaaqhimayangillu ikaarnikhaq auladjutaanit hamanngat 2018-2022. Hamna NIRB’ip Hivunikhaliurutikhait Parnautingit ikayuutiqaqhunilu iniqpiaqhimayumik tautungnaqtumik haffumani Katimayiunirmik maligautait hulidjuhiit havaangillu, aulattittivluniuk hivunikhautikhait timiuyunit, ilaliutigiyangillu hivumuarutauyut pivalliagiangani ilagiyangillu manngit kiuvikhait qaangiqhimalugu tallimanit ukiunganut iluani.

Timiugami haffumani kavamaliqinikkut aulattitivluni ukunanngat Nunavut Angirutaa, hamna NIRB arlingnaqtumik timiugami ihumagiyaulluaqtauvaktut maligautainit malikhimayakhaat. Hamna Hivunikhaliurutikhanut Parnautit turaarviuhimayuq hivunikhautiqarluarningit uumani NIRB nit tallimanit ukiukhamut, ilaliutauhimayangillu ilitquhikhait ukiunnguraangat nutaannguqtiraangat unalu unipkaaqhiigialik qanurinmangaat kavamaliqinikkut turaarviugaangat haffumani NIRB’iup ukiungani unipkaariyait titiraqtaaqhimayangillu maniliqinikkut kiuvikhait.

Una NIRB’ip 2018-2022 Parnaiyainikhainnut Upalungaiyaut tukiliuqhimayangit 6 nit hivunikhautaanit haffumani timnganit hivumuurutikhangit:

  1. Una NIRB malikhimaniaqtangit ukunanngat kiuviniit unalu inuuhirningit haffumani Nunavut Angirutaa unalu tamainnut aturnaqtumik maligautinut.
  2. Una NIRB aulapkaiyukhaq puqtuhimayumik nakuuyumik ihuiluutauhimayuq ihivriurningit.
  3. Una NIRB huli munariniaqtangit hivituyumik timiuyunit hakugingnikhainut.
  4. Una NIRB tautuktuuyaqtukhaq hivunikhaliurutikhait haffumani Inuit Qaujimajatuqangit/Qaujimaningit havaamingnut.
  5. Una NIRB ikayuqhimayukhaq kitunuliqaak ayurnanngittumik ilauqatauyukhaq iluani Nunavut’ip maliguarutingit unalu NIRB’ip pivallianikhainut.
  6. Una NIRB havaqatigiyakhaq munaqhinahuarlugit imarmiunit akihautaanit.

Una NIRB’ip 2018-2022 Parnaiyainikhainnut Upalungaiyaut angmaumayuq uvani Qablunaatitut, Inuktitut, Inuinnaqtun unalu Uiviititut:

English Strategic Plan Inuktitut Strategic Plan French Strategic Plan