ᓱᓇᓂᒃ ᐊᕙᑎᓕᕆᔨᒃᑯᑦ ᐱᔪᖕᓇᕐᓂᖃᖅᑎᑕᐅᕙᑦ?
Inuktitut
ᐊᕙᑎᓕᕆᔨᒃᑯᑦ ᖁ ᐱᔪᖕᓇᕐᓂᖃᖅᑎᑕᐅᔪᑦ ᐊᒃᑐᐃᓂᐅᔪᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᖑᓱᐊᖅᑐᓂᒃ ᓄᓇᒥ ᐊᒻᒪ ᑕᕆᐅᒻᒥ ᓄᓇᕘᒻᒥ ᓄᓇᑖᕐᓂᐅᑉ ᐊᖏᕈᑎᖓᑕ ᐃᓗᐊᓐᓂᓯᐅᖅᑐᓂᒃ. ᐊᖏᕈᑎᑉ ᐃᓗᐊᓐᓂᓯᐅᖅᑐᑦ ᓗᓇᐃᑦ ᐊᖏᑎᒋᔪᑦ 2 ᒥᓕᔭᓐ ᑭᓛᒥᑐᔅ ᐊᒻᒪ ᑕᕆᐅᑉ ᓯᓂᖏᑦ ᓄᓇᑦᓯᐊᕐᒧᑦ, ᒫᓂᑑᐸᒧᑦ, ᓄᓇᕕᐅᑉ ᑕᕆᐅᖁᑎᖓᓐᓄᑦ, ᓂᐅᕙᐅᓛᓐᒧᑦ ᓛᐸᕋᑐᐊᒧᑦ ᐊᒻᒪ ᑲᓇᑕᐅᑉ ᑕᕆᐅᖓᑕ ᓯᓂᖏᓐᓄᑦ. ᐊᕙᑎᓕᕆᔨᒃᑯᑦ ᐱᔪᖕᓇᕐᓂᖃᕐᕕᖓ ᓯᓚᓪᓕᖅ ᓄᓇᒥᑦ ᓯᑯᑉ ᐱᐊᓚᔪᑦ ᑭᔨᓕᖃᕐᕕᖓᓐᓄᑦ ᕿᑭᖅᑖᓘᑉ ᑲᓇᖕᓇᖓᓄ ᑕᕆᐅᑉ ᑭᒡᓕᓕᕕᐅᑉ ᐅᖓᑖᓐᓄᑦ.
ᐃᒪᒃᑲᓂᕐᓗᒍ, ᐊᕙᑎᓕᕆᔨᒃᑯᑦ ᑐᒃᓯᕋᕈᖕᓇᖅᑐᑦ ᒐᕙᒪᓐᓂᑦ, ᐊᖏᖅᑕᐅᒃᐸᑕᓗ ᐃᓄᐃᑦ ᑎᒥᖏᓐᓄᑦ ᖃᐅᔨᓴᕈᖕᓇᖅᑐᑦ ᐱᓕᕆᔪᒪᔪᓂᒃ ᐊᖏᕈᑎᑉ ᓄᓇᕗᒻᒥ ᓯᓚᑖᓐᓂ ᑭᓯᐊᓂ ᐊᒃᑐᐃᓂᖃᕐᓂᐊᖅᐸᑕ ᐃᓅᓯᕐᒥ ᐱᕙᓪᓕᐊᓂᕐᒥᒡᓗ ᓄᓇᕗᒻᒥ ᓄᓇᐅᑉ ᓇᖕᒥᓂᑖᕆᔭᐅᓯᒪᔪᑉ ᐃᓗᐊᓂᓯᐅᖅᑐᓄᑦ.
Main Image:
Small Images:
