ᐃᖃᓇᐃᔮᖓ: 
ᐃᖃᓇᐃᔭᖅᑎᓂ ᑐᑭᒧᐊᒃᑎᑦᓯᔨ
ᖃᕆᑕᐅᔭᒃᑯᑦ: 
rsinclaire@nirb.ca
ᐅᖃᓘᑎᖓ: 
(867) 983-4608

ᕌᐱᓐ ᐱᓕᕆᓪᓚᕆᒍᒪᕙᒃᐳᖅ ᐱᓕᕆᖃᑦᑕᖅᓯᒪᓂᑰᓪᓗᓂ ᑭᒃᑯᑐᐃᓐᓇᓄᑦ ᐃᓛᒃᑰᖅᑐᓄᓪᓗ ᐱᓕᕆᕝᕕᒋᔭᐅᕙᒃᑐᓄᑦ ᐅᑯᓇᓂ, ᑮᓇᐅᔭᓕᕆᓂᕐᒧᑦ ᐊᐅᓚᑦᑎᕝᕕᖃᖅᐸᖕᓂᕐᒥᒃ, ᐊᐅᓚᑦᑎᕝᕕᖃᖅᐸᖕᓂᕐᒥᒃ ᓵᑕᐅᓕᕈᓐᓇᕐᓂᕐᒥᒡᓗ. ᑮᓇᐅᔭᓕᕆᔨᒻᒪᕆᐅᓪᓗᓂ (CPA) ᐃᓚᒋᔭᐅᓪᓗᓂᓗ ᐱᓕᕆᑦᑎᐊᖅᓯᒪᓂᖓᓄᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᓄᓇᑦᓯᐊᒥ/ᓄᓇᕗᒻᒥ, B.C. ᐊᒻᒪ ᐋᓐᑎᐅᕆᐅᒥ. 2019−ᒥ ᑐᓂᔭᐅᓚᐅᖅᐳᖅ ᖁᑦᑎᓛᒥᒃ ᐱᓕᕆᔨᓪᓚᕆᐅᓂᕐᒧᑦ ᐃᓕᓴᕆᔭᐅᓂᕐᒥᒃ ᐆᒧᖓ, "ᖁᖅᓱᖅᑐᖅ" ᑕᒪᐃᓐᓄᑦ ᐱᖓᓱᓄᑦ ᑲᑐᔾᔨᖃᑎᒌᓄᑦ. ᐊᒻᒪ ᓱᓕ, ᓇᓗᓇᐃᒃᑯᑕᖃᖅᖢᓂ ᓄᓇᖃᖅᑳᖅᓯᒪᔪᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᐅᓂᕐᒧᑦ (CAFM) AFOA ᑲᓇᑕᒥ ᐊᒻᒪ ᓄᓇᕐᔪᐊᕐᒥ ᐃᓕᑕᕆᔭᐅᓯᒪᔪᒥᒃ ᐱᓕᕆᐊᒃᓴᓂᒃ ᐊᐅᓚᑦᑎᔨᐅᖃᑕᐅᓪᓗᓂ (PMP) ᑎᓕᔭᐅᓯᒪᓗᓂ. ᕌᐱᓐ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᖕᒥᔪᖅ ᑯᐃᓐ ᓯᓚᑦᑐᖅᓴᕐᕕᒡᔪᐊᕐᒥᙶᖅᖢᓂ, ᐃᓕᑕᕆᔭᐅᔾᔪᑎᑖᖅᓯᒪᔪᖅ ᒪᓕᒐᓕᕆᓂᕐᒥᒃ ᐊᑲᐅᙱᓪᓕᐅᕈᑕᐅᔪᓂᒃ ᐋᖅᑭᒃᓯᓂᕐᒥᒃ Osgoode Hall Law School / York ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪ Bachelors of Commerce ᓯᓚᑦᑐᖅᓴᕐᕕᒡᔪᐊᕐᒥ ᐳᕆᑎᔅ ᑲᓚᒻᐱᐊᒥ.

2002-ᒥᓂ, ᕌᐱᓐ ᐊᐅᓚᑦᑎᓯᒪᕗᖅ ᒐᕙᒪᑐᖃᒃᑯᓐᓂ ᐃᓚᓕᐅᔾᔨᓪᓗᓂ ᐅᖃᖃᑎᖃᕐᓂᕐᒧᑦ ᐱᓕᕆᓂᐅᕙᒃᑐᒥᒃ ᑲᓇᑕᐅᑉ ᑲᓇᖕᓇᖅᐸᓯᐊᓂ ᐅᑭᐅᖅᑕᖅᑐᒥ ᑕᐃᑲᓂᓗ ᐱᔨᑦᑎᕋᖃᑦᑕᖅᓯᒪᓪᓗᓂ ᐊᔾᔨᒌᙱᑦᑐᓂᒃ ᐱᓕᕆᕝᕕᒋᔭᐅᕙᒃᑐᓂᒃ. ᐊᕐᕌᒍᑉ ᐃᓚᖓᓂ ᓯᕗᓕᖅᑎᒻᒪᕇᑦ, ᕌᐱᓐ ᓇᓗᓇᐃᖅᓯᓯᒪᕗᖅ ᐱᔪᓐᓇᕐᓂᖏᓐᓂᒃ ᓴᖅᑭᑦᑎᔪᓐᓇᕐᓂᕐᒥᒃ ᐱᙳᐊᕐᓂᕐᒥᒃ ᐊᒻᒪ ᓵᓚᒃᓴᖃᑕᐅᓂᕐᒥᒃ ᐱᓕᕆᖃᑎᒌᖕᓂᕐᒥᒃ ᐊᔾᔨᒌᙱᑦᑐᓄᑦ ᑲᑐᔾᔨᖃᑎᒌᓄᑦ ᐊᒻᒪ ᖃᔅᓯᑲᓪᓚᖕᓄᑦ ᓇᖕᒥᓂᖃᖃᑕᐅᔪᓄᑦ ᐊᒻᒪ ᑐᑭᓯᓇᖅᓯᑎᑦᑎᑦᑎᐊᖅᖢᓂ ᐊᒻᒪ ᓯᕗᓕᖅᑎᐅᔪᓐᓇᖅᖢᓂ ᓇᓕᐊᖕᓄᑐᐃᓐᓇᖅ ᐊᕙᑎᒧᑦ. ᕌᐱᓐ ᐃᓚᐅᖃᑦᑕᖅᓯᒪᕗᖅ ᓄᓇᓕᖕᓂ ᑐᓴᕋᓱᒃᑎᓪᓗᒋᑦ ᐊᒻᒪ ᐃᓄᖕᓂᒃ ᑲᑎᒪᑎᑦᑎᔪᓂᒃ ᐱᔾᔪᑕᐅᔪᓂᒃ ᐊᒃᑐᐃᔾᔪᑕᐅᓲᓂᒃ ᓄᓇᕗᒥᐅᓄᑦ ᐊᒻᒪ ᓄᓇᕘᓕᒫᒥ. ᓂᕆᐅᖕᓂᖓ ᐃᑲᔪᕐᓂᐊᕐᓗᓂ ᑖᒃᑯᐊᓗ ᐱᓕᕆᐊᖑᑦᑎᐊᕐᓗᑎᒃ ᐃᓱᒪᒋᔭᐅᔪᓕᒫᑦ ᑐᓴᖅᑕᐅᖁᓪᓗᒋᑦ ᐃᒃᐱᒋᔭᐅᑦᑎᐊᕐᓗᑎᒡᓗ ᕿᓂᓕᕌᖓᒥᒃ ᓴᖅᑭᑦᑎᓂᖕᒥᑦ ᓄᓇᕗᒻᒥᑦ ᐊᑑᑎᖃᖁᓪᓗᒍ ᖃᓄᐃᙱᑦᑎᐊᕐᓗᓂᓗ ᒫᓐᓇ ᓯᕗᓂᑦᑎᓐᓂᓪᓗ ᑭᖑᕚᒃᓴᑦᑎᓐᓄᑦ.

ᓄᓇᕗᒻᒥᐅᑕᐅᓯᒪᓂᑰᓪᓗᓂ ᐅᓪᓗᓕᒫᖅ 9−ᑲᓴᖕᓄᑦ ᐊᕐᕌᒍᓄᑦ ᐱᓕᕆᖃᑎᖃᖃᑦᑕᖅᓯᒪᓪᓗᓂᓗ ᓄᓇᕗᒻᒥ ᑲᑐᔾᔨᖃᑎᒌᓂᒃ 20 ᐊᕐᕌᒍᐃᑦ ᐅᖓᑖᓄᑦ, ᕌᐱᓐ ᖃᓄᐃᙱᑦᑎᐊᖅᑐᒥᒃ ᐃᒃᐱᒋᔭᖃᑦᑎᐊᖅᐳᖅ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᖃᐅᔨᒪᑦᑎᐊᕈᒪᓪᓗᓂᓗ ᐱᒻᒪᕆᐊᓘᓂᖓᓂᒃ ᐃᓄᐃᑦ ᖃᐅᔨᒪᔭᑐᖃᖏᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᓄᓇᕗᒻᒥᐅᓄᓪᓗ. ᐱᔪᒃᓯᑦᑎᐊᖅᐳᖅ ᐱᓕᕆᖃᑎᖃᕆᐊᒃᓴᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ ᓂᕆᐅᒃᐳᓪᓗ ᐃᖃᓗᒃᑑᑦᑎᐊᕐᒧᑦ ᓅᓛᕈᒪᓪᓗᑎᒃ, ᐃᖅᑲᓇᐃᔭᖃᑎᒥᓂᒃ ᑲᑎᖃᑎᖃᒃᑲᓐᓂᕐᓗᓂ ᐊᒻᒪ ᖃᐅᔨᒪᓕᒃᑲᓐᓂᕐᓗᓂ ᑭᒃᑯᑐᐃᓐᓇᑦᑎᐊᓂᒃ ᑕᖅᑭᓂᒃ ᐊᒻᒪ ᐊᕐᕌᒍᓂ ᐊᒡᒋᖅᑐᓂᒃ.