ᒪᓕᒡᓗᒋᑦ ᐃᓛᒃᑯᑦ 12.2.23 ᓄᓇᑖᕐᓂᕐᒧᑦ ᐊᖏᕈᑎᓃᑦᑐᖅ ᐃᓄᖕᓄᑦ ᓄᓇᕘᒥ ᓄᓇᑖᖅᑐᓄᑦ ᐊᒻᒪ ᑯᐃᓐ ᑭᒡᒐᖅᑐᖅᑎᖏᓐᓄᑦ ᑲᓇᑕᒥ (ᓄᓇᑖᕐᓂᕐᒧᑦ ᐊᖏᕈᑎᓃᑦᑐᖅ) ᐊᒻᒪᓗ ᐃᓛᒃᑯᑦ s. 38 ᓄᓇᕗᒥ ᐸᕐᓇᐅᓯᐅᕐᓂᖅ ᐊᒻᒪᓗ ᐱᓕᕆᐊᕆᔭᐅᓂᐊᖅᑐᓂᒡᓗ ᖃᐅᔨᓴᕈᑎᖃᕐᓂᐊᕐᓂᕐᒥᒡᓗ ᐱᖁᔭᖅ , S.C. 2013, c. 14, s. 2 (NuPPAA) ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑏᓯᒻᒥᕆ 06, 2018-ᖑᑎᓪᓗᒍ ᓴᖅᑭᖅᑎᑦᓯᓯᒪᓕᖅᑐᑦ ᐅᖃᐅᓯᐅᓂᐊᖅᑐᒥᒃ ᑲᑎᒪᔨᑦ ᐃᓄᒋᐊᒃᑎᓪᓗᒍ ᓈᓚᒃᑎᑦᓯᖃᑦᑕᕐᓂᐊᕐᓃᓄᑦ ᐊᒻᒪᓗ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐊᖑᓯᒪᔪᓂᒡᓗ ᐊᑐᐊᒐᓕᐊᖑᓯᒪᔪᓂᒡᓗ:

ᑖᒃᑯᐊᒃ ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᑲᑎᒪᔨᓄᑦ ᒪᓕᒐᒃᓴᖏᑦ ᐋᖅᑭᒃᓱᖅᑕᐅᓯᒪᔪᑦ ᐊᖏᕈᑎᓃᑦᑐᑦ ᐃᓛᒃᑯᑦ 12, ᐃᓛᓂᑦᑐᖅ 12.2.23 ᓄᓇᑖᕐᓂᕐᒧᑦ ᐊᖏᕈᑎᓃᑦᑐᖅ ᐊᒻᒪ ᐃᓛᒃᑯᑦ s. 26 ᓄᓇᕗᒥ ᐸᕐᓇᐅᓯᐅᕐᓂᖅ ᐊᒻᒪᓗ ᐱᓕᕆᐊᕆᔭᐅᓂᐊᖅᑐᓂᒡᓗ ᖃᐅᔨᓴᕈᑎᖃᕐᓂᐊᕐᓂᕐᒥᒡᓗ ᐱᖁᔭᕐᒦᑦᑐᕐᓗ ᐊᑐᖅᑕᐅᖃᑦᑕᕐᓂᐊᖅᑐᑦ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑲᑎᒪᑎᑦᓯᒃᑲᐃᓕᕌᖓᑕ, ᐃᓚᖃᓯᐅᑎᓗᒍ ᐃᓄᒋᐊᒃᑎᓪᓗᒍ ᓈᓚᒃᑎᑦᓯᓕᕌᖑᑎᒃ. ᑭᖑᓪᓖᑦᑐᒥᒃ ᑎᑎᕋᖅᑕᐅᓯᒪᓕᖅᐸᑕ, ᓄᑖᙳᖅᑎᑕᐅᓯᒪᔪᑦ ᐊᑐᓕᕈᒫᖅᑐᑦ ᑕᐃᒃᑯᐊᓗ ᓄᓇᕗᒥ ᐊᕙᑎᓕᕆᒃᔨᒃᑯᑦ ᑲᑎᒪᔨᖏᓐᓄᑦ 2009-ᒥ ᑎᑎᕋᖅᑕᕕᓃᑦ ᐊᑐᕈᓐᓃᓛᖅᑐ:

ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐊᖑᓯᒪᔪᓂᒡᓗ (IS) ᐊᑐᐊᒐᓕᐊᖑᓯᒪᔪᑦ ᐋᖅᑭᒃᓱᖅᑕᐅᓯᒪᔪᑦ ᐊᖏᕈᑎᓃᑦᑐᑦ ᐃᓛᒃᑯᑦ 12, ᐃᓛᓂᑦᑐᖅ 12.2.23(h) ᓄᓇᑖᕐᓂᕐᒧᑦ ᐊᖏᕈᑎᓃᑦᑐᖅ ᐊᒻᒪ ᐃᓛᒃᑯᑦ s. 26(1)(e) ᓄᓇᕗᒥ ᐸᕐᓇᐅᓯᐅᕐᓂᖅ ᐊᒻᒪᓗ ᐱᓕᕆᐊᕆᔭᐅᓂᐊᖅᑐᓂᒡᓗ ᖃᐅᔨᓴᕈᑎᖃᕐᓂᐊᕐᓂᕐᒥᒡᓗ ᐱᖁᔭᕐᒦᑦᑐᕐᓗ ᐊᒻᒪᓗ ᑐᓴᒐᒃᓴᐅᑕᐅᔪᓐᓇᖃᑦᑕᕐᓂᐊᖅᓱᑎᒡᓗ ᐱᓕᕆᐊᖃᕈᒪᔪᓄᑦ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐅᕐᓂᐊᓕᕌᖑᒥᒃ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᖃᐅᔨᓴᕈᑎᒋᓂᐊᓕᕌᖑᒥᒃ ᑐᒃᓯᕋᐅᑎᒃᑯᑦ ᐱᓕᕆᐊᕆᔭᐅᔪᒪᔪᓂᒃ ᐃᓛᒃᑯᑦ ᐊᖏᕈᑎᓃᑦᑐᖅ 12 ᒪᓕᒡᓗᒍ ᓄᓇᕗᒥ ᐊᒋᕈᑦ ᐊᒻᒪᓗ ᐃᓚᖓᑦᑕ ᐃᓚᖓᓐᓃᑦᑐᖅ 3 ᓄᓇᕗᒥ ᐸᕐᓇᐅᓯᐅᕐᓂᖅ ᐊᒻᒪᓗ ᐱᓕᕆᐊᕆᔭᐅᓂᐊᖅᑐᓂᒡᓗ ᖃᐅᔨᓴᕈᑎᖃᕐᓂᐊᕐᓂᕐᒥᒡᓗ ᐱᖁᔭᕐᒦᑦᑐᕐᓗ. ᑭᖑᓪᓖᑦᑐᒥᒃ ᑎᑎᕋᖅᑕᐅᓯᒪᓕᖅᐸᑕ, ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐊᖑᖃᑦᑕᕐᓂᐊᖅᑐᑦ ᐃᑲᔫᑕᐅᕙᓪᓕᖃᑦᑕᕈᓐᓇᕐᓂᐊᖁᓪᓗᒋᑦ ᐱᓕᕆᐊᖃᕈᒪᔪᓄᑦ ᐱᓕᕆᐊᕆᓂᐊᖅᑕᒥᓐᓅᖓᔪᓄᓪᓗ ᑎᑎᕋᐅᓯᖃᐳᒪᔪᓄᑦ ᑐᓴᒐᒃᓴᐅᑎᒃᓴᓕᐊᖑᓯᒪᔪᖅᑕᖃᑦᓯᐊᖅᑐᓂᒃ ᒪᓕᒡᓂᐊᕐᓗᑎᒃ ᖃᐅᔨᓴᕈᑕᐅᖃᑦᑕᕐᓂᐊᖅᑐᓂᒃ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔩᓄᑦ ᑭᒡᓕᓕᖅᑐᖅᑕᐅᓯᒪᑦᓯᐊᖃᑦᑕᕐᓗᑎᒡᓗ ᑕᐅᑦᑐᒐᖃᑦᓯᐊᕐᓗᑎᒡᓗ ᐱᓕᕆᐊᕆᔭᐅᖃᑦᑕᕈᒪᓂᐊᖅᑐᓄᑦ ᐊᑐᐊᒐᓕᐊᖑᓯᒪᔪᓃᑦᑐᓂᒃ ᑐᓂᔭᐅᖃᑦᑕᕈᓐᓇᓛᖅᑐᑦ ᑕᒪᒃᑯᓂᙵ ᖃᐅᔨᓴᕈᑎᖃᖅᑎᓪᓗᒋᑦ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᐊᕆᔭᐅᔪᒪᔪᒥᒃ.

ᑖᒃᑯᐊ ᑎᑎᖃᐃᑦ ᐊᒻᒪᓗ ᑐᓴᐅᒪᔭᒃᓴᐃᓪᓗ ᓴᖅᑭᖅᑎᑕᐅᓯᒪᔪᑦ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᔾᔪᑎᖃᖅᑐᑦ ᐅᖃᖃᑎᒌᖕᓂᕐᒨᖓᔪᑦ ᑖᒃᑯᐊᒃ ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᑲᑎᒪᔨᓄᑦ ᒪᓕᒐᒃᓴᖏᑦ ᐃᓄᒋᐊᒃᑎᓪᓗᒍ ᓈᓚᒃᑎᑦᓯᓕᕌᖑᑎᒃ ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐊᖑᓯᒪᔪᓂᒡᓗ ᐊᑐᐊᒐᓄᓪᓗ:

ᑎᑎᕋᖅᓯᒪᔪᓂᒃ ᐅᖃᐅᓯᒃᓴᓯᓐᓂᒃ ᑖᒃᑯᓅᖓ ᓯᕗᓪᓖᑦᑐᒥᒃ ᑎᑎᕋᕕᖅᑕᐅᓯᒪᓂᖏᖕᓂᒃ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᓄᐊᖃᖅᓯᔪᓐᓴᖅᑐᓯ ᒫᔾᔨ 15, 2019 ᑎᑭᑦᓯᐊᕆᓗᒍ ᑎᑎᖃᖅᓯᐅᕐᕕᒃᑯᑦ, ᓱᑲᔪᒃᑯᑦ ᐅᕝᕙᓘᓐᓃᑦ ᖃᕆᑕᐅᔭᖅᑎᒍᑦ ᑎᑎᕿᖃᑦᑕᐅᕕᖓᑦᑎᒍᓪᓘᓐᓃᑦ ᐅᕗᒃᑯᑎᒎᓇ ᓇᓕᐊᒃᑯᑐᐃᓐᓇᖅ:

Attn: Ryan Barry, Executive Director
Nunavut Impact Review Board
P.O. Box 1360, 29 Mitik St.
Cambridge Bay, NU X0B 0C0
Fax: 1-867-983-2594
Email: info@nirb.ca

ᐅᑯᐊ ᑎᑎᕋᖅᑕᐅᓂᑯᐃᑦ ᐅᓪᓗᒥᒧᑦ ᑎᑭᐅᑎᓯᒪᓕᖅᑐᑦ ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔩᑦ ᑎᑎᕋᕐᕕᐊᓄᑦ ᑎᒥᒋᔭᐅᔪᓃᖔᕐᓂᑯᐃᑦ ᑖᒃᑯᐊᒃ ᐱᔾᔪᑎᒋᓪᓗᒋᒃ ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᑲᑎᒪᔨᓄᑦ ᒪᓕᒐᒃᓴᖏᑦ ᐃᓄᒋᐊᒃᑎᓪᓗᒍ ᓈᓚᒃᑎᑦᓯᓕᕌᖑᑎᒃ ᓯᕗᓪᓕᖅᐹᒥᒃ ᑎᑎᕋᐅᑕᐅᓯᒪᔪᓂᒃ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᓲᓄᑦ ᐅᓂᒃᑳᓕᐊᖑᓯᒪᔪᓂᒡᓗ ᐊᑐᐊᒐᓄᓪᓗ: