ᑐᖅᑯᐃᓂᖏᓐᓂ ᑐᓂᔭᐅᔪᓂᑦ

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᐱᔭᕆᐊᖃᖅᐳᑦ ᐱᓕᕆᐊᒃᓴᐅᔪᒧᑦ ᑲᒪᓂᐊᖅᑐᓂᑦ ᐊᑎᓕᐅᕆᔭᕆᐊᖃᖅᐳᑦ ᐃᓚᒋᔭᐅᓂᐅᔪᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᖃᕋᓴᐅᔭᑎᒍᑦ ᐃᓄᓕᒫᓄᑦ ᐊᑎᓕᐅᖅᑕᐅᕕᖕᒥ ᐱᔪᓐᓇᖅᑎᑦᑎᓂᕐᒧᑦ ᑐᓂᖅᑯᑕᐅᔪᓂᒃ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᓂᑦ ᐊᒻᒪᓗ ᐃᑲᔪᖅᓱᐃᓂᕐᒧᑦ ᐅᖃᐅᓯᒃᓴᓂᒃ ᐅᕘᓇ ᖃᕋᓴᐅᔭᑎᒍᑦ ᑐᒃᓯᕋᕐᓂᕐᒧᑦ ᑕᑕᑎᕆᐊᓕᖕᒥᑦ. ᖃᐅᔨᓴᖅᑕᐅᓂᖓᓄᑦ ᐱᒋᐊᖅᑎᑕᐅᒃᐸᑦ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ, ᐱᓕᕆᐊᒃᓴᐅᔪᒧᑦ ᖃᐅᔨᓴᕈᑎᖓᓐᓂ ᓴᖅᑭᑎᑕᐅᔪᖃᕐᓂᐊᖅᐳᖅ ᖃᕋᓴᐅᔭᑎᒍᑦ ᐃᓄᓕᒫᓄᑦ ᐊᑎᓕᐅᖅᑕᐅᕕᖓᓐᓂ. ᐱᓕᕆᐊᒃᓴᐅᔪᒧᑦ ᖃᐅᔨᓴᕈᑎᖓ ᑕᑯᒃᓴᐅᑎᑦᑎᓂᐊᖅᐳᖅ ᐱᓕᕆᐊᒃᓴᒧᑦ−ᑐᕌᖓᔪᓄᑦ ᐅᖃᐅᓯᒃᓴᓂ ᖃᕋᓴᐅᔭᑎᒍᑦ ᑐᒃᓯᕋᐅᑎᒥᒃ ᑕᑕᑎᕆᐊᓕᖕᒥᑦ, ᐃᓚᖃᕐᓗᓂ ᓄᓇᙳᐊᒥᒃ ᐱᓕᕆᐊᒃᓴᐅᔪᒧᑦ ᐃᓂᖓᓐᓂ, ᐱᓕᕆᔾᔪᓯᖓᓂ ᓄᓇᙳᐊᒥᒃ, ᓇᐃᒡᓕᒋᐊᖅᓯᒪᔪᒥᒃ ᖃᐅᔨᓴᕐᓂᐅᔪᒥᑦ ᖃᓄᐃᓕᐅᕐᓂᐅᔪᒥᑦ, ᐊᒻᒪᓗ ᐊᑎᓕᐅᖅᑕᐅᕕᖕᒥ ᑕᒪᒃᑭᓂᒃ ᑎᑎᖅᑲᖁᑎᖏᓐᓂ ᐊᒻᒪᓗ ᓇᓗᓇᐃᖅᓯᓂᐅᔪᓂᒃ ᐃᓚᒋᔭᐅᔪᓂᑦ ᖃᐅᔨᓴᖅᑕᐅᓂᖓᓄᑦ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ.

ᐱᓕᕆᐊᒃᓴᐅᔪᒧᑦ ᖃᐅᔨᓴᕈᑎᖓ ᐱᓕᕆᓲᖑᕗᖅ ᐱᔭᕇᖅᓯᒪᓂᖓᓂ ᐊᑎᓕᐅᖅᑕᐅᕕᖓᓐᓂ ᐅᖃᐅᓯᒃᓴᓂᑦ ᐃᓚᒋᔭᐅᔪᓂ ᖃᐅᔨᓴᖅᑕᐅᓂᖓᓄᑦ ᐱᓕᕆᐊᒃᓴᐅᔪᒧᑦ ᑐᒃᓯᕋᐅᑕᐅᔪᒥᒃ, ᐊᒻᒪᓗ ᐱᔪᓐᓇᖅᑎᑦᑎᓪᓗᓂ ᒪᑐᐃᖓᔪᒥᒃ ᐊᑐᐃᓐᓇᐅᓂᖓᓂ ᐃᓄᓕᒫᓄᑦ ᐊᒻᒪᓗ ᐃᓚᐅᖃᑕᐅᔪᒪᔪᓄᑦ ᐱᓕᕆᖃᑎᒃᓴᓄᑦ. ᑐᓂᐅᖅᑲᖅᑕᐅᑎᓪᓗᒍ ᐅᖃᐅᔾᔨᓂᐅᔪᒥᒃ ᖃᐅᔨᓴᖅᑕᐅᓂᖓᓄᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑐᓂᓯᓂᐊᖅᐳᑦ ᐱᓕᕆᖃᑎᒋᔭᐅᔪᓂᒃ ᐱᓕᕆᐊᒃᓴᐅᔪᒧᑦ ᖃᐅᔨᓴᕈᑎᖓᓄᑦ ᕿᒥᕐᕈᓂᕐᒧᑦ ᑎᑎᖅᑲᖁᑎᖏᓐᓂ ᐊᒻᒪᓗ ᑐᓂᓯᓂᕐᒥᑦ ᐅᖃᐅᓯᒃᓴᒥᓂᑦ ᑐᓂᖅᑯᑕᐅᔪᓂᒃ ᐊᑐᕐᓗᑎᒃ ᖃᕋᓴᐅᔭᑎᒍᑦ ᐅᖃᐅᓯᒃᓴᓕᐅᕈᑎᒧᑦ ᑕᑕᑎᕆᐊᓕᖕᒥᑦ.

ᐃᓄᑐᐊᑦ ᐱᓕᕆᐊᒃᓴᐅᔪᒧᑦ ᖃᐅᔨᓴᕈᑎᑦ ᓇᓂᔭᐅᓴᕋᐃᑦᑐᓐᓇᖅᐳᑦ ᐊᑐᕐᓗᑎᒃ ᕿᓂᕐᓂᕐᒧᑦ ᐃᓄᓕᒫᓄᑦ ᐊᑎᓕᐅᖅᑕᐅᕕᖓᓐᓂ ᐱᓕᕆᔾᔪᑎᖓᓐᓂ ᐊᒻᒪᓗ ᑎᑎᕋᕐᓂᕐᒧᑦ ᑐᒃᓯᕋᐅᑎᐅᔫᑉ ᓈᓴᐅᑎᖓᓐᓂ, ᑐᖅᑯᖅᑕᐅᓂᖓᓂ ᓈᓴᐅᑎᖓᓂ ᐅᕝᕙᓘᓐᓃᑦ ᐱᓕᕆᐊᖑᔪᑉ ᐊᑎᖓᓐᓂ ᐅᖃᐅᓯᓪᓗᐊᑕᓄᑦ ᕿᓂᕐᓂᕐᓄᑦ.