Ikayuqtiuyut laisiniktinnagit, naunaitkutanik angiqtautinnagillu ihariagiyauyuq havagiami havauhikhaq, piyakhangit Nunavuutim atayut munariniqmut havaanga nakuuyukhaq. Nunavuutim munariniqmut havaangit piliurhimayuq ukunannga Nunavunmi Nunataarutit Angirutinginnit qaffillu ilaliutihimayut maligat, ukunatitut Nunavunmi Imangit unalu Nunavunmi Qaanganit Pilaarutingit Ihuarhaiyiit Maliganga unalu Nunavunmi Ihumaliurutingit unalu Havauhikhaq Naunaiyainiqmik Maligaq. Nunavuutim havakvingit inunginnut kavamangat havaariyaat akhuurutauyumik havaamik munarigiami aturninnganik nutaanguqtaaqtut nutaangulimaittullu Nunamiingaqhimayut Maniliurahuarutit Nunavunmi Nunanginnit.

Ikayuqtiuyut havauhikhamut tuniyukhaq havauhikhaq tukhiutinik to the Nunavut Parnainirmut Katimayiingit (NPC) naunairiami tamna havauhikhaq maliktaa piyakhanginnut angiqtauhimayunut nunannganik aturninnganik ihumaliurutinginnik, taimaitpat, tamna havauhikhaq qanurittaakhaa pilimaittuq piyakhamiknut naunaiyariami Nunavut Avatilirinirmut Katimayiit (NIRB). NPC iniqtirniaruknaqhiyait 45nik ublunik ihumagiyanganik uuminnga havauhikhaq tukhiutinik. NPC-kut uqaqatigiinarialgit qaritauyakkut pulaarvinganut uumani www.nunavut.ca naunairyuumirumaguvit tuniqhaininnganik piyakhangit ihuaqtuqlu nunannganik aturninnganut ihumaliurutinganik.

Taimaa, amigaittut ayurhautilluarutaungittut havauhikhat, nunallaani piffaarninngit unalu inmikkut umiat ingilraninngit, pivallianiq haamlatkunnit pittailiyut piyakhanginnut naunaiyainiqmut NIRB-kunnut pitquyaunginnaqniaqtuq NIRB-kunnut naunaiyairiami taimaa NPC ihumaalutiqaqqat ukunuuna piniaruknaqhiyuq angikliyuumiqtut pipkaidjutingit. NIRB naunaiyainginnaqtait havauhikhaq tukhiutiniit pitquyauyut NPC-kunnit. Titiraqhimaninnga 12-1 uumani Nunavunmi Nunataarutit Angirutinginnit (NLCA) ihuaqtullu Naunaiyainiq Ilaliutihimangittuq Angirutingit nuutiqtitauyuq NIRB-kunnit naunaiqtaa kitut havauhikhaq qanurittunit piiqhimayut piyakhanginnit naunaiyaivikhamut.

Naunaiyainiq NIRB-kunnit piliurhimayuq naunairiami taimaa piumayauyuq havauhikhat ihariagiyuq iluittumik avatiliriniqmut ihivriurutimik, unaluuniit pipkainginnarlugit pigiamikni ihariagiyait naunaitkutingit, laisinginnik angirutinginniklu piittumik aadlamik naunaiyainiqmik. Iluittuq avatiliriniqmut ihivriuqniit ihariagiyauniaqtut havauhikhamut atuqlutik uuktuqtauhimangittunik ayuitamiknik, talvani akhuurutauyuq inungnut ihumaalutigiyauyuq ittuq, unaluuniit angiyunut pivallianiq havauhikhat pittaarninnga akhuraaluk ayurhautipkainiaqtaa avatinga. NIRB-kut naunaiyainiq ihumaliurninnga taiguagakhat tuniyauyut kavamatkunni ministanginnut munariniqaqtuq tunigiami uuminnga piumayauyuq havauhikhaq (ukunatitut munariniqaqtut ministait) ilaliutilugu naunaittumik naunaiyainiqmik tukhiutimut pittaarninngalu pipkainiaqtuq avatinga unalu inungnut ikayuutikhait ayurhautinginnik avatimut nunallaanullu. Tamna naunaiyainiq NIRB-kunnit ihariagiyaukpat, pipkaidjutiyuq timiqutigiyangit pittailiyuq tunigiami laisinik, naunaitkutanik angirutiniklu havauhikhamut taimaa NIRB-kut naunaiyainiq iniqqat.

taimaa naunaiyainiq NIRB-kunnit ihariagiyaukpat, Ikayuqtiuyut atiliuqtukhaq maniliqutikhanganik iniqtiqlunilu qaritauyakkut uuktuut apirhuutimik ukunuuna NIRB-kut qaritauyakkut inungnut atiliurutikhangit uumani www.nirb.ca. Pigumitku havauhikhaq tukhiutinik NPC-kunnit, NIRB-kut naunaiyainiq havaangit iniqtiqniaqtaat 45nik ublunik ilaliutiluni inungnit qanuqtut ihumagiyamiknik. Akiqangittuq piyuq NIRB-kunnut naunaiyainiq havaangit, kihimi Ikayuqtiuyut munariyakhait naunairiami tamaita ihariagiyait naunaitkutingit tuniyauyut, ukunaniklu numiktiqhimayut titiqqat titiraqhimayut Inuktitut unalu/unaluuniit Inuinnaqtut. Inirhimayuq ihuaqtuqlu havauhikhaq tukhiutinik kiklipkarniaqtaa aadlanik naunaitkutanik apirhiyut