ᐱᔭᕇᖅᓯᒪᑦᑎᐊᖅᑐᒥ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ ᐱᔭᕆᐊᖃᖅᐳᑦ ᐱᓕᕆᔪᓐᓇᖅᑎᑦᑎᓂᕐᒧᑦ ᓄᓇᕗᑦ ᐊᕙᑎᓕᕆᓂᕐᒥ ᑲᑎᒪᔨᖏᓐᓄᑦ ᖃᐅᔨᓴᖅᑕᐅᓂᖓᓄᑦ ᐱᓕᕆᔾᔪᓯᖓᓐᓂ ᐊᒻᒪᓗ ᐃᓚᖃᓪᓗᐊᖅᐳᖅ ᐅᖃᐅᓯᒃᓴᓂ ᐊᖏᕈᑕᐅᓇᓱᐊᖅᑐᖅ ᐱᓕᕆᐊᒃᓴᖅ, ᓇᒥ ᐃᓂᖃᕋᔭᕐᓂᖓᓂ, ᖃᓄᖅ ᐱᓕᕆᐊᖑᓇᔭᕐᓂᖓᓂ, ᖃᖓ ᐱᓕᕆᐊᖑᓇᔭᕐᓂᖓᓂ ᐊᒻᒪᓗ ᐊᓯᖏᓐᓂ ᐃᑲᔪᖅᓱᐃᔪᓄᑦ ᐅᖃᐅᓯᒃᓴᓂ ᐃᑲᔪᖅᓱᐃᓂᕐᒧᑦ ᖃᐅᔨᓴᐃᓂᐅᔪᒥᒃ ᐱᑕᖃᑐᐃᓐᓇᕆᐊᖃᕐᓂᖓᓂ ᐊᒃᑐᐃᓂᐅᔪᓄᑦ ᓴᖅᑭᑦᑐᓂ ᐊᖏᕈᑕᐅᓇᓱᐊᖅᑐᓂ ᖃᓄᐃᓕᐅᕐᓂᐅᔪᓄᑦ. ᐊᑎᓕᐅᕆᔭᕆᐊᓕᖕᒥᑦ ᐃᓚᒋᔭᐅᓂᐅᔪᒥᒃ ᐅᕙᓂ nirb.ca, ᐅᓂᒃᑳᕆᓯᒪᑦᑎᐊᖅᑐᒥ ᖃᕋᓴᐅᔭᑎᒍᑦ ᑐᒃᓯᕋᐅᑎᒥᒃ ᑕᑕᑎᕆᐊᓕᖕᒥᑦ ᒥᐊᓂᕆᕗᖅ ᑲᒪᓂᐊᖅᑐᓄᑦ ᑭᐅᓂᖏᓐᓂ ᑖᒃᑯᓂᖓ ᐱᔭᕆᐊᓕᖏᓐᓂ ᐊᒻᒪᓗ ᐱᒋᐊᖅᑎᑦᑎᓂᕐᒥᑦ ᖃᐅᔨᓴᖅᑕᐅᓂᖓᓄᑦ ᐱᓕᕆᔾᔪᓯᖓᓐᓂ. ᓇᓗᓇᕐᓂᖅᓴᐅᔪᓄᑦ ᐱᓕᕆᐊᒃᓴᑦ ᐊᒻᒪᓗ ᐅᖓᕙᕆᐊᖅᓯᒪᔪᓄᑦ ᐱᕙᓪᓕᐊᑎᑕᐅᓂᖏᓐᓂ ᓴᖅᑭᑎᑦᑎᓂᐊᖅᐳᑦ ᑕᑕᑎᒃᑲᓐᓂᕆᐊᓕᖕᓂᑦ ᐃᓗᐊᓂ ᑐᒃᓯᕋᕐᓂᕐᒧᑦ ᑕᑕᑎᕆᐊᓕᖕᒥᑦ, ᑐᒃᓯᕋᐅᑎᑦ ᐱᕚᓪᓕᕈᑎᖃᕋᔭᖅᐳᑦ ᑐᓂᖅᑯᑕᐅᔪᓂᒃ ᖄᒃᑲᓐᓂᐊᒍᑦ ᐅᖃᐅᓯᒃᓴᓂ, ᓲᕐᓗ ᐆᒪᔪᓄᑦ ᐊᐅᓚᑕᐅᓂᐅᔪᓂᑦ ᐊᒻᒪᓗ ᐅᔾᔨᖅᓴᐃᓂᕐᓄᑦ ᐸᕐᓇᐅᑎᓂᒃ, ᐃᑦᑕᕐᓂᓴᓕᕆᓂᕐᒧᑦ/ᓄᓇᖃᒃᕕᐅᖃᑦᑕᖅᑐᕕᓂᕐᓂ ᖃᐅᔨᓴᐃᓂᑯᓂ ᖃᓄᐃᓕᖓᓂᖏᓐᓂ, ᓄᓇᙳᐊᓂᒃ, ᐊᓯᖏᓪᓗ.

ᐱᔭᕇᖅᓯᓂᕐᒧᑦ ᖃᕋᓴᐅᔭᑎᒍᑦ ᑕᑕᑎᕆᐊᓕᖕᒥᑦ ᑲᒪᓂᐊᖅᑐᑦ ᐊᐱᕆᔭᐅᓂᐊᖅᐳᑦ ᑐᓂᓯᓂᕐᒥᑦ ᐅᖃᐅᓯᒃᓴᓂ ᐱᔾᔪᑎᖃᖅᑐᓂ ᐃᓄᓕᒫᓄᑦ ᐃᓚᐅᑎᑕᐅᓂᖏᓐᓂ ᐊᒻᒪᓗ ᐅᖃᖃᑎᖃᕐᓂᕐᓄᑦ ᐊᒃᓱᕈᕈᑕᐅᔪᓄᑦ ᐱᓕᕆᐊᖑᔪᓂ ᐃᓚᒋᔭᐅᔪᓂ ᐱᓕᕆᐊᒃᓴᐅᔪᒧᑦ. ᒪᓕᒃᖢᓂ ᐃᓂᖓᓂ ᐊᖏᕈᑕᐅᓇᓱᐊᖅᑐᒧᑦ ᐊᐅᓚᑕᐅᓂᖓᓂ, ᐋᖅᑭᑦᑎᐊᖅᓯᒪᔭᕆᐊᓕᒃᑎᒎᙱᑦᑐᓂᑦ ᓇᐃᒡᓕᒋᐊᖅᓯᒪᓂᐅᔪᓂᑦ ᖃᓪᓗᓈᑎᑐᑦ, ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ/ᐅᕝᕙᓘᓐᓃᑦ ᐅᐃᕖᑎᑐᑦ ᐱᔭᕆᐊᖃᕐᓂᐊᖅᐳᑦ ᐊᒻᒪᓗ ᑐᓂᔭᐅᔭᕆᐊᖃᖅᐳᑦ ᓯᕗᓂᐊᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐱᒋᐊᖅᑎᑦᑎᔪᓐᓇᕐᓂᐊᕐᓂᖏᓐᓂ ᐃᓄᓕᒫᓄᑦ ᐅᖃᐅᓯᒃᓴᓕᐅᕆᓂᖏᓐᓄᑦ ᐱᓕᕆᓂᖏᓐᓂ. ᐱᔭᕇᖅᓯᓚᐅᖅᑎᓪᓗᒋᑦ ᖃᕋᓴᐅᔭᑎᒍᑦ ᑐᒃᓯᕋᐅᑎᒥᒃ ᑕᑕᑎᕆᐊᓕᖕᒥᑦ ᖃᓪᓗᓈᑎᑐᑦ, ᐅᖃᐅᓯᒃᓴᐃᑦ ᓅᑕᐅᓂᐊᖅᐳᑦ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪᓗ ᐅᐃᕖᑎᑐᑦ ᐋᖅᑭᒃᑕᐅᓯᒪᓂᐅᔪᓄᑦ ᐃᑲᔪᖅᓱᐃᓂᕐᒧᑦ ᐊᑐᓕᖅᑎᑦᑎᓂᖏᓐᓂ ᑐᑭᓕᐅᕆᓂᖓᓐᓂ ᑕᒪᑐᒧᖓ ᐅᖃᐅᓯᒃᓴᓕᐊᓂᑦ ᑲᒪᓂᐊᖅᑐᒧᑦ.

ᑲᒪᓂᐊᖅᑐᑦ ᐊᑎᓕᐅᕆᔭᕆᔪᓐᓇᖅᐳᑦ ᐃᓚᒋᔭᐅᓂᐅᔪᒥᒃ ᐊᒻᒪᓗ ᐱᔭᕇᖅᓯᓗᑎᒃ ᓄᓇᕗᑦ ᐊᕙᑎᓕᕆᓂᕐᒥ ᑲᑎᒪᔨᖏᓐᓄᑦ ᖃᕋᓴᐅᔭᑎᒍᑦ ᑐᒃᓯᕋᐅᑎᒥᑦ ᑕᑕᑎᕆᐊᓕᖕᒥᑦ ᖃᖓᑐᐃᓐᓇᑦᑎᐊᖅ; ᑐᓂᖅᑯᑕᐅᔪᑦ ᑐᒃᓯᕋᐅᑎᑦ ᓇᓗᓇᐃᖅᑕᐅᓂᐊᖅᐳᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᑭᓯᐊᓂ ᖃᐅᔨᓴᖅᑕᐅᓂᖓ ᐱᒋᐊᖅᑕᐅᔪᓐᓇᔾᔮᙱᓚᖅ ᑭᓯᐊᓂ ᐱᒍᑎᒃ ᑐᓂᔭᐅᓂᖄᓂᒃᑯᓂ ᖃᐅᔨᓴᖅᑕᐅᓂᖓᓄᑦ ᓄᓇᕗᒻᒥ ᐸᕐᓇᐃᓂᕐᒧᑦ ᑲᑎᒪᔨᖏᓐᓂᑦ (NPC) ᐱᒍᑎᒃ. ᐅᒃᐱᕈᓱᒃᑯᕕᑦ ᐱᓕᕆᐊᒃᓴᕆᔭᐃᑦ ᑐᒃᓯᕋᐅᑕᐅᔪᒥᒃ ᐱᔭᕆᐊᖃᕐᓂᐊᕐᓂᖓᓂ ᖃᐅᔨᓴᖅᑕᐅᓂᖓᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ, ᐊᔭᐅᕆᔭᐅᕗᑎᑦ ᐱᔭᕇᖅᓯᓂᕐᓄᑦ ᖃᕋᓴᐅᔭᑎᒍᑦ ᑐᒃᓯᕋᐅᑎᒥᒃ ᐊᒻᒪᓗ ᑐᑭᓕᐅᕆᓂᕐᓄᑦ ᐃᑲᔪᖅᓯᕈᑎᒋᔭᕐᓄᑦ ᓱᓇᒃᑯᑖᖏᓐᓂ ᕿᓚᒻᒥᐅᓛᒃᑯᑦ, ᑭᖑᕙᕆᐊᖅᑎᑕᐅᖁᓇᒍ ᖃᐅᔨᓴᖅᑕᐅᓂᖓ ᐱᒋᐊᖅᑎᑕᐅᒍᓂ.

ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᑦ ᓴᓇᓯᒪᓪᓗᐊᖅᐳᑦ ᑐᓂᓯᓂᕐᒥᑦ ᐅᖃᑦᑎᐊᖅᓯᒪᔪᑐᐃᓐᓇᓂᒃ ᐅᖃᐅᓯᒃᓴᓂᒃ ᓈᒻᒪᒃᑐᒥ ᐅᓂᒃᑳᕆᓯᒪᓗᓂ ᓇᓗᓇᐃᖅᓯᓂᖓᓐᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᐃᓄᓕᒫᑦ ᑐᑭᓯᑦᑎᐊᕈᓐᓇᕐᓂᐊᕐᓂᖏᓐᓂ ᐊᖏᓂᖓᓂ ᐊᖏᕈᑕᐅᓇᓱᐊᖅᑐᓄᑦ ᖃᓄᐃᓕᐅᕐᓂᐅᔪᓄᑦ ᐊᒻᒪᓗ ᖃᓄᖅ ᐱᑕᖃᑐᐃᓐᓇᕆᐊᓕᖕᓂ ᐊᒃᑐᐃᓂᐅᔪᑦ ᐊᐅᓚᑕᐅᓇᔭᕐᓂᖏᓐᓂ ᑲᒪᓂᐊᖅᑐᒧᑦ.ᑲᒪᓂᐊᖅᑐᒧᑦ. ᓄᓇᕗᑦ ᐊᕙᑎᓕᕆᓂᕐᒥ ᑲᑎᒪᔨᖏᑦᑕ ᑎᑎᕋᕐᕕᖓ ᖃᐅᔨᒋᐊᕐᕕᐅᔪᓐᓇᖅᐳᖅ ᖃᖓᑐᐃᓐᓇᑦᑎᐊᖅ ᐃᑲᔪᖅᓱᐃᓂᕐᒧᑦ ᐅᓂᒃᑳᕆᐊᓪᓚᖕᓂᕐᒧᑦ ᑭᓱᓂᒃ ᐅᖃᐅᓯᒃᓴᓂᒃ ᐃᑲᔪᕈᑎᖃᕋᔭᕐᓂᖏᓐᓂ ᐃᑲᔪᖅᓱᐃᓂᕐᒧᑦ ᐱᓕᕆᐊᒃᓴᕆᔭᕐᓂᑦ ᑐᒃᓯᕋᐅᑕᐅᔪᒥᒃ.