Havaariyakhat: 
Hivulliqpaam Aulapkaiyi
Qaritauyakkut turaarutaa: 
rsinclaire@nirb.ca
Hivayautaa: 
(867) 983-4608

Robbin havakturniqtuq ayuittiagiikhimayuq havakpakhimayuq talvani nunalaani nanminiqaqtun havagviini tapkunani kiinaujaliqinirmut munaqhivakhuni, kavamaliqinikkut kivgaqtuittiaqtullu. Ilitaridjutiqaqtuq Chartered Professional Accountant (CPA) ilauyurlu ihuaqtumik talvani Ilitaridjutiqaqtunik Ayuittiagiikhimayuq Kiinaujaliqijit (Chartered Professional Accountants) aviktuqhimaniinni NWT/Nunavut B.C., Ontario. Uvani 2019 aittuqtauhimayuq qulliqpanguyumik ayuittiagiikhimayut ilitariyaunirmik “Havaqatiminit”, tamainit pingahunit Katimayinit. Unaluttauq, Naunaitkutiqaqtuq Nunaqaqqaaqhimajunut Kiinaujaliqinirmut Atan'ngujat (CAFM) ataani AFOA Canada imaalu pihimapluni nunarjuami ilitarijauhimajunik Havaakhanik Atan'ngujat Ajuittiaqhimajuq (PMP) tikkuaqtauhimajuq.  Robbin piqaqtuqlu Master of Business Administration talvanga Queens University, Master of Law uvani Ihuiguhuktunut Ikayuqtiuyuq (Dispute Resolution) uumannga Osgoode Hall Law School / York University unalu Bachelor of Commerce uumannga University of British Columbia.

Talvanganin 2002, Robbin aulatitivakhimayuq nanminiriyaminik Kavamatuqatkut ilaliudjaujut tutqikhaiyukharnik atuqtakhanik Kanatami kivataani Ukiuqtaqtumi taima kivgaqtuivakhimajuq aallatqiinik inungnik. Havadjarikpiakyuq angayukhiuyuq atan'nguyat, Robbin naunaittuq pidjariqtuq havaqatiginiaqtait imaalu havaqatigiingnikkut tamaini aalaqkiini havagviup uvalu amigaitut tigumidjutiqaqtut katimayut uvalu naunaiyaqhimayut uvalu hivuliqhurnikkut kittuniliqaak havagviujuni. Robbin ilauvakhimajuq nunalaani katimaqatigiiktuni imaalu nunalaani katimapkaiyukhanik talvuuna hanaqidjutikharnik taima ayungnautiqaqtunik Nunavunmiut imaalu Aviktuqhimajuni tamaat. Ihumajurlu ikayuutikhanik uvalu piyangini ihuaqtumik havauhikhaminik taimaatut tamaita ihumagiyauyut tuhaayauyukhat uvalu pittiaqtauyut qiniqhiagangamik ihuaqtumik pivalliayangini Nunavunmi ikayuutikhanik uvalu inuuhiqattiarnikkut tadjamin uvalu hivuniptingni kinguliptingnun.

Hivuagut nunaqaqpakhimajuq Nunavunmi ubluq tamaat naamavyaktumik 9 ukiuni imaalu havaqatigivakhugit Nunavunmi timiqutaujut avatqumajunik 20 ukiuni, Robbin inuuhiringnaqtumik pittiariyait Inuit pitquhiinnik imaalu qaujimajattiaqtait anginiqarnianik Inuit Qaujimajatuqangit NIRB-kut imaalu Nunavunmiut. Quviahuktuq havaqatiginialiramigit NIRB-kut quviahukturlu nuutiffaariamini Iqaluktuutiamut havaqatikhaminik ilitturidjarikhilugitlu tamaita nakuutqiamik tatqiqhiutini ukiunilu.